Génesis 47:25 - Dios Iwene

²⁵ Jejenö yöawawö̧ ösödö jö̧ba̧lijadötö: —Otiwanö dö̧jibinö pjakatajabe duluwo̧. Jejenö faraón wei̧da dotidakwedösa— jö̧ba̧lijadötö.

Génesis 47:25 ပူးပေါင်းရင်းမြစ်များ

Génesis 18:3

Ikenama jö̧ba̧lijetö Abrahamma bakwo̧nö: —Chuluwo̧, ötjönö otiwanö kweditjö̧ma juluwanö baledökönuwi kwömöayo̧ chö̧jelöma.

Génesis 32:6

Ja̧danö, jejenö weajawö̧ma Esaú ö̧jobekwö 'ya̧nö yöbawijadötö Jacob yöa̧li̧ma. Yöbawajadöma, Jacob ö̧jobekwö tjebachajö yöbawijadötö: —Tjo̧wi̧ dȩwa̧ja kwöpöe Esaú ö̧jobetjö. Jo̧bama ida̧ökö baikwö ichobe, ömöayedökwö cuatrocientos jojodökwö— yöbawijadötö.

Génesis 33:15

Jejenö jö̧a̧lökwe: —Jao kwatjö̧ma. Jo̧kwaobetjö̧ chömöayedötjö ju'wedönö chujuniba ökömanö ökwökwö tjȩwa̧jobö— jö̧a̧lijayonö Jacobma: —Chuluwo̧, tjo̧wi̧ otiwanö lȩlö̧jinö kwedajabe ötjönöma, ja̧da jwiinö otiwa. Kwömöayedönö kwujuniboböma jwia, junibökönuwi— jö̧ba̧lijetö Jacobma.

Génesis 41:45

Ikenama faraónma balekwa imi iyö midijetö Josénö, Zafnat-panea, jö̧ba̧lö. Ikenama webijetö bakwujunö, Asenat mikwujunö José ilekwo baibanö. Jobujuma Potifar itjiju. Potifarma On comunidadnö ju̧kwadötjö idöda tjo̧'wo̧ tjöwa̧na̧lökwetjö ö'wejenö pjabato̧.

Génesis 47:24

Ikenama, kwujuninaduwa pokwaja̧tjö̧, bakwamu jawa o'wotjö bakwa'wo kwiyaduwo faraónnö. Ja̧danö jibi pokwaja̧ ökwödöda ku̧kwaduwi̧ma, önebiya yemidanö kwujunaduwakwa̧bi, kwi̧tji̧muduwinö kwukwejebakwa̧bi, ja̧danö okobe deinö kwömöledö tjukwakwa̧bi.

Génesis 47:26

Ja̧danö Joséma jojodö tjujunina pokwatjö tjiyakwa̧ wei̧ma wȩyudö lödijetö, Tjujunina pokwinatjö bakwamu jawa o'wotjö bakwa'wo faraónnö tjiyobö jo̧be, jö̧ba̧lö. Ja̧danö, babe mölebi ja̧ wei̧ ina jo̧be. Sule, Diostjö jojodötjö ö'weje pjabatadöda tjiyoböma jwiijetö, tjuju̧kwemi nijima faraón u̧kwa nijiokobetjö̧.

Génesis 50:20

Isabenö ökwödöma kwo̧'wo̧duwi sulinö edö, ötjönö sulabenö baledobö kwomukwataduwinajayonö Diosma ja̧ sulabe baledi̧ma balewö lobö otiwanö baibanö pjaatinobe ötjönöma. Ja̧danö, Diosma ötjönö la'aka luwo̧ baibanö chö̧bobö ujuninobetjö̧ jojodönö, ba̧jekwadönö tjö̧jibinö pjatatobö weinobe.

Génesis 6:19

Ja̧danö, Diosma Noénö webijetö: —Noé, ju'wedönöbi tekato isowi okwa. Tebonö kwebachadötjöbi, mejenö kwebachadötjöbi, nijinö töbawadötjöbi, mö köba̧lö ju̧kwadötjöbi, ba̧kwo̧nökwena tekato tjilekwokwenada. Ja̧danö, idödada bakwo̧nökwena tjilekwokwenada isowi okwa tetjachakwedö ökwökwö 'yaba̧ladö tjö̧jibakobetjö̧.