Génesis 43:34 - Dios Iwene

³⁴ Ja̧danö, José ba̧nö mesasötenö tjujunaja̧ kwakwawatjö ömöledönö iyabobö webijetö Joséma. Ja̧danö, ju'wedö iyaja̧ bajalekwönönö Benjamínnö iyobö webijetö, nöinö. Ja̧danö, Josékwö, iteda ömöledökwö bakobe ba̧nö otiwanö ösödö owijadötö, 'dukwachawö̧ batjibanö.

Génesis 43:34 ပူးပေါင်းရင်းမြစ်များ

Génesis 35:24

Ja̧danö, ilekwo Raqueltjö i̧tji̧mu̧ma bidö: Abönö pöe José, ikena luwo̧ Benjamin.

Génesis 45:22

Bakwo̧nökwena kamijido̧ balekwa 'dötjawobö o̧diju iyijetö. Jo̧kwaijayonö Benjamínnö kamisibi balekwa̧ o̧diju bakwamu̧ jawa o̧diju iyijetö. Ja̧danö, trescientas plata jawa ö̧pi̧bi iyijetö Benjamínnö.

2 Samuel 11:8

Ikenama, Urias tjölakwabikwawi̧ wene yöawaja̧ ikenama, Davidma jo̧banö webö loinobe, —Kwejube da̧ji̧, ja̧danö kwömasapiya dichawö, ölakwabikwawö kwö̧jajabetjö kwejunö ö'wachö kwö̧jo, —jö̧ba̧lö. Weökwe, Uriasma la'aka luwo̧ David ejutjö laebinobe, ja̧danö laebaja̧ ikena, Davidma iyawa kwakwawa weinobe, Urias ejube e'ewö tjiyobö.

Proverbios 31:6

Jobekwö inesö la'aka luwedöma tjowobö jwiijayonö ju'wedö, 'dö̧bachadöbi, tjo̧'wo̧ tjo̧bekwö ju̧kwadöbi tjowoböma jo̧be. Ö'wöchadö, tjo̧wi̧ ö'wö batjibakwa̧ yö̧neawachibena o̧'do̧bu̧ tjowobö jo̧be, jobadönö pjaatakobetjö. Ja̧danö, tjo̧'wo̧ tjo̧bekwö ju̧kwadöbi tjowoböma jo̧be.

Mateo 11:19

Ja̧danö ötjö jojo baibanö jeminökwe chichenama, pjiesta kwanö, ja̧danö ubasobu o̧'dobu owö chichijatö, ja̧danö ötjöma Juan ja̧bö ö̧jinatjö wainö ja̧bö chö̧jijayonö, ötjönöbi öpöjödö wanedö yötja̧lobe, yelösöda nöinö kwo̧, 'dukwachökwe, sulabedö luwedö tjitea balada emadöbi, ju'wedö sulabenö ja̧badöbi tjömöledöso̧, jö̧ba̧lö ötjönö öpöjödö yötja̧lobe. Jo̧kwaijayonö jobadö tjöpöjödijayonö, Juan ja̧bö ö̧jinabi, ja̧danö ötjö ja̧bö chö̧ji̧bi öwaetjöda i̧sebobe, isabenö waisanö omukwatö ja̧badösa jö̧ba̧lö— jö̧ba̧lö yöawinobe Jesúsma.

Juan 2:10

Jo̧banö jö̧a̧linobe: —Chuluwo̧, jojodöma, pjiesta tjujunena, ajayinö ubasobu o̧'do̧bu otiwobu, nöinö mikwawobu tjiyobe, ajayinöma. Ikenama, a̧debajawö̧ma lekwe möle tjö̧jajena, ubasobu ida̧ökö nöinö tjowajena, jo̧kwadasobuda tjiyobe— jö̧a̧linobe—. Jo̧kwaijayonö ökwöma jwiinö otiwobu, nöinö mikwawobu ajayinöma iyökönö, bajaliyanöda kwiyajabe— jö̧a̧linobe, Otiwanö kwiyajabe, jö̧ba̧lö.

1 Samuel 1:5

jo̧kwaijayonö jobadönö iyi̧tjö bajalekwönönö otiwanö iyinobe ilekwo Ana mikwujunö, nöinö jobujunö ile niebobetjö̧. Jobuju Anama ji̧tji̧mu debuju jö̧ji̧nobe, Isabenö Jo̧ Dios metu'wo jö̧jobö weokobetjö̧, jo̧kwaijayonö ji̧tji̧mu debuju jö̧jiökwe, jobujunö öpöjödinokobe Elcanama, yayonö jwiinö ile nibebö ösödinobe ilekwo Ananöma.