Hebreos 12:5 - Dios Iwene

⁵ Ja̧danö ¿kwo̧'wo̧ jwiköbaduwiji̧ Dios iwenetjö laebi̧, labi̧ jawa baledakwawa pjabatö yöawi̧ma? Baikwö laebobe Dios iwenetjö, da'dömine Salomón iteda itji̧nö yöbawö öba̧ja̧dina wene: Chitji̧, labi̧ jawa ökwönö baledenama jweinö, yebabinö kwomukwato, Duluwo̧ Diosda labi̧ jawa ötjönö öba̧ja̧dobö webo̧, jö̧ba̧lö. Ja̧danö, Duluwo̧ Diosma ökwönö yöbawö kwabö lȩebena kwo̧'wo̧ tjo̧bekwökönö kwö̧jo, ba̧ja̧dö yöawobetjö̧.

Hebreos 12:5 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 34:31

—Baikwö abebö cha̧ja̧kwakwö Job: Diosnö yöba̧lö akebinaji̧, –Chuluwo Dios, sulabenö jatiökwe ötjönö lȩkebajabe, jo̧kwaitjö̧ tupakwöma sulabenö jatökakwo̧sa.

Proverbios 3:1

Baikwö laebobe Salomón iteda itji̧nö möayo̧nö jwebebö yöawinama: Chitji̧ yötawakwö: Ötjö jwebebö yötawi̧ma kwo̧’wo̧ jwikiboko. Ja̧danö, weti̧ma kwomajadenö kwanawo, jwiinö mikwawobe jö̧ba̧lö.

Proverbios 4:5

Ja̧danö chitji̧, ötjö jwebebö yötawi̧ma kwo̧'wo̧ jwikiboko, ja̧danö, kakatiboko. Ja̧danö, jweinö omukwatö kwö̧jobö yötawi̧ma do̧batö kwöwaisachibo chitji̧. Ja̧danö, di̧ya sulojobö jö̧ba̧lö, di̧ya otiwojobö jö̧ba̧lö yötawi̧ma do̧batö kwöwaisachibo chitji̧— jobekwö yöawijatö ötjö chabe'doma ötjönöma.

Lucas 24:6

Kwisakwaduwökwema dea baima. Wobajaletjö tjeachajabe. Ina Galilea nijinö kwö̧jaduwayi ökwödönö yöawina ¿kwomukwatibaduwökiji̧?

Lucas 24:8

Jejenö yötjawiawö̧, Jesús yöawina tjomukwatibinobe, isabenö jejenö yöawinobe jö̧ba̧lö.

1 Corintios 11:32

Ja̧danö, Duluwo̧ma ökwödönö lȩbebö jweebobe chömöledö, ju'wedö böjȩ jojodönö Dios lȩebenama, ökwödönöbi lȩebapji jö̧ba̧lö chömöledö.

Gálatas 6:9

Jo̧kwajabetjö̧, otiwanö ja̧bö dö̧ji̧ma döpöjödachibaduwoko chömöledö, isabenö yötawaduwakwö, do̧'wo̧ 'dibachibö dite'ada̧litjö̧ma, isabenö dotidina wa̧ji̧ demakwedösa chömöledö.

1 Timoteo 1:20

Jejenö ja̧tjinobe Himeneobi, Alejandrobi. Ja̧danö, jejenö ja̧tjinobetjö̧, jobadönö lȩbebö yötawijatö, Awetjama wainö jobadönö sulabenö ja̧o jö̧ba̧lö. Jejenö yötawijatö, Himeneobi, Alejandrobi usula tjemawenama, Diosnö sulabenö yöda̧loko jö̧ba̧lö tjöwaisachibakobetjö̧.

Hebreos 12:7

Ja̧danö chömöledö, Diosma ökwödö ile niebawö̧nö öba̧ja̧dobö jö̧a̧lobetjö̧ usula kwemawaduwobe. Jo̧kwaobetjö̧ kwo̧'wo̧ luwo̧duwinö me'dawachibökönö jwaikwöda kwi̧'yaduwobö jo̧be, usula kwemawaduwena. Jejenö 'ya̧nö da̧peachö kwöwaisachibaduwakobe. Chömöledö böjȩtjö dabe'donö wanedö yötawaduwakwö, dabe'do i̧tji̧munö yöbawö kwabö lȩebi̧ma: Isabenö, böjȩtjö dabe'doma i̧tji̧munö lȩebobö jo̧be. Ja̧danö, dabe'do yöbawö kwabö lȩebi̧danö Diosma ökwödö, iteda i̧tji̧munö yöbawö kwabö lȩbebo̧.

Hebreos 13:22

Chömöledö, böja chiwȩyudöjanö yötawi̧ma nöi̧maökö, ja'yubeda. Ja̧danö, böjanö yötawi̧ma 'du̧wekwachibökönö ösödanö kwa̧ja̧kwaduwo. Ökwödönö lȩbebö, kwo̧'wo̧ luwo̧duwinö juluwachibanö kwi̧'yaduwobö yötawa chömöledö.

Santiago 1:12

Chö̧ja̧wo̧dö, wene baledena tjo̧'wo̧ 'dibachibö, jwaikwöda, Diosnö tjo̧'wo̧ wana̧lö 'ya̧döma, Dios pjaatawö̧. Ja̧danö, jwaikwöda tji̧'yi̧ma tji̧sekwobe, Diosnöda do̧'wo̧ wana̧lö ja̧dösa, jö̧ba̧lö. Ja̧danö chö̧ja̧wo̧dö, jobadöma Dios yöbawö ujunina tjemakwedö, ba̧kwȩlö̧jatebö ja̧kwawama. Jau chö̧ja̧wo̧dö, Diosma yöbawö ujuninobe, Ötjönö ösödadönö ba̧kwȩlöjatebo ja̧kwawa chiyakwo̧sa, jö̧ba̧lö.

Apocalipsis 3:19

Chömöledö, ötjöma ile nitebawö̧nöma, jelobekwö tjomukwatitjö̧ma pjabatö lȩbebo̧sa, sulabenö tjomukwati̧ kabatibö tjöbalewachoböma. Jo̧kwaobetjö̧ babeda, te'ada̧lökönö, sulabenö kwomukwataduwi̧ma kabatibö balewachaduwi, ökwödönö lȩtebapji, jö̧ba̧lö.