Hebreos 10:13 - Dios Iwene

¹³ Jobe ba̧nö Cristoma ite'ada̧lobe isabenö ichakwa̧ möle, öpöjojodönö Dios ujuluwi̧ möle ichakwa̧ma. Ja̧ möle ichena Diosma Cristo öpöjojodönö ujuluwakobe, tjujulu jwibadöda batjibakwedö, Cristo ömasapiyanö ja̧tö loi̧danö.

Hebreos 10:13 ပူးပေါင်းရင်းမြစ်များ

Daniel 2:44

Ja̧danö, jobadö tjö̧jakwa̧ möle, mölejȩbe jo̧ Diosma bakwo̧nö ujunakobe, inesö la'aka luwo̧ baibanö, ja̧danö jo̧ba yöbawö ö̧jakwa̧ma la'akatjöda 'dö̧ibökakobe. Bakwo̧bi jo̧banö ujuluwökakobe, ja̧danö jo̧ba ömöledöböködöma la'akatjöda jo̧ba yöbawö ö̧jemi balewö lotjökakwedö, öpöjojodöda webö tjö̧jobö. Jo̧bama okobe deinö jo̧batjö ajayinö ji̧nadö la'aka luwedöbinadö yöbawö tjö̧jinama söbebö loakobe, ja̧danö jo̧ba yöbawö ö̧jakwa̧ma ba̧kwȩlö̧jatebö ja̧kobe.

Mateo 22:44

Duluwo̧ma chuluwo̧nö weinobe, la'aka luwo̧ ö̧bemi chöwaisobekwöchobe bamati, okobe deinö kwöpöjojodönö kwömasapiya teebe chujunenanö kabatö, jö̧ba̧lö iwȩyudinobe.

Marcos 12:36

Davidda Dios iwene wȩyudijetö, iteda o̧'wo̧ luwo̧ okwanö Dios O̧'wo̧ Luwo̧ öba̧ja̧da̧lonö. Dios iteda weakwo̧nö yöawina wȩyudijetö Davidma. Baikwö wȩyudijetö iteda, Davidda Uluwo̧ jawa: Isabenö Jo̧ Dios baikwö jö̧ba̧lijetö ötjö Chuluwo̧nö. Ötjö chöwaisobekwöchobe bamati. Kwöpöjojodönö kwömasapa teebe kwöja̧tobö chödenanö baibanö bamati. Ökwönö pjatatocha kwöpöjöjödönö kwujuluwobö, jö̧ba̧lö wȩyudijetö.

Hechos 2:35

Bamati, ökwönö pjatatocha kwöpöjojodönö kwujuluwobö. Kwöpöjojodönö kwömasapa teebe chödocha. Ja̧danö, kwöpöjojodö tjuluwo̧ bakibanö pjatatocha. Jejenö laebobe Dios iwenetjö, David iwȩyudinama— yöbawijetö Pedroma.

1 Corintios 15:25

Jau chömöledö, Cristoda la'aka luwo̧ ö̧jobö jo̧be, okobe deinö jo̧ba öpöjojodö jo̧ba ömasapiya teebenö tjö̧jenanö kabatö, Jo̧bada la'aka luwo̧ jö̧ba̧lö.

Hebreos 1:13

Ju'wibi jö̧a̧linobe Diosma iteda Itji̧nöda, ángelesdönömaökö. Baikwö laebobe Dios iwenetjö: Chö̧bemi chöwaisobekwöchobe bamati. Jenada ba̧wi kwöpöjojodönö chujuluwenanö kabatö. Jau, chujuluwakobe jobadö kwöpöjojodönö, kwömasapiyanö ja̧tö loköbi̧danö, tjujulu jwibadö batjibakwedöda. Jejenö Dios iwenetjö laebi̧ma i̧sebobe, Dios Itji̧, Dios ö̧bemi öwaisobekwöchobe bo̧ma jwiinö inesö jo̧, jö̧ba̧lö. Jo̧kwaijayonö chömöledö Diosma la'akatjöda weinokobe ángelesdönö, Chö̧bemi chöwaisobekwöchobe bamati, jö̧ba̧lö.