Hebreos 8:12 - Dios Iwene

¹² Ja̧ mölema jojodönö lȩlö̧jino edö, sulabe tjujuna̧li̧ chomukwatobö jwiinö söbebö lotakobetjö̧, okobe deinö tjöwaisakobe ötjönöma. Jejenö laebobe Dios iwenetjö, damötjö iteda 'yayi̧ balekwa yöbawö ujunina badekwachakwa̧ möle yöawinama.

Hebreos 8:12 ပူးပေါင်းရင်းမြစ်များ

Isaías 43:25

Ötjöma Isabenö Jo̧ Dioschobetjö, kwusuladuwi̧ söbebö lobo̧sa chömöledö, ötjödachobetjö̧ sulabenö ja̧köbaduwi̧ omukwatökönö, ökwödönö lȩlöjinö edo̧sa chömöledö,

Isaías 44:22

Isabenö kwö̧jibaduwinö pjabato̧sa chömöledö, sulabenö weti̧ a̧ja̧kwökönö kwö̧jaduwinajayonö, kwusuladuwima söbebö lotajabe. Sulabenö ja̧bajadö wene kwujuna̧laduwima, jwa̧le'epjo ojwiyo'wo, yȩa'wo jelobekwö e'ewibi̧danö söbebö lotajabe. Isabenö ötjökwö ja̧nö tjekachaduwo chömöledö, isabenö ökwödönö tjöbeba̧lö chö̧jobetjö̧, jö̧ba̧lö laebobe Dios yöa̧li̧ma.

Romanos 11:27

Ja̧danö, sulabe tjujuna̧li̧ söbebö lotenama, jobadönö isabenö pjatatakwa̧ wene yöbawö chujunocha, jö̧ba̧lö laebobe Dios iwene, Dios Israel jojodö tjö̧jibinö ja̧akwa̧ma.

Efesios 1:7

Ja̧danö, Diosma ökwödönö jwiinö lȩlö̧jino edö webijetö itji̧ Jesucristonö, dö̧jibanö pjaatobö. Weinökwema ökwösobu ebawinö midawö dö̧jibanö pjaatinobetjö̧ ökwödö dusuli̧ma söbebö lobijetö Diosma.

Colosenses 1:14

Jau chömöledö, iteda Itji̧nötjö Diosma Awetja ujulutjö dö̧jibanö ja̧inobe, sulabe dujuna̧li̧ söbebö lobö.

Apocalipsis 1:5

Ja̧danö, Jesucristoma ökwödönö lȩlö̧jino edobö chösöda, kwo̧'wo̧ luwo̧duwi ösöwachibanö kwö̧jaduwobö. Jesucristoma Dios omukwati̧ jweinö yöbawo̧. Ja̧danö, jo̧bama wobinadötjö abönö tjebachajina. Ja̧danö, okobe deinö böjȩ la'aka luwedönö webö jo̧ Jesucristoma, inesö la'aka luwo̧obetjö̧. Chömöledö, Jesúsma ökwödönö jwiinö ile nibebo̧. Jo̧bama iteda ökwösobu ebawinö imidawinobetjö̧, sulabe wei̧ a̧ja̧kwökönö, otiwanö dö̧jobö jo̧be.