Hebreos 11:38 - Dios Iwene

³⁸ Ja̧danö, jobadöma tjeju jwibadöda, mejenö mö'ösa'ijunö kwebachö i̧lȩdo̧nöbi, lajunöbi ji̧atjinobe, jwiinö usula emawö. Chömöledö yötawaduwakwö. Jejenö usulasedöda tjuju̧kwijayonö Diosma jobadönö edö, Jwiinö mikwawadö, jö̧ba̧lö, omukwatinobe. Isabenö chömöledö, jobadöma jwiinö mikwawadötjobetjö̧ böjȩ mikwawököjȩ jobadö tjitebo baibanö tjö̧joböma jwiobe. Tjiteboma mölejȩbeda.

Hebreos 11:38 ပူးပေါင်းရင်းမြစ်များ

1 Reyes 17:3

—Elias, belö Acab ö̧jelö lakebo Jordan ojwe tupakwö jawo̧ laebobekwö, ja̧danö Querit ojwe ö'öbö kwuju̧kwawo.

1 Reyes 18:13

—Isabenö Diosnö ösödo̧sa chuluwo̧, ökwönö yötjawinökiji̧ Isabenö Jo̧ yöawi̧ yöbawadönö pjatatina wenema? Jezabel Isabenö Jo̧ yöawi̧ yöbawadönö kwabawö lojinenama, Dios yöawi̧ yöbawadö cienbedönö pjabatö, inawa ötöla bakwölanö cincuentabedönö chotojijatö, ja̧danö jelölanö cincuentabedönö chotojijatö, jadanö tojajo̧, kwakwawabi, ojwiyobi jobadönö iyö pjatatijatö, ja̧ wene ökwönö yötjawinökiji̧?

1 Reyes 18:4

Acab ilekwo Jezabelma okobe deinö Isabenö Jo̧ yöawi̧ yöbawadönö kwabawö lojobö jö̧ja̧linobe, ja̧danö jobadönö kwabö lojenama, Abdiasma Dios yöawi̧ yöbawadötjö cienbedönö otojinobe. Inawa ötöliyanö jobadönö otojinobe, bakwölanö cincuentabedönö, ja̧danö jelölanö cincuentabedönö. Ikenama, jobe tojö junajo̧, tju̧kwabi, ojwiyobi ichejebö iyinobe jobadönö, Isabenö Jo̧nö yebabinö ösödobetjö̧.

1 Reyes 19:9

Ja̧danö, Sinai mösa'obe ichibajo̧, inawa ötöla okwa teachinobe Eliasma, ja̧danö ötöla okwa abinobe ja̧ yö̧te. Jemi ikenama, inawa ötölanö ö̧jemi ja'ötjö, Isabenö Jo̧ma iteda yöa̧li̧ yöa̧linobe Eliasnö, —Elias, tajawedö bai kwö̧jobeda? —jö̧ba̧lö.

Isaías 57:1

Dios wei̧ a̧ja̧kwö jo̧ma, ö'wö babibo̧, ja̧danö ö'wö baibiawö̧, jo̧kwadanö tjedökwe. Ja̧danö jwaikwöda Diosnö ösödö ju̧kwadöma debö 'ya̧dö. Jobekwö baledi̧ edö, wajwibadö jojojodöma, tajawedö ö'wö babibadöjö, jö̧ba̧lö. Ja̧ baled̈i̧ baikwö labebö lobö yöta̧la chömöledö: Inesö ju'wedö usula tjemawakwa̧ tjöbaledapji jö̧ba̧lö, ju'wedö tju̧ju̧kwelö Dios emawö̧ chömöledö.

Jueces 6:2

Jwiinö usula tjemawinö ja̧tjinobe madianitas jojodöma israel jojodönö, döbibajö tju̧ju̧kwawenanö kabatö. Sulabenö ja̧tjiawö̧, israel jojodöma mösa'ijubebi, inawa ötölabebi, jelobe tjöeba̧lakwawabebi döbibajö tju̧ju̧kwawinobe, jobadötjö tjö̧jibobö.

1 Samuel 22:1

Jejenö balediökwe, Davidma Gattjö döbibajö, inawa ötöla Adulam mikwölabe janö i̧'yinobe. Ja̧danö, David yö̧ne ömöledöbi, ju'wedö ömöledöbi jobe inawa ötölanö ö̧ji̧ wene a̧ja̧kwö, jo̧bakwö ja̧nö tji̧'yinobe.

1 Samuel 23:15

Baikwö laebobe Saul Davidnö isakwina wenema. Davidma jojodö deobe Zif niji Hores ötjabobe ö̧jena, a̧ja̧kwinobe, —Saulma Davidnö kwabö lootö jö̧ba̧lö isakwobe, —jö̧ba̧lö.

1 Samuel 23:19

Jemi ikenama, Zif niji ju̧kwadötjö, ju'wedöma Saul ö̧jobekwö Guibeabe 'ya̧nö yötjawinobe, —Duluwo̧, Davidma ditebotjö dömöledö tjö̧'da̧de ö̧jobe. Jo̧bama Horestjö uju̧kwawobe, mösa'o Haquila ötjaba'otjö, Jesimontjö a̧likwösa'o.

1 Samuel 23:23

Jo̧kwajabetjö̧ okobe jwiinö u̧ju̧kwawemitenia kwedaduwo, ja̧danö jemi ikenama, otiwanö edajadö, ichö yökawaduwo. Ja̧danö, jenama ökwödökwö chi̧'yocha. Ja̧danö abönö otiwanö kwedaduwobetjö̧, ö̧jibobö jwiena, ba̧jȩkwadö Juda niji ju̧kwadö tjö̧'da̧detjö u̧ju̧kwawobö isakwitjö̧böbi, ö̧jibökena, otiwanö jo̧banö do̧tatocha, —jö̧ba̧lö weinobe.

1 Samuel 26:1

Ikenama, Zif niji jojodötjö ju'wedö Saul ö̧jobekwö Guibeabe 'ya̧nö, yötjawinobe, —Davidma mösa'o Haquila ötjaba'onö u̧ju̧kwawobe, Jesimon comunidad badeibösa'onö, —jö̧ba̧lö.