Hebreos 11:17 - Dios Iwene

^17-19 Ja̧danö Abrahamma, Diosnö o̧'wo̧ öwana̧lobetjö̧ Dios wei̧ a̧ja̧kwinobe, jo̧dawo̧ itji̧ Isaacnö iyobö wei̧ma, u̧lume'a 'wibebö juwö. Diosma Abraham itenöda isabenö ösödö a̧ja̧kwojobö edobö jejenö weinobe. Ja̧danö döwaisa chömöledö. Ajayinöma Diosma Abrahamnö, Ökwö kwitji̧, Isaactjöda, ökwötjö tupadanö jojodö tjöbötjachakobe, jö̧ba̧lö, yöbawö ujuninobe. Jejenö yöbawö ujuninajayonö Diosma weinobe Abrahamnö, jo̧ba itji̧ Isaacnö iyobö. Ja̧danö, Abrahamma Diosnö o̧'wo̧ wana̧lö ö̧jobetjö̧, jo̧ba wei̧ a̧ja̧kwinobe, Diosma chitji̧ wobajaletjö tjeachajoböma juluwo̧, jö̧ba̧lö. Ja̧danö, itji̧nö juwö iyawemi wame wanajo̧ u̧lume'a 'wiebotö jö̧ba̧lö isa̧pi̧ i̧sebinobe Abrahamma. Jo̧kwaijayonö jejenö i̧sebena Diosma jwöinobe, Kabatakwawi, jö̧ba̧lö. Jejenö balediökwe Abrahamma omukwatinobe, Diosma chitji̧nö wobajaletjö tjeachajinö tjeatajabe, jö̧ba̧lö. Isabenö chömöledö, ja̧ baledinama i̧sebobe, Abrahamma Diosnö o̧'wo̧ wana̧lö ö̧jinobe, jö̧ba̧lö.

Hebreos 11:17 ပူးပေါင်းရင်းမြစ်များ

Génesis 22:16

Jo̧bama jö̧ba̧lijetö: —Abraham, Isabenö Jo̧ Dios ökwönö yöawi̧ma baikwö laeba: Abraham, ötjö weti̧ma otiwanö kwa̧ja̧kwajabe. Kwitji̧nö, jo̧dawo̧nö, ile nikebökwenö juwö kwiyotjö, jö̧ba̧lö weti̧ma kwa̧ja̧kwajobetjö̧ ötjöda chiwene yöbawö chujuna ökwönöma.

Proverbios 17:3

Ja̧danö, ju'wibi yötawa: Oro, platabi otidadöma ökwölanö jwiinö ubolanö tobadö, bakwai̧ oro jo̧ojobö jö̧ba̧lö, bakwai̧ platada jo̧ojobö, tjöwaisachibobö. Bakwemiinö Isabenö Jo̧ma jojodö tjo̧majade okwa edo̧, jweinö tjo̧mukwatojobö, ö'öbönö tjo̧mukwatojobö jö̧ba̧lö.

Daniel 11:35

Jojodönö waisanö ba̧ja̧dadötjö ju'wedönö kwabö lotjakobe, ja̧danö usula tjemawakobe. Jejenö baledi̧ma jwiinö waiyakobe, jo̧kwaijayonö jwiinö waiyi̧jayonö, ja̧ wene tjöbaledi̧tjö Diosma jobadönö dichö loakobe, bakwainö otiwadö dewadö batjibanö. Ja̧danö jejenö usula tjemawakobe, Dios badedö ujunina möle badekwachenanö kabatö— jö̧ba̧lö yöawinobe ángelma, Danielnö.

Juan 3:16

Diosma okobe deinö böjȩnö ju̧kwadönö jwiinö ile niebobetjö̧ itji̧nö iteakwo̧nöda weinobe böjȩkwö. Ja̧danö, itji̧ iteakwo̧nö weinobe, jo̧banö ösödadöma, Bitema dö̧jibinö pjabato̧, jö̧ba̧lö, ba̧kwȩlö̧jatebö tjuju̧kwobö Dioskwö. Ja̧danö, jobadönö Dios lȩebi̧tjö baledökönö ba̧kwȩlö̧jatebö tjuju̧kwakwedö Dioskwö.

2 Corintios 8:12

Jau chömöledö, isabenö iyö pjakataduwobö jö̧ka̧laduwitjö̧ma otiwa, baikwö yötawa: Isabenö iyö pjakataduwobö ösödö, kwujuna̧laduwi̧tjö kwiyaduwitjö̧ma, Diosma edö ösödakobe, jo̧bama kwujuna̧laduwi̧ öwaisobetjö̧. Jau chömöledö, Diosma sule kwujuna̧laduwi̧da edo̧, kwiyaduwi̧ otiwojobö jö̧ba̧lö, ja̧danö kwiyaduwobö kwujuna̧laduwi̧danö kwiyaduwenama, edö ösödo̧ Diosma, bidöma otiwanö pjatjatobö ösödadö jö̧ba̧lö.

Deuteronomio 8:2

Ja̧danö kwo̧'wo jwikibaduwoko chömöledö, kwuluwo̧duwi Isabenö Jo̧ Dios cuarenta o̧biya baledibanö jojodö deobe ökwödönö öibinama. Jejenö ökwödönö öibinobe chömöledö, ökwödönö ö̧ba̧ja̧dobö, –Juluwöködösa, Diosnö do̧'wo döwana̧lobö jö̧ba̧ladösa, –jö̧ba̧lö kwöwaisachibaduwakobetjö̧. Ja̧danö ju'wibi jejenö öibinobe, kwomajadeduwinö kwomukwataduwi̧ öwawakobetjö̧, isabenö jo̧ba wei̧ kwa̧ja̧kwaduwakwojobö, kwa̧ja̧kwaduwökakwojobö, jö̧ba̧lö.

Hebreos 11:13

Ja̧danö Abrahambi, iteda ömöledöbi, Diosnö tjo̧'wo̧ wana̧lö tjö̧jinobe, wotjenanö baibanö. Idöda tjiteboökena ju'wedö tjitebonö ja̧nö, Dios yöbawö ujunina iyemima ina tjeminokobe, idöda tjiteboma. Yayonö tjo̧'wo̧ ösöwanö tjuju̧kwinobe, Diosnö tjo̧'wo̧ wana̧lö, Ökwödö ba̧kwȩlö̧jatebö dö̧jakwemi ditebo, Dios iyakwemima, ju'wi möle iyakobe, jö̧ba̧lö. Chömöledö, jobadöma tjöwaisinobe, Böjȩnö ja̧nö Dios yöbawö ujunina iyakwemi demököma otiwa, jö̧ba̧lö. Ja̧danö tjöwaisinobe, Ökwödö ba̧kwȩlö̧jatebö ditebo dö̧jakwemima böjȩnömaökena, jö̧ba̧lö. Jobadöma jweinö omukwatö, Ökwödöma jelobeda jojodösa, ina ditebonöma ichiböködösa, jö̧ba̧lö, tjo̧'wo̧ ösöwanö tjuju̧kwinobe, Diosnö tjo̧'wo̧ wana̧lö.

Hebreos 7:6

Jo̧kwaijayonö chömöledö, Melquisedecma Levítjö tupadanö jojobinö̧kö̧, Levíma ina öbötjachinokobetjö̧. Jo̧kwaobema Abrahamma ¿tajawedö iyinada Melquisedecnöma? Yötawaduwakwö. Melquisedecma Abrahamnötjö o̧penönö inesö ö̧jiökwe Abrahamma Melquisedecnö iyinobe. Chömöledö, ja̧ iyinama ökwödönö i̧sebobe, Melquisedecma Abrahamnötjö o̧penönö inesö ji̧na, jö̧ba̧lö. Ja̧danö ju'wi jawabi baledinobe. Melquisedecma Abrahamnö yöawinobe, Dios ökwönö otiwanö pjaatakobe, jö̧ba̧lö. Chömöledö, Melquisedecma jejenö yöawinobe Abrahamnö, Dios yöbawö junö jö̧a̧linökwenöma.

Santiago 5:11

Jau chö̧ja̧wo̧dö, jobadö usula emawinadö, usula tjemawijayonö tjo̧'wo̧ 'dibachibö 'yi̧nadöma jwiinö tjo̧'wo̧ ösöwanö tjö̧jinobe. Ja̧danö, kwöwaisaduwa damötjö, Job mikwo̧ ö̧jinama. Jo̧bama yelösöda usula emawijayonö o̧'wo̧ 'dibachibö jwaikwöda i̧'yinobe. Ja̧danö, Duluwo̧ Diosma bajaliyanö pjaatinobe jo̧banö, o̧'wo̧ luwo̧ okwa juluwachibanö. Ja̧ baledinama ökwödönö i̧sekwobe, Duluwo̧ Diosma isabenö jojodönö ile nibebö, lȩlö̧jino edo̧, jö̧ba̧lö. Jejenö omukwataduwi chö̧ja̧wo̧dö, damötjö ji̧na Jobnö baledinama.

1 Pedro 4:12

Chösödawö̧ chömöledö, kwöwaisaduwa, babe inia tjöbö usula kwemawaduwi̧ma, dakwö ja̧köbaduwojobö jö̧ba̧lö baledobe, ¿jö̧tö? Jau chömöledö, kwöwaisaduwa, isabenö Jesúsnö ösödadö usula demawobö jo̧be jö̧ba̧lö, jo̧kwajabetjö̧ jejenö baledenama, Ayö, biya̧ma ¿tajawedö baledobejö? jö̧ba̧lö omukwatöma kwo̧'wo̧ tjo̧kekwaduwa chömöledö.

Apocalipsis 3:10

Chömöledö, yötawaduwakwö. Ökwödönö wetijatö, Sulabenö baledonöbi kwo̧'wo̧ luwo̧duwi 'dibachibö te'ada̧lö kwö̧jaduwo, jö̧ba̧lö. Ja̧ wetinama otiwanö a̧ja̧kwö kwö̧jinaduwobe. Jejenö otiwanö a̧ja̧kwö kwö̧jinaduwobetjö̧ pjatatakwo̧sa ökwödönöma. Ju'wedö böjȩnö ju̧kwadönö lȩbebö weti̧ baledonö, böjȩtjö jwiinö inia tjötjinö baledonöma, ökwödönö te'ada̧lö pjatatakwo̧sa, ja̧ inia tjötji̧tjö baledökönö.