Hechos 10:14 - Dios Iwene

¹⁴ Ja̧danö, Pedroma, ja̧ iwene a̧ja̧kwö jö̧ba̧lijetö: —Chuluwo̧, kwabö chukwökena, la'akatjöda kwiachijökötö jobadöjayedönöma, judío jojodönö tjukwoko wetjinawö̧nöma. Jobadönöma, sulabedö, jö̧ba̧lö, yötja̧lawö̧nö la'akatjöda tjukwajichököwö̧ ökwödöma, judío jojodöma.

Hechos 10:14 ပူးပေါင်းရင်းမြစ်များ

Génesis 19:18

Jejenö weiökwe Lotma jö̧ba̧lijetö: —Chuluwo̧, jobekwö dötibajoböma webökönuwi.

Éxodo 10:11

¡Chöpöjöda! Wetokobe okobe deinö kwi̧'yaduwoböma. ¿Isabenö Jo̧nö ösödö kwiyaduwobö kwösödaduwiji̧? Jao kwatjö̧ma, ömadöda kwi̧'yaduwobö wetena— jö̧a̧laja̧ ikena farónma Moisésnö Aarónnö iteda ö̧jelö a'dewö lobijetö.

Daniel 1:8

La'aka luwo̧ iteda u̧kwa kwakwawatjö tjukwobö weinajayonö, Danielma öwaisinobe, la'aka luwo̧ u̧kwama Dios weökö jawa Israel jojodö tjukwoböbi, ja̧danö tjowoböbi, jo̧kwajabetjö̧ chukwitjö̧ma yȩtekwinö chukwena, Dioskwö wene chujuna̧lakwawena jö̧ba̧lö öwaisinobe. Ja̧danö, jejenö öwaisobetjö̧, omukwatö ujuninobe, Dios weökö jawa chukwökakwo̧sa, ja̧danö chowökako̧sa, yȩtekwapji, jö̧ba̧lö. Jejenö omukwatö junajo̧, uluwo̧ Aspenaz mikwo̧nö aebinobe, ja̧ kwakwawa ukwobö weokobö, Dios öba a'otjö wene ujuna̧lapji jö̧ba̧lö.

Mateo 15:11

Isabenö yötawaduwakwö, jojodö tjaa okwa teachi̧ jawa tjukwi̧ma, suli̧ waedökö ji̧. Sule tjaatjö laebi̧ jawa, yötja̧li̧ jawada, suli̧ ja̧i̧— jö̧ba̧lö yöawinobe.

Mateo 16:22

Jejenö yöawökwe, Pedroma jo̧banö do̧batö yöa̧linobe: —Chuluwo̧, sulabenö yöka̧la. Jejenöma la'akatjöda baledökena ökwönö, Dios weökena— jö̧ba̧lö.

Mateo 25:9

Atjebawö̧, waisanö omukwatadöma tjatadinobe: Diyökö. Ökwödönö diyitjö̧ma, ba̧jekwachökena, ja̧danö ditea'yu̧bi tiibena. Ökwödöma bodegabe 'ya̧duwi, ökwödö kwiteaduwa kwemaduwakobetjö̧, jö̧ba̧lö wetjinobe.

Mateo 8:2

Ja̧danö, bakwo̧ i̧sȩdo̧ sulabo̧ma ichö, Jesús öba a'o bȩbachibö aebinobe: —Chuluwo̧, kwösöditjö̧ma, chi̧sȩdo̧ suli̧ waekwi̧ otiwanö baibobö pjakatena— jö̧ba̧lö.

Marcos 7:2

tjedemi Jesús öba̧ja̧di̧ waisachadötjö ju'wedöma, judío jojodötjö ajayinö ji̧nadö wetjinadanö, tjukwakwa̧ abönö tjömamiju tjidichawobö wetjinadanö dichawökönö kwijadötö.

Lucas 1:60

Jo̧kwaijayonö, ojo'doma atadö yöja̧linobe: —Chitji̧ma Zacarías jöba̧löma mikwö̧kö̧. Juan jö̧ba̧lö mikwo̧— jö̧ba̧lö.

Juan 4:11

Jejenö yöawoko jobujuma jö̧ja̧linobe Jesúsnö: —¿Dakwö waköbobö, waawa'do jwiköbobema? Be'doma möe'do. Ojwiyoma nijibeda okwobe—jö̧ja̧linobe Jesúsnö—. Ja̧ yöka̧laja̧ ojwiyo, ba̧kwȩlö̧jatebö ja̧kwawa ojwiyoma ¿Delö waköbenada?

Hechos 10:13

Ikenama Pedroma iwene a̧ja̧kwijetö, baikwö yöawi̧: —Pedro, a̧laibö kwabi kwukwo— jö̧ba̧lö.

Hechos 10:28

Tebachajo̧ Pedroma jobadönö yöbawijetö: —Ökwödöma kwöwaisaduwa ökwödö judío jojodöma judío jojodöböködökwöma tebachöbi dö̧jokobe. Ökwödö duju̧kwobö weawa weokobe ökwödönöma judío jojodöböködökwö dö̧joböma. Jo̧kwaijayonö Diosma ja̧ chomukwati̧ omukwatökönö chöbalewachinö ja̧inobe. Bakwo̧nöbi, Sulabo̧, dö̧jobö lȩebökwe, jö̧ba̧lö, chomukwatokobö ja̧inobe Diosma.

Hechos 22:8

Jejenö jwöitjö̧ abebö cha̧ja̧kwijatö, Chuluwo̧ ökwöma ¿tiköbobeda? jö̧ba̧lö. Jejenö abebö cha̧ja̧kwiökwe yöawijatö, Ötjöma Jesússa, Nazaretnö da̧peachinasa, ökwö sulabenö ja̧köbökwema, jö̧ba̧lö, yöawijatö.

Hechos 9:5

Jejenö abebö a̧ja̧kwiökwe Sauloma abebö a̧ja̧kwijetö: —Chuluwo̧, ökwöma ¿tida?— abebö a̧ja̧kwiökwe: —Ötjöma Jesússa, ökwö sulabenö ja̧köbökwema— yöbawijetö—.