Hebreos 9:2 - Dios Iwene

² Ja̧danö jejuma, okwi'iju junabinö, isa̧di̧ju debatö tjotidineju. Ja̧danö, dȩko̧lataja ji̧nö tjöekwineju. Ajayisȩko̧, Inesösȩko̧, jö̧ba̧lö, ötjabinȩko̧. Jȩko̧nö la̧pa̧la̧yu̧ junawa ji̧nobe. Ja̧danö, mesasötebi ji̧nobe, pan ö̧pji̧ya tjöwanöte, Diosnö tjiyi̧ pan. Jȩko̧, inesösȩko̧nöma okobe deinö teachakwawökȩko̧. Sule Diostjö jojodötjö ö'weje pjabatadöda tebachiatjinobe.

Hebreos 9:2 ပူးပေါင်းရင်းမြစ်များ

Éxodo 25:23

Ja̧danö, mesasöte, acacia towi ötetjö tjotidobö weköbo. Jötema wayobekwöma noventa centímetrosnö, ja̧danö ja̧kwölakwöma cuarenta y cinco centímetrosnö, ja̧danö möakwöma sesenta y cinco centímetrosnö tjotido.

Éxodo 25:30

Ja̧danö, mesasötenö ba̧kwȩlö̧jatebö pan wa̧jakobe, ötjönö ösödö kwiyaduwakwa̧ma— webijetö Isabenö Jo̧ma Moisésnöma, jojodönö weobö.

Éxodo 25:31

Ina webijetö Isabenö Jo̧ma: —Moisés jojodönö weköbo dȩju̧wa'yu o̧'di̧ju̧ ja̧ka tjödadobö, bakwai orotjö. Ja̧danö, dȩju̧wa'yu o̧'di̧ju̧ ja̧kama baikwö ichejekwinö tjödado: Bakwai orotjö 'dobö la'aka isa'o tjödado, ja̧danö, bakwainö la'aka isa'otjö dötewanö okwi'o ji̧nö tjödado, bakwai orotjö 'dobö. Ja̧danö, ja'otjöda dötewinö tjödado o̧bu̧bi̧ya̧danö ichejekwinö, almendra mikwi̧ i̧sa̧bu̧danö ichejekwinö. Ö'wejemu jawa o̧bu̧bi̧ya̧danö ichejekwinö tjödado. O̧bubi̧ya la'aka ji̧nöbi, o̧bubi̧ya̧ ji̧nöbi tjödado, dȩju̧wa'yu okwi'otjö bakobe 'diinö dötewanö. Ja̧danö, abönö wa̧pöbukwa o̧bubi̧yatjö bakwabukwenatjö̧ öjabi̧ya ji̧nö tjödado, o̧bu̧tjö laebi̧danö öjabiyama, isa'o bakwachakwadanö wa̧pöjakwa möakwö wi̧so̧inö. Ja̧danö, öjabi̧ya bakwöjakwenanö almendra o̧bu̧bi̧ya ji̧nö wa̧pöbukwa o̧bubi̧ya ji̧nö tjödado, o̧bubiya la'aka ji̧nöbi o̧bubi̧ya̧ ji̧nöbi. Öjabiya isa'o bakwachakwadanö laebi̧ öjabiyatjö tjödado o̧bubiya ji̧nö wa̧pöbukwa bakwöjakwena.

Éxodo 26:1

Ina, Isabenö Jo̧ma Moisésnö webijetö: —Moisés, jojodönö weköbo o̧do wamenö muchekwa o'wiju tjiti̧lo, kwö'da̧deduwinö chö̧jakweju, wainöseju, jelobe jelobebi kwe'ewaduwakweju wamenö tjumuchebakwa̧ o'wijuma. Baikwö tjiti̧lo weköbodönö: Ajayinöma domulataja jawa o'wiju tjiti̧lo. Bakwa'wokwena wayobekwö doce metros y medio ja̧danö, ja̧kwölakwö dos metros tjiti̧lo. Ja̧danö, ja̧ o'wijuma jwiinö otiwi̧ jawa, lino mikwi̧ dölawa opjiyatjö tjiti̧lo. Ju'wi opjiyakwö luledö tjiti̧lo, ö̧'dö̧wayutjö, ö̧'dö̧yuwayutjö, duwayutjö. Ja̧danö, tjiti̧laja̧ o'wijunö bakwa̧'wokwena bakwo̧ 'dö̧awa waiso̧ma queribines mikwadö tjo̧'wo̧ jawa 'dö̧o.

Éxodo 26:33

Ikenama ja̧do̧ tjöekwado̧ma okwi'ijunö debatö tjö̧no o̧ki̧ju̧nö akwatö. Ja̧danö, ja̧do̧ tjöekwemi o̧pesȩko̧nö, inesö la'akasȩko̧nö isapjo e'ewö tjujuno, domulataja jawa weawa weti̧ wȩyu̧kwa öbiya a̧ja̧kwapjoma. Tjöekwado̧ma la'akaseko̧tjö inesö la'akasȩko̧tjö tjöeba̧linö la̧kobe.

Éxodo 26:35

Ja̧danö, tjöekwado̧ badeibö, la'akasȩko̧nö mesasöte, pan wa̧nawötema tjujuno, o̧do wajwitjobekwö. Ja̧danö, dȩju̧wa'yu o'di̧ju̧ ja̧kama jȩko̧nö tjujuno cheju tjöwaisobekwö.

Éxodo 29:1

Isabenö Jo̧ma ina Moisésnö webijetö: —Moisés, Aarónnö, Aarón i̧tji̧munö kabebö kwöwano ötjö weti̧ tjotidobö, ötjötjö jojodötjö dö'da̧denö pjabatadö batjibanö. Baikwö ja̧köbo: Bakaya itji̧ ina möayo̧nö, suli̧ jwibo̧nö, ja̧danö o̧bȩja̧dö ömadönö du̧ju̧tajanö, suli̧ jwibadönö 'da̧batö kwujuno.

Éxodo 29:35

Jejenö okobe jwiinö wetakwö Moisés, Aarónnö iteda i̧tji̧mu̧nö ötjötjö jojodötjö dö'da̧denö pjabatadö batjibanö kabebö kwöwanobö. Jelemutjö dötölataja möle baledibanö, bakwöta mölekwena ötjö weti̧danö ja̧köbobö jo̧be, jobadönö kabebö wanö.

Éxodo 40:2

—Moisés, jojodönö yökawo̧ ajayinö ja̧wo̧nö, ajayinö mölȩ baledena ötjö cheju inesö Seju, jobadökwö tjö̧'da̧denö chö̧jakweju, otidö kwujunaduwo.

Éxodo 40:4

Ja̧danö, mesasöte cheju okwa abönösȩko̧nö tebatö kwujunaduwo, jötenö wa̧ji̧kwö. Ja̧danö, dȩju̧wa'yu o̧'di̧ju̧ ja̧kabi jȩko̧nö tjujuno. Ja̧ka o̧'di̧ju̧ kwöwanaduwo ja̧ka öjabiya ji̧na bajale bakwöjakwena bakwa'do̧.

Mateo 5:15

Ja̧danö, jojodö dejewa'yu̧ tjönötedenama, ¿wi̧lȩyu̧ teebe tjujunenaji̧? Junöködö, mesasöte wame junadö, okobe deinö o̧do okwa ju̧kwadö otiwanö tjedobö, ¿jö̧tö?

Hebreos 9:25

Isabenö chömöledö, Cristoma Dios mölejȩbe eju okwa teachinobe, jwiinö mikwawi̧ iyawa iyö, iteda ökwösobuda. Ja̧danö, bakwötanöda teachinobe ökwösobunö midö. Jo̧kwaijayonö jejenömaökö böjȩtjö Diostjö jojodötjö ö'weje la'aka pjabato̧ iyinama. Böjȩtjö ö'weje la'aka pjabato̧ma bakwöta o̧bakwena ökwösobu e'ewö tebacho̧ okwasȩko̧nö, jwiinö inesösȩko̧, tjöekwemi o̧pesȩko̧nö. Ja̧danö, ökwösobu e'ewianobuma, iteda ökwösobumaökö, pakaya, chiwo tjökwösobu. Yemidanöbi yemidanö bakwöta o̧bakwena böjȩtjö Diosnö la'aka iyo̧ma tebachiainobe pakaya, chiwo tjökwösobu iyö. Jo̧kwaijayonö jejenömaökö Cristo iyinama. Yemidanöbi yemidanö ökwösobu ebawinokobe. Bakwötanöda midawö woinobe ökwösobu ebawinö, böjȩtjö Diostjö jojodötjö ö'weje la'aka pjabato̧ iyawö̧ wotji̧danömaökö, bakwöta o̧bakwena.