Hebreos 5:13 - Dios Iwene

¹³ Ja̧ wanedö yötawaja̧, tjemu ina da̧peachöködödanö da̧peachöködöja, jö̧ba̧lö, wanekwachobe. Ina Dios iwene kwa̧ja̧kwaduwijayonö waisachiböködöja. Ja̧danö, ina Dios iwene a̧ja̧kwö kwö̧jaduwi̧ ö'wiawakwawö̧jö̧nö kwomukwataduwobö wajwibadöja, Biya̧ma otiwa, biya̧ma sula, jö̧ba̧lö.

Hebreos 5:13 ပူးပေါင်းရင်းမြစ်များ

Isaías 28:9

Dios yöawi̧ tjaja̧kwobö öpöjödadö, —Ite Dios ökwödönö waisakwawa jawa ö̧ba̧jadobö jwibo̧, yöawi̧ okwa jawa ökwödönö labebö lobö yöawobö jwibo̧. Ökwödönö yöawi̧ma, tjemu iya̧nö o̧do'bi̧ 'dötjebajawö̧nö yöawobedanö ichejekwa, tjemu pjebadönö yöawobedanö ichejekwa.

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Marcos 10:15

Isabenö yöta̧laduwakwö: Bakwo̧, tjemu Diosnö tjösödi̧danö ösödö jö̧kö̧ma, Dios La'aka Luwo̧ ö̧jobekwö teachökakwo̧—jö̧ba̧lijetö Jesúsma iteda öba̧ja̧di̧ waisachadönöma.

Romanos 2:20

Ja̧danö, wajwibadönö jwebebo̧sa, tjemunöbi waisato̧sa, jö̧ba̧lö, kwomukwataduwena ökwödö judío jojodöma. Dios weina kwujuna̧laduwobetjö̧, okobe jwiinö waiso̧sa, okobe jwiinö jweinöda yöbawo̧sa, jö̧ba̧lö, kwomukwataduwena, ökwödö judío jojodöma.

1 Corintios 13:11

Baikwö wanedö yötawa chömöledö: Ötjöma ina tjemu chö̧jayi, tjemu yöa̧li̧danö yöta̧lijatö, ja̧danö tjemu omukwati̧danö chomukwatijatö, ja̧danö tjemu öwaisachibi̧danö chöwaisachibijatö, jo̧kwaijayonö pöe batibenama, tjemu jawa katatibijatö chömöledö.

1 Corintios 14:20

Chömöledö, biya̧ yötawaja̧ jawa wajwibö kwomukwataduwa, tjemu wajwitji̧danö. Suli̧ jawa wajwiköbaduwobö chösöda chömöledö, bakwainö otiwi̧da kwomukwataduwo jö̧ba̧lö, jo̧kwaijayonö biya̧ yötawaja̧ jawa tjo̧'wo̧ luwo̧nö da̧peachadö tjomukwati̧danö jweinö kwomukwataduwobö chösöda.

1 Corintios 3:1

Chömöledö, ökwödö Corintionö ju̧kwadö Jesúsnö ösödadönö yötawenama, ju'wedö Dios O̧'wo̧ Luwo̧nö juna̧ladönö yötawi̧danö yötawobö jö̧ta̧lijayonö, waekwijatö. Jejenö yötawoböma jwiijatö chömöledö. Jau chömöledö, ökwödönö yötawenama, böjȩ jojodönö yötawi̧danö, ja̧danö iya̧nö Cristonö ösödadönö yötawi̧danö yötawijatö.

2 Corintios 3:9

Jau chömöledö, ja̧ ajayi wene iyenama, Moisésma Diosda ujulu i̧sebinobe, ¿jö̧tö? Ja̧danö chömöledö, Moisés Dios wei̧ yöawenama, jojodö tjö̧jibakwa̧ wene yöawinokobe, sule woawa weneda yöawinobe, ¿jö̧tö? Jau chömöledö, woawa weneda yöawinobe Moisésma, ja̧danö woawa weneda laebijayonö, yayonö Dios dejatinö ujulu i̧sebinobe Moisésma. Ökwödö yödawi̧ma Moisés yöawinatjö bajalekwönönö mikwawi̧ wene chömöledö, ökwödö yödawi̧ wenema, jojodö sulabe jwibadö batjibobö pjaatobetjö̧. Jau chömöledö, ökwödö yödawi̧ wene ösödadönö, Diosma sulabe jwibadö batjibanö pjaatobe, jo̧kwajabetjö̧ isabenö ajayi wene, woawa wenetjö bajalekwönönö mikwawi̧ chömöledö. Jo̧kwajabetjö̧ ¿dakwö kwomukwataduwa chömöledö? Woawa wene yöbawö Moisés Dios ujulu i̧sebinatjö̧ma, ¿ökwödö jojodö tjö̧jibinö pjaatakwa̧ wene yöbawö Dios ujulu di̧sebökenaji̧? Isabenö di̧sebobe chömöledö, Moisés i̧sebinatjö bajalekwönönö öwaetjöda Dios salöinö dejatinö ujulu i̧sebadösa chömöledö.

Efesios 4:14

Jejenö da̧peachadö badibenama, ökwödöma tjemu wajwibadödanö dö̧jökena, Dios iwenema. Ja̧danö, waisanö ja̧nö, ju'wedö wainö omukwatö yötjawi̧ma da̧ja̧kwökena. Wanedö yötawa chömöledö: Isowi, tjolanö nubökönö nönawowi, jwa̧lȩ'epjo ichobe balawa loobö jwa̧lȩ'epjo e'ewibobekwö 'yo̧wi. Ökwödöma jejenö dö̧jaduwoko. Jowi isowi balawa loobö jwa̧lȩ'epjo e'ewibidanöma e'ewibököwö̧sa, do̧'wo̧ luwo̧nö da̧peachö dö̧jenama. Ja̧danö ju'wedökwöma, ökwödönö tjo̧'wo̧ sulinö edö, sulabenö doma'a o̧pekwönö ja̧badöma tje'ewibököwö̧sa, isowi tjolanö nubökönö nönawowidanöma.

2 Timoteo 3:16

Isabenö mikwawobe Dios iwenema Timoteo, Diosda yöawinobetjö̧. Jau Timoteo, okobe jwiinö Dios iwenema, Diosda yöawawö̧ tjiwȩyudinobe, ja̧danö Dios yöawi̧daobetjö̧, isabenö mikwawobe, ba̧ja̧döbi tjöba̧ja̧dobö, ja̧danö sulabenö ba̧ja̧dakwawa jwebeböbi jwetjebobö, ja̧danö, sulabenö ja̧tji̧ jwebeböbi jwetjebobö, ja̧danö otiwanö ja̧bö ja̧kwawa ba̧ja̧döbi tjöba̧ja̧dobö.

1 Pedro 2:2

Jau chömöledö, ja̧ jawa kabatibö, balekwa̧da kwösödaduwo chömöledö. Wanedö yötawa, tjemu iya̧nö tjeminawö̧danö, kwo̧'wo̧ luwo̧ jawa lechedanö ji̧ma kwösödaduwo chömöledö, otiwanö kwöda̧peachaduwobö.

2 Juan 1:11

Isabenö jobadönö yöka̧laduwoko, dokwa jö̧tja̧lenabi, jobadö sulabenö omukwatadökwö kwödötekwaduwapji jö̧ba̧lö.