Hebreos 12:26 - Dios Iwene

²⁶ Ja̧danö, damötjö Diosma iteda wei̧ yöawena ja̧'o mö'ösa'oma labinö tjö̧ebinobe. Jo̧kwaobetjö̧ chömöledö, ökwödö dö̧ji̧ma Diosma yöbawö ujuninobe, Yemidanö tjö̧ebobö wetakwo̧sa, jo̧kwaijayonö böjȩdamaökö, mölejȩbebi, jö̧ba̧lö.

Hebreos 12:26 ပူးပေါင်းရင်းမြစ်များ

Éxodo 19:18

Sinaí mö'ösa'oma okobe jwiinö imiyu'woda li̧jetö, Isabenö Jo̧ mö'ösa'onö ökwöla nöola ubi̧danö jwiachajabetjö̧. Ubi̧ma labinö kaamijetö ökwöla ubi̧ kaamidanö, letiyatjö otikwa juawakatjö ökwöla ubi̧ kaamidanö. Ja̧danö, okobe jwiinö mö'ösa'oma labinö tjö̧ebijetö.

Isaías 13:13

Ja̧danö ötjö Isabenö Jo̧ Okobe Jwiinö Juluwo Dios jwiinö chödameakwobetjö̧, ja dameakwö lȩtebi̧ mölema mölejȩ tjö̧awakobe, ja̧danö bö̧jebi tjö̧awakobe, jo̧ jö̧a̧lelö pjolachibenanö.

Isaías 2:19

ja̧danö Isabenö Jo̧ öba a'otjö bö̧je jojodöma inawa ötöliyanö tebachö tjuju̧kwawakwedö, ja̧danö laju okwa söbibö tju̧ju̧kwawakwedö, yebabinö. Jobekwö baledakobe, löji möle Isabenö Jo̧ iteda inesö dejatinö ujulunö bö̧jȩ jojodönö lȩebobö a̧la̧ibenama.

Isaías 66:22

Tupakwö yöawobe Isabenö Jo̧ma: Chömöledö, mölejȩ 'yayöjȩbi, bö̧je 'yayöjȩbi chotidocha, ja̧danö chotidaja̧ma, ba̧kwelöjatebö 'dö̧bibajökönö chöba a'o ja̧kwö̧jȩ. Ja̧danö, ja̧ ba̧kwelöjatebö ji̧danö, baikwö yöbawö chujunaduwakwö, ökwödö kwi̧tji̧muduwibi ba̧kwelöjatebö chöba a'o tjö̧jakwedö, ja̧danö ba̧kwelöjatebö ökwödö israel jojodönö otiwanö tjomukwatakwedö.

Hebreos 12:27

Chömöledö, ja̧ yöbawö ujuninama baikwö wanekwachobe: Böjȩnö ju̧kwi̧bi, mölejȩnö ju̧kwi̧bi, Dios otidinama, ju'winö jwiakobe. Ja̧ ju̧kwi̧ma ba̧kwȩlö̧jatebö ji̧ jawaokobetjö̧ söbebö loakobe, jwiinö baibanö. Ba̧kwȩlö̧jatebö ji̧ jawada ji̧bakobe, Dioskwö, iteda ba̧kwȩlö̧jatebö webö ö̧jobema. Ja̧danö chömöledö, jobekwö, Dios ba̧kwȩlö̧jatebö webö ö̧jobekwöda dichibakwedösa. Isabenö jobema, böjȩnö dö̧jeminötjö o̧penönö otiwemima.

Jueces 5:4

Chuluwo̧ Isabenö Jo̧, ökwöma Seir mösa'otjö kwölakwabikwawobö lakebijatö, ja̧danö jejenö Edom nijitjö lakebenama, niji tjö̧awinobe, ja̧danö mölejȩ meobedanö, nöinö ojwiyo o̧binobe.