Hebreos 11:31 - Dios Iwene

³¹ Jemi ikenama Israel jojodöma jobe Jerico ju̧kwadö, Diosnö öpöjödadönö kwabawö lotjinobe. Jobe ju̧kwadötjö bakwujunöma kwabö lotjinokobe, Rahab mikwujunö. Jobujuma Diosnö ösöduju. Ja̧danö, jobujuma jiteba'o wei̧da ji̧nuju, Rahabma. Jobujunö jö̧jibinö pjabatö kwabö lotjinokobe ajayinö Israel jojodönö tjö̧jibinö pjajatinobetjö̧, abönö niji isakwö 'yi̧nadönö. Ja̧ mölema jobadö Israel jojodönöma jömöledö tjölabi̧danö jölabinokobe, jobadönö pjabatö. Diosnö jo̧'wo̧ wana̧lö pjajatinobetjö̧, Jericonö juluwajadöma jobujunö kwabö lotjinokobe.

Hebreos 11:31 ပူးပေါင်းရင်းမြစ်များ

Mateo 1:1

Baikwö laebobe Jesucristo a'dödöminenö yöawa'yema. Jo̧ba Jesucristoma Davidmine itji̧ tupadanö jojo, ja̧danö Davidma Abraham itji̧ tupadanö jojoinobe. Baikwö laebobe Jesucristo a'dödöminenö yöawa'yema:

Mateo 1:5

Salmónma Rajab mikwuju jitji̧ Booz mikwo̧ abe'doinobe, ja̧danö Boozma Rut mikwuju jitji̧ Obed mikwo̧ abe'doinobe. Obedma Isaí mikwo̧ abe'doinobe,

Hechos 15:33

Yöbawö kabatajadöma ja'yubeda lekwe ji̧jadötö Antioquíanö. Ikenama ȩwa̧jijadötö Jerusalénbe, ajayinö webinadö tjuju̧kwobekwö. Antioquía jojodöma Jesúsnö ösödadöma ȩwa̧jadönöma, Silásnö Judasnö jö̧ba̧lijadötö, Otiwanö da̧ja̧duwi, jö̧ba̧lö.

Hebreos 3:18

Ja̧danö Dios, Chiyemima la'akatjöda tebachökönö ötjökwö ö'wachö tjöbamatökakwedö, jö̧ba̧lö, lȩebinawö̧ma ¿ju'wedöji̧, Diosnö wajwibinadöma? Ju'wedöböködö, jobadöda waisinadö. Chömöledö, jobadöda, Diosnö tjöwaisijayonö tjomajadenö öpöjödö Dios wei̧ a̧ja̧kwökönö tjö̧jinobe.

Santiago 2:25

Ja̧danö, omukwataduwi Rahabnö, ajayinö jitebiya weinokonöma. Jobujuma otiwanö pjajatinobe Israel jojodötjö ajayinö niji isakwö 'ya̧jadönöma, jobadö jelobekwö dötjibajinö pjabatö. Jejenö Rahabma Diosnö jo̧'wo̧ jöwana̧li̧ ji̧sekwinobe jojodönö, Ötjöma Diosnö cho̧'wo̧ wana̧lujusa, jö̧ba̧lö. Ja̧danö ji̧sekwinobe, Ötjöma Dios jö̧a̧lokosa, Chedemi suli̧ jwibuju, jö̧ba̧lö.

Josué 1:1

Ja̧danö, Isabenö Jo̧ Dios ömöayo̧bina Moises ö'wö baibaja̧ ikenama, Isabenö Jo̧ma ajayinö Moises ömöayo̧bina, Josuenö yöa̧linobe, baikwö:

1 Pedro 2:8

Ja̧danö jelobe baikwö laebobe Dios iwene: Biwa inawama jojodö töbö metjakwawa baibanö ja̧kobe, jö̧ba̧lö laebobe. Jau chömöledö, jobadö Jesúsnö tjöpöjödijayonö, Diosma jo̧banöda ujuninobe inesö la'aka luwo̧ baibanö, ja̧danö jo̧banö öpöjödadöma Dios lȩebakwawö̧ tjö̧jobe. Jau chömöledö, Dios iwene tjöpöjödinobetjö̧, Jesúsnö öpöjödö töbö metjinobe, iteda iwene öpöjödadö töbö metjobö Dios omukwatö ujuninadanö.