Génesis 46:26 - Dios Iwene

²⁶ Ja̧danö, okobe deinö Jacob i̧tji̧muda, ö'dö̧döda jo̧bakwö 'yi̧nadöma, sesenta y seisnö, i̧tji̧mu tji̧lekwamu ba̧ja̧dökönö.

Génesis 46:26 ပူးပေါင်းရင်းမြစ်များ

Génesis 34:30

Ja̧danö, Jacobma i̧tji̧mu balekwa mikwa ja̧tja̧ja yötjawi̧ a̧ja̧kwö labijetö. Itji̧mu̧nö jö̧ba̧lijetö Simeonnö, Levinö : —Sulabenö ja̧köbaduwajabe. Babema jelobe jukwadöma , Canaánitasbi, Perrizitasbi biya̧ baledi̧ tja̧ja̧kwena ökwödönö jwi̧inö tjo̧'wo̧ sulinö tjedakobe. Ökwödönö tjo̧'wo̧ sulinö edö, sulabedö, jö̧ba̧lö, yötja̧lakobe ökwödönöma. Ja̧danö ¿dakwö ja̧dakwa̧da ökwödönö ölakwabikwawö tjichitjöma? Jobadöma bajȩkwadö. Ökwödötjö kwakwaakwawa jojodö waisadöma ba̧jekwöködösa. Biya̧ baledaja̧ a̧ja̧kwö bakobe ko̧ko̧kwachibö kwakwabakwawö tjichakobe ökwödönö söbebö lotjobö,—jö̧ba̧lijetö Jacobma i̧tji̧munö.

Génesis 35:11

Ina jö̧ba̧lijetö: —Ötjöma Jwiinö Juluwo̧ Diossa. Ökwönö pjatatakwo̧sa ökwötjö tupadanö jojodö böjȩ ba̧kwemeachibanö tjöba̧jekwachinö. Tjöba̧jekwachobetjö̧ idödada webawö tjuju̧kwakwedö, tjitebokwena jelobebi, jelobe. Ja̧danö, ökwötjö tupadanö jojodötjöma la'aka luwedö tjö̧jakobe.

Éxodo 1:1

Ajayinöma Israel mikwo̧ma, ju'wi imi Jacob Egiptobe 'yi̧jetö i̧tji̧mukwö, ja̧danö i̧tji̧mu tji̧lȩkwa̧mukwö tji̧tji̧mukwö.

Éxodo 1:5

Okobe deinö Jacob i̧tji̧mu, ö̧'dö̧dö setentanö jojodö ju̧kwijadötö. Ja̧danö, i̧tji̧ Joséma ida̧ökö Egiptonö ji̧jetö Jacob ichenama.

Hechos 7:14

Ikenama Joséma a̧debijetö abe'donöbi okobe deinö ömöledönöbi tjichobö iteda ö̧jobekwö. Jobadöma okobe deinöma setenta y cinconö jojodö— yöbawijetö—.

Deuteronomio 10:22

Jau chömöledö, isabenö ökwödönö pjaatajabe kwuluwo̧duwi Isabenö Jo̧ Diosma, damötjö kwa'dödö Egiptobe tji̧yinenama, sule setentabedöda jobe tji̧'yinobe, jö̧tö? Jo̧kwaijayonö o̧bukwedöda tjö̧jinajayonö, ökwödönö kwö̧ba̧jekwachaduwinö pjaatajabe, si̧li̧'idö tjö̧ba̧jȩkwi̧danö kwö̧ba̧jekwachaduwobö, —jö̧ba̧lö yöawinobe Moisesma, israel jojodönö.

Jueces 8:30

Ja̧danö, Gedeonma ilekwamu ba̧jȩkwadönö ujuna̧linobe, ja̧danö itji̧mu ömadönö setentabedönö 'ya̧ebinobe.