Hechos 10:19 - Dios Iwene

¹⁹ Ja̧danö, jobadö tjichibonö Pedro ina edaja̧ omukwatö ji̧jetö. Ja̧danö, jobe ja̧nö omukwatonö Dios O̧'wo̧ Luwo̧ma jö̧ba̧lijetö jo̧banöma: —A̧ja̧kwitjö. Wa̧medukwa ömadöma ichajadö tjisakwa ökwönö.

Hechos 10:19 ပူးပေါင်းရင်းမြစ်များ

Juan 16:13

Jo̧kwaijayonö Dios O̧'wo̧ Luwo̧, otiwanöda yöbawo̧ma ichena jo̧bada öibakwo̧ ökwödönöma, otiwanö kwöwaisachibaduwobö kwo̧'wo̧ luwo̧duwinö. Dios O̧'wo̧ Luwo̧ma, Iteda iwene yöawökakwo̧, Chabe'do iwene a̧ja̧kwakwawada yöawakwo̧. Baledakwa̧bi öwaitjöda yöa̧lakwo̧.

Hechos 10:18

Ja̧danö, ichibajadö abebö a̧ja̧kwijadötö, Simón, ju'wi imi Pedro mikwo̧, jejunö ö̧jojobö.

Hechos 10:3

Ju'wi möle, ja̧wo̧ wöatena, ángelma öwaitjöda öwawachijetö Cornelionö, i̧'wi̧di̧danö. Ja̧danö, ángelma Cornelio eju okwa tebachö jwöbijetö: —Cornelio—jwöbijetö.

Hechos 11:12

Ja̧danö, Dios O̧'wo̧ Luwo̧ma ötjönö öbibö jö̧a̧lijatö, Pedro, jobadöma judío jojodöböködöjayonö öpöjödabökönö jobadökwö kwi̧'yo, jö̧ba̧lö. Jo̧kwaobetjö̧ jobadökwö chi̧'yijatö, Cesareabe. Bidöbi, jelemutjö bakwo̧nö chömöledöma, Dios ömöledö babibadöma, ötjökwö tjichijatö. Ja̧danö, ökwödöma Cesareabe ichibö bakwo̧ Cornelio mikwo̧, judíoso̧bökö ejube tedachijatö.

Hechos 13:2

Ja̧danö, ju'wi möle jobadöma tju̧kwa kwökönö ö̧tö̧chö Diosnö ösödijadötö. Tjösödonö Dios O̧'wo̧ Luwo̧ma jobadö tjo̧'wo̧ luwo̧nö jö̧ba̧lijetö: —Ötjöma ökwödötjö du̧ju̧tajanö, Bernabénö, Saulonö 'da̧batö chujunijatö ötjö weti̧ tjotidobö. Jobadönö tjuu wamenö 'bibebö abebaduwi ötjö weti̧ tjotido— jö̧ba̧lijetö.

Hechos 15:7

Lekwe yötja̧lakwawaja̧ ikenama Pedroma jamatö jö̧ba̧lijetö: —Chömöledö, ökwödöma kwöwaisaduwa ötjönö baledinama. Ajayinöma, Jesús weina dotidobö yöba̧lakwawö doko̧ko̧kwena Diosma ötjönö 'da̧batö ujuninobe judío jojodöböködönö yötawobö otiwa jawa wenema, jobadöbi a̧ja̧kwö Jesúsnö tjösödobö.

Hechos 21:4

Jena lamatajadö wa̧ibö disakwijatö jobe ju̧kwadö Jesúsnö ösödadönö. Jobadönö badekwajadöma jobadökwö dö̧jijatö jelemutjö dötölataja mölenö. Ja̧danö, jobadöma Dios O̧'wo̧ Luwo̧ jobadö tjo̧'wo̧ luwo̧nö öba̧ja̧da̧lonö yötjawijatö Pablonö, Jerusalénbema kwi̧'yoko, jö̧ba̧lö.

Hechos 8:29

Felipema jejenö eda̧lonö Dios O̧'wo̧ Luwo̧ma jo̧ba o̧'wo̧ luwo̧nö öbibö jö̧ba̧lijetö: —Koluka pjeanö 'ya̧ibi—jö̧ba̧lijetö.

1 Corintios 12:11

Jejenö wainökwena iyijayonö, iyo̧ma bakwo̧da, Dios O̧'wo̧ Luwo̧da. Ja̧danö, jo̧bada ösödi̧danö okobe deinö bakwo̧nökwena wainökwena iyo̧, jo̧ba ujulunö ja̧bö tjö̧jo jö̧ba̧lö.

1 Timoteo 4:1

Timoteo, Dios O̧'wo̧ Luwo̧ma wajuwanö yöawobe, 'dö̧ibaji̧ möle, ju'wedöma Dios iwene, Jesús jawa wene junibö, Awetja ömöayedö ángelesdö omöna yötjawi̧da tja̧ja̧kwakwedö jö̧ba̧lö, jobadö yötjawi̧da ösödö.