Hebreos 3:19 - Dios Iwene

¹⁹ Jo̧kwaobetjö̧ chömöledö jobadö tjö̧jinama ökwödönö baikwö wajuwanö i̧sebobe: Da'dödöminema, Dios wei̧ öpöjödö tja̧ja̧kwokobetjö̧ Dios jobadönö lȩbebö weinokobe Canaán niji tetjachobö, iteda iyemima. Jejenö jobadö Dioskwö do̧'wo̧ luwo̧nö ö'wachö tjöbamatobö jwiinobe. Chömöledö jobadö Diosnö öpöjödö tjö̧jinadanöma kwuju̧kwaduwoko.

Hebreos 3:19 ပူးပေါင်းရင်းမြစ်များ

Marcos 16:16

Bakwo̧, ja̧ otiwa jawa wene ösödö, Jau Jesúsma dö̧jibinö otido̧, jö̧ba̧lö, ösödo̧nö, ojwenö ubu̧datajökwenöma jo̧ba ö̧jibinö otidökwe Diosma. Jo̧kwaijayonö, Jesúsnö öpöjödo̧ma Dios lȩebi̧ baibenama baledakwo̧.

Juan 3:18

Ja̧danö, Dios Itji̧nö ösödo̧nöma Dios lȩebi̧tjöma baledökakobe. Jo̧kwaijayonö öpöjödo̧nöma Diosma ida̧ökö lȩebakwa̧ junijetö, Bitenöma lȩtebi̧tjö baledakwo̧, jö̧ba̧lö, weökwe itji̧nö, iteakwo̧nöda öpöjödobetjö̧.

Juan 3:36

Bakwo̧, Dios Itji̧nö ösödo̧ma ba̧kwȩlö̧jatebö ja̧kwawa juna̧lo̧. Ja̧danö, Dios Itji̧nö öpöjödö, jo̧ba wei̧ a̧ja̧kwö̧kö̧ma jwibo̧, ba̧kwȩlö̧jatebö ja̧kwawama. Jo̧bama Dios lȩebakwo̧— jejenö yöawinobe Juan Ojwenö Bu̧dato̧ma ömöayedönö.

Romanos 11:23

Ja̧danö ju'wibi chömöledö wanedö yötawa: Israel jojodöma Diosnö tjösöditjö̧ma, jobadönöbi batjo jawa olivo towinö ujunakwo̧. Jau chömöledö, Diosma juluwo̧, yemidanö ajayinö tjö̧jinemi Israel jojodönö ujuno jö̧ba̧lö.

Deuteronomio 1:32

Jo̧kwaijayonö, otiwanö iteada̧linajayonö, yayonö kwuluwo̧duwi Isabenö Jo̧ Diosnö kwo̧'wo wa̧na̧löködöja.

2 Tesalonicenses 2:12

Jo̧kwajabetjö̧, okobe deinö isabenö wene öpöjödö sulabenö ja̧awa ösödadönöma lȩebakwo̧ Diosma.

Hebreos 3:12

Jo̧kwaobetjö̧ chö̧ja̧wo̧dö, ökwödö bakwo̧nökwena tjöbeba̧lö̧jönö kwite'ada̧laduwo kwo̧'wo̧ luwo̧duwinö, ökwödötjö ju'wedöbi da'dödömine sulabenö tji̧'yinadanö kwi̧'yaduwapji jö̧ba̧lö, kwomajadeduwinö Diosnö jwiinö öpöjödö, yaba̧lo̧ Diosnö kabatibö.

1 Juan 5:10

Ja̧danö chö̧ja̧wo̧dö, Jesúsnö ösödo̧, Jesúsma Dios Itji̧, jojodö tjö̧jibinö pjaatobö weinökwe, jö̧ba̧lo̧ma öwaisobe o̧'wo̧ luwo̧nö, Diosma jweinö yöawinobe Itji̧nöma, jö̧ba̧lö. Jo̧kwaijayonö Dios yöawi̧ öpöjödo̧ma, Diosma omöna yöbawo̧, jö̧ba̧lö, yöa̧lobe, Dios iteda Itji̧nö yöawina öpöjödobetjö̧.

Judas 1:5

Isabenö Duluwo̧ lȩebakwawö̧ jobadönö chömöledö, damötjö sulabedönö lȩebinadanö. Jau chömöledö, ida̧ökö kwöwaisaduwijayonö, yayonö yemidanö kwomukwatibaduwobö yötawaduwakwö damötjö baledina jawa, baikwö: Damötjö Duluwo̧ma okobe deinö Israel jojodönö tjö̧jibinö pjaatinobe, Egipto nijitjö latjebobö, ¿jö̧tö? Ja̧danö, ajayinö Egipto nijitjö latjebobö pjaatinajayonö, jemi ikenama jobadö pjaatinajawö̧tjö yöawi̧ öpöjödadönö söbebö loinobe, ¿jö̧tö?