Génesis 45:16 - Dios Iwene

¹⁶ Ikenama faraónbi faraon ipjea luwabi ju'wedö yötjawi̧ a̧ja̧kwijadötö, José öpöedö tjichajabe, jö̧ba̧lö. Ja̧ yötjawi̧ a̧ja̧kwö ösödijadötö.

Génesis 45:16 ပူးပေါင်းရင်းမြစ်များ

Génesis 16:6

Jejenö jö̧ja̧lökwe Abramma atadijetö: —Chilekwo ötjö jawamaökö, ökwöda jawa. Jobujuma ökwöda kwömöayujujobetjö̧ ökwöda weköboko— jö̧ba̧lijetö Abramma. Ikenama Saraima Agarnö usula emawöda jö̧jobö ja̧bijotö. Jejenö usula emawö jö̧jinö ja̧joko jelobe döbibajijotö Agarma, Sarai jö̧jelöma.

Génesis 20:15

Ikenama jö̧ba̧lijetö Abrahamnöma: —Ötjö chitebo niji edi. Kwisödemi kwemo kwuju̧kwaduwobö— jö̧ba̧lijetö.

Génesis 34:18

Ja̧ yötja̧li a̧ja̧kwö, Shequem, iteda abe'do Hamor, Jao kwatjö̧ma weköbaduwi̧ma da̧ja̧kwa, jö̧ba̧lö, ösödijadötö.

Génesis 41:33

Jo̧kwaobetjö̧ faraón, baikwö yötawakwö : Bakwo̧nö isakwi kwujuno, jweinö omukwato̧nö, waiso̧nö, bemi Egipto jojodönö öibobö, tjuluwo̧ baibanö.

Génesis 41:37

Ja̧danö, José yöawi̧ a̧ja̧kwö, Otiwanö yöawa, jö̧ba̧lö, omukwatijadötö faraónbi faraón ipjea jojodöbi.

Génesis 45:15

Ikenama okobe deinö öpöedönö tjibekasa'wijunö du̧batö budekwijetö. O̧'wo̧ jwiinö ösöwanö budekwijetö Joséma, ömöledönö ösödö. Jejenö ösödiawö̧ öpöedöma bajaliyanö yebabökönö yöba̧lijadötö tjö̧ja̧wo̧ Josénöma.

Génesis 45:17

Ja̧danö, faraónma jö̧ba̧lijetö Josénö: —Baikwö weköbo kwömöledönö: Bu̧lu̧dönö kwakwawa wa̧nibö tjȩwa̧jo Canaán nijibe.

2 Samuel 3:36

Ja̧ baledi̧ tjedinobe jojodöma, ja̧danö edö tjösödinobe, Isabenö duluwo̧ Davidma otiwo̧ jö̧ba̧lö. Isabenö okobe jwiinö David ja̧bö ö̧ji̧ edö tjösödinobe jojodöma.

Hechos 6:5

Jejenö jö̧tja̧liawö̧, okobe deinö Jesúsnö ösödadöma a̧ja̧kwö ösödijadötö. Jo̧kwaobetjö̧ emö junijadötö Esteban mikwo̧nö. Jo̧bama Diosnö jwiinö ösödö ji̧abijetö. Dios O̧'wo̧ Luwo̧ iteda o̧'wo̧ luwo̧ okwanö öba̧ja̧di̧ a̧ja̧kwö ji̧abijetö. Ja̧danö, ju'wedö tjeminawö̧ma bidö: Felipe, Prócuro, Nicanor, Timón, Pármenas mikwadö. Jelo̧ma Nicolás, Antioquíanö jo̧. Jo̧ba Nicolásma judiobö̧kö̧jayonö judíoso̧danö ji̧abijetö.

Hechos 7:13

Ja̧danö, yemidanö weawö̧ tji̧'yajena Joséma yöbawijetö jobadönöma, öpöedönöma, Ötjöma Josésa, kwöjawo̧duwisa ötjöma, jö̧ba̧lö. Ja̧danö, faraónma waisachibijetö José ömöledönöma.

Deuteronomio 1:33

Kabatökönö kwabönöduwi 'ya̧nö, otiwanö kwabekwaduwakwemi isakwiainobe, ja̧danö mölekwena ojwiyo'wonö otiwanö kwekachaduwakwa̧ i̧sȩbiainobe, ja̧danö yö̧tekwena ökwölasa'onö otiwanö kwedaduwobö i̧sȩbiainobe, jo̧kwaijayonö kabatökönö jejenö otiwanö pjabatiainajayonö yayonö o̧'wo wa̧nalöködöja, –jö̧ba̧lö yöta̧lijatö ökwödönö, Dios iyakwemi nijibe tekachaduwobö kwöpöjödaduwenama, —jö̧ba̧lö yöawinobe Moisesma, israel jojodönö.