Hebreos 11:36 - Dios Iwene

³⁶ Ja̧danö ju'wedöbi tjuju̧kwinobe, Diosnö tjo̧'wo̧ wana̧ladöma. Jobadönö oböbi, kwakwaböbi kwakwatjinobe. Ja̧danö, di̧batö tjödinobe ka̧lena ba̧kwawejunö.

Hebreos 11:36 ပူးပေါင်းရင်းမြစ်များ

Génesis 39:20

Ja̧danö, webijetö ömöayedönö Josénö do̧batö ka̧lela ba̧kwaweju okwa tjödobö, Egipoto la'aka luwo̧ tjödobö weinawö̧kwö. Jo̧kwaobetjö̧ ka̧lela ba̧kwaweju okwa bi̧jetö Joséma.

1 Reyes 22:24

Yöa̧liökwe, Sedequiasma yöne ichibö, Micaiasnö 'bȩinobe ibekasa'wonö, ja̧danö Micaiasnö yöa̧linobe: —Omöna. Isabenö Jo̧ yöawi̧ yöbawo̧sa, kwedemi ötjötjö labebö, ökwönöda yöawobeji̧, Isabenö Jo̧ o̧'wo luwo̧ma? Ömöna yöka̧la, —jö̧ba̧lö.

1 Reyes 22:27

Tjöba a'o ichibajadö, weti̧ jobadönö yökawaduwo, baikwö: –Bite Micaiasnö ka̧lena kwödaduwo, ja̧danö sule ja'yubeda pan ukwobö, ja̧danö ojwiyo owobö kwiyaduwonö, ötjö Acab wene jwiinö Ramot Galaadbetjö chȩwa̧jenanö baibanö, –jö̧ba̧lö weti̧ yökawodönö, —jö̧ba̧lö weinobe Acabma.

2 Reyes 2:23

Jemi ikenama, Jericotjö labebö, Betelbe i̧'yinobe Eliseoma, ja̧danö Betelbe i̧'yemi ja'ötjö, comunidadtjö ju'wedö möayedöma labebö, jo̧banö obö yötja̧linobe, —Ökwö pöe kwuu 'do̧apobo̧, da̧ji̧, ökwö pöe kwuu 'do̧apobo̧ da̧ji̧, —jö̧ba̧lö.

Daniel 11:33

Israel jojodötjö isabenö waisadöma ju'wedönö otiwanö tjöba̧ja̧dakobe. Ja̧danö jobadö Diosnö ösödadötjö ba̧jekwadö debö tji̧'yakobe, jobadötjö ba̧jekwadönö kwabö loakobe Siria luwo̧ma. Jobadötjö ju'wedönö kwölöte'onö kwabö loakobe Siria luwo̧ma, ja̧danö ju'wedönö ökwölanö juwö loakobe, ja̧danö jobadötjö ju'wedönö tjitea tjö̧naukwakobe, ja̧danö jobadötjö ju'wedönö ka̧lena tjödakobe.

Mateo 20:19

ja̧danö judío jojodöböködönö iyö lotjakobe, ötjönö kwabö lotjobö. Jobadö judío jojodöböködöma oböbi otjakobe ötjönö, ja̧danö kwakwaböbi kwakwatjakobe, ja̧danö towisa'onö nönö, kwabö lotjakobe ötjönö. Jo̧kwaijayonö, jejenö ja̧tjijayonö, wa̧pötakwa möle baledibajenama, wobajaletjö tjebachajö 'yatibajakobe— jö̧ba̧lö yöawinobe Jesúsma.

Mateo 21:35

Jo̧kwaijayonö, batjo öbalewajawö̧ma, jo̧ba ömöayedönö do̧batö jelo̧nö kwakwatjinobe, ja̧danö jelo̧nö kwabö lotjinobe, ja̧danö jelo̧nö inawiya tjikwawinobe.

Mateo 23:34

Ja̧köbaduwakwa̧ baikwö yötawaduwakwö: Dios yöawi̧ yöbawadönöbi, waisadönöbi, ba̧ja̧dadönöbi wetocha, ökwödönö yötjawobö, jo̧kwaijayonö jobadötjö ju'wedönö kwabö loköbaduwakwedöja, ja̧danö ju'wedönö towisa'onö kwönaduwakwedöja, ja̧danö ju'wedönö judío jojodö ba̧nö tja̧ja̧kwa̧lejubiyatjö kwakwaköbaduwakwedöja, ja̧danö ju'wedönö comunidadtjö jelobe, ja̧danö jelobe usula tjemawinö luka̧laduwakwedöja.

Mateo 27:26

Ikenama, Pilatoma Barrabásnö ejatö laebinobe, ja̧danö Jesúsnö kwakwatjobö weinobe. Jemi ikenama, Jesúsnö kwakwatjaja̧ ikenama, ömöayedönö iyö loinobe, jo̧banö towisa'onö bȩtjobö.

Marcos 10:34

Jobadöma oböbi otjakobe ötjönöma. Ja̧danö, subakwöbi sutjakwakobe ötjönöma. Ja̧danö, kwakwaböbi kwakwatjakobe ötjönöma. Ikenama ötjönöma kwabö lotjakobe. Jo̧kwaijayonö, wa̧pötakwa möle baledajena ötjöma yemidanö tjetachajakwo̧sa— yöbawijetö Jesúsma iteda öba̧ja̧di̧ waisachadönö, itenöda baledakwa̧ma.

Lucas 18:32

ja̧danö Jerusalénbe dichibaja̧ ikena, judío jojodöböködönö iyö lotjakobe, ötjönö kwabö lotjobö. Jobadö judío jojodöböködöma oböbi otjakobe ötjönö, ja̧danö taba lö̧ji̧ jawa chöbaledobö ja̧tjakobe, ja̧danö suböbi sutjakobe ötjönö, ja̧danö kwakwaböbi kwakwatjakobe ötjönö.

Lucas 23:11

Ja̧danö, Herodesbi, Herodes ömöayedö guardia jojodöbi Jesúsnö obö sulabenö ja̧tjinobe, ja̧danö Jesúsnö obö, otiwado̧ la'aka luwo̧ 'duawado̧ 'dutjatinobe Jesúsnö. Ikenama, obö 'dubatajadö, wetjinobe yemidanö Pilato öba a'o Jesúsnö tjujunobö.

Lucas 23:36

Ja̧danö, guardia jojodöbi Jesúsnö otjinobe. Jo̧banö obö ubasobu o̧'do̧bu leobu ichejebö tjiyinobe owobö,

Hechos 21:33

Ikenama guardia jojodö tjuluwo̧ma ömöayedönö webijetö Pablonö do̧tjatobö, 'dii̧ ö̧ki̧ya döki̧lataja pji̧tjebobö. Pji̧tjebaja̧ ikena jo̧ba tjuluwo̧ma abebö a̧ja̧kwijetö: —¿Bitema tida? ¿Taji sulabe ja̧ajada?— abebö a̧ja̧kwijetö.

Hechos 24:27

Ja̧danö, döbalataja o̧biya baledibajena, jelo̧nö kabebö junijadötö, tjuluwo̧ baibanö, Porcio Festo mikwo̧nö. Ajayi tjujuninökwema, Félixma, laebakwa̧ abönö webijetö, Pablonö labebaduwökönuwi, jö̧ba̧lö, ka̧lena ba̧kwawejutjöma. Félixma, judío jojodö tjösödi̧ ja̧obö jö̧a̧lobetjö̧ jejenö webijetö, Pablonö labebaduwökönuwi, jö̧ba̧lö.

Hechos 4:3

Jo̧kwaobetjö̧ Pedronöbi, Juannöbi do̧batö e'ewijadötö ka̧lena ba̧kwaweju okwa tjödobö. Ida̧ökö yi̧ibobetjö̧ yada ka̧lena ba̧kwaweju okwa abijadötö Pedro, Juan, ju'wi dewachö la'aka luwedö abebö tja̧ja̧kwakwawö̧ma.

Hechos 5:18

Jo̧kwaobetjö̧ Jesús webawedö tjuju̧kwobekwö 'ya̧nö do̧batö e'ewijadötö ka̧lena ba̧kwaweju okwa tjödobö.

Hechos 5:40

Jejenö jö̧a̧liawö̧ la'aka luwedöma Gamaliel yöawaja̧danö ja̧bijadötö. Jesús webawedönöma yemidanö tetjachobö jwöbijadötö. Tebachajadönö kwakwaböda kwakwabijadötö 'diasonö. Kwakwabajadö webijadötö jobetjö latjebobö, La'akatjöda Jesús ö̧jina yökawaduwoko, jö̧ba̧lö.

Hechos 8:3

Ikenama Sauloma jwiinö öpöjödijetö Jesúsnö ösödadönöma. Tjejubiya techawö do̧batibö tötöbö öbibö ka̧lena ba̧kwawejube tje'ewobö webiabijetö Sauloma.

Efesios 3:1

Diosma jejenö ökwödö judío jojodöböködönö otiwanö pjaatinobetjö̧ ökwödönö omukwatö atebobe jo̧banöma. Chömöledö, ötjöma Cristo Jesús webawo̧sa iteda weina yötawobö. Ja̧danö, ökwödönö yötawobö weina yötawobetjö̧ ka̧lena ba̧kwaweju okwa tjödinökwesa.

Efesios 4:1

Jo̧kwaobetjö̧ chömöledö, Diosma ökwödönö otiwanö pjaatobetjö̧ budekwö lȩtebaduwakwö, Otiwanö Dios ösödi̧ jawada ja̧bö ju̧kwaduwi, jö̧ba̧lö. Ötjöma Duluwo̧ weina yötawobetjö̧ ka̧lena ba̧kwaweju okwama bo̧sa. Bena ba̧nö budekwö lȩtebaduwakwö, baikwö: Diosma ökwödönö jwöinobe iteda ömöledö bakibaduwobö. Jo̧kwaobetjö̧, iteda ömöledö bakibinaduwobetjö̧ otiwanö ja̧bö ju̧kwaduwi, iteda ösödi̧ jawada ja̧bö, chömöledö.

2 Timoteo 1:16

Jo̧kwaijayonö, ju'wedö katjatibijayonö, Onesíforoma ötjönö kaatibinokobe, ja̧danö Diosnö atebobe jo̧ba ömöledönö lȩlö̧jinö edö pjaatobö. Jau Timoteo, jo̧bama cho̧'wo̧ ujuluwachibanö pjaatinobe nöinö, ja̧danö nöinö ötjönö edö ichinobe. Ka̧lena chö̧bijayonö, ötabakwinokobe ötjönö,

2 Timoteo 2:9

ja̧danö ja̧ wene yötawobetjö̧ nöinö usula chemawobe, jwiinö usula chemawobe. Jau Timoteo, ja̧ wene yötawobetjö̧, sulabenö ja̧badönö ka̧lena tjödi̧danö ötjönö ka̧lena tjödinobe, pje'datakwawo̧ batibanö. Jo̧kwaijayonö, ötjöma pje'datakwawo̧ ka̧lena chö̧bijayonö, Dios iwenema ajayitjöda pje'datakwawokobe Timoteo.

Hebreos 10:34

Ja̧danö, ju'wibi chömöledö. Kwömöledötjö ju'wedö, Jesúsnö ösödadönö ka̧lena ba̧kwaweju okwa tjödinobe. Ja̧danö, ka̧lena ba̧kwaweju okwa tjödiawö̧ kwo̧'wo̧duwi tjo̧bekwö kwö̧jinaduwobe, Ökwödöma jobadö tjö̧bi̧danö bakwainö ba̧dösa, jö̧ba̧lö. Isabenö, jobadö usula tjemawi̧ omukwatö kwo̧'wo̧duwi tjo̧bekwö kwö̧jinaduwobe. Ja̧danö chömöledö, ja̧ ajayinö möle, Jesúsnö kwösödinaduwobetjö̧ Jesúsnö öpöjödadötjö la'aka luwedöma kwiteaduwima tjeminobe. Jo̧kwaijayonö, ökwödöma me'dawachibökönö kwo̧'wo̧ luwo̧duwi ösöwanö kwö̧jinaduwobe, Ja̧ma wame jawa, jö̧ba̧lö. Dios ökwödönö iyi̧ma ja̧ wame jawatjö o̧penönö mikwawi̧, ba̧kwȩlö̧jatebö ji̧ jawa, jö̧ba̧lö, me'dawachibökönö kwö̧jinaduwobe. Isabenö chömöledö ökwödönö pjabatö yötawaduwakwö. Omukwataduwi ja̧ möle, ökwödö kwo̧'wo̧ luwo̧duwinö ösöwö kwö̧jinaduwama usula kwemawaduwijayonö.

Apocalipsis 2:10

Yötawaduwakwö lekwokobetjö inia tjököbaduwinö baledakobe ökwödönöma. Jejenö baledi̧ma yekabiduwoko, chömöledö. Kwo̧'wo̧ 'dibachibö kwö̧jaduwo. A̧ja̧kwaduwitjö. Awetjama ökwödötjö ju'wedönö ka̧lena ba̧kwawejunö tjödobö weakobe, ötjönö kwo̧'wo̧ kwöwana̧laduwi̧ma kakatibaduwojobö edobö. Ja̧danö, jo̧bama inia tjököbaduwinö ja̧tjobö weakobe, ja'yubeda lekwe, domulataja möle baibanö. Ja̧danö, chömöledö, kabatibökönö kwo̧'wo̧ kwöwana̧laduwotjö, kwabö lotjobö jö̧tja̧lenabi. Yekabiduwoko chömöledö. Ö'wö bakibaduwaja̧ ikena, chöba a'o kwichibaduwena, ba̧kwȩlö̧jatebö ja̧kwawa chiyakwo̧sa, Otiwanö kwujuluwaduwajabe, jö̧ba̧lö.

Jueces 16:25

Ba'ali junö, nöinö owa̧lö, filisteo jojodöma ja'yubenö 'dukwachawö̧ batjibinobe, ja̧danö 'dukwachawö̧ jwötjinobe, —Sansonnö kwichejebaduwo, jo̧banö edö, odakobetjö̧, —jö̧ba̧lö. Jo̧kwajabetjö̧ Sansonnö tjichejebinobe ka̧lena ba̧kwawejutjö, ja̧danö ösödakwaweju ja'ö okwi'iju dö'olataja ö'wejenö öjamatobö wetjinobe. Ja̧danö, jobe edökönö ja̧onö, Sansonnö otjinobe filisteo jojodöma.