Génesis 40:7 - Dios Iwene

⁷ Ja̧danö, tjo̧'wo̧ tjo̧bekwö tjö̧biökwe jobadönö abebö a̧ja̧kwijetö: —¿Tajawedö o̧'wo̧ tjo̧nö wiluköbaduwa?— abebö a̧ja̧kwawö̧:

Génesis 40:7 ပူးပေါင်းရင်းမြစ်များ

Génesis 40:6

Ja̧danö, Joséma yȩayi jobadö tjöba̧jobekwö 'ya̧nö edemi tjo̧'wo̧ tjo̧bekwö ba̧jijadötö.

Génesis 42:17

Ikenama Joséma öpöedönö ka̧lela ba̧kwaweju okwa tebatö lödijetö wa̧pötakwa mole baledibanö.

2 Samuel 13:4

Ja̧danö, ju'wi möle Jonadabma Amnonnö abebö a̧ja̧kwinobe, —Amnon, tajawedö yȩayitenia kwo̧'wo tjo̧achö kwö̧jobeda? Ökwöma inesö la'aka luwo̧ itji̧köba, tajawedö kwo̧'wo tjo̧achobö, yöbawitjö, —jö̧ba̧lö. Abebö a̧ja̧kwökwe, Amnonma atadinobe, —Chöjawo̧ Absalon öjawujunö chösöda, Tamarkwö chö̧jowe jö̧ba̧lö, ja̧danö jobujukwö chö̧jakwa̧ wayobetjö̧, cho̧'wo tjo̧acha, —jö̧ba̧lö atadinobe.

Lucas 24:17

Ja̧danö, jobadökwö kwebachö, Jesúsma jobadönö abebö a̧ja̧kwinobe: —Omukwa̧lönö yöka̧laduwakwawi̧ma, ¿taji jawa yöka̧lakwawaduwobeda?— jö̧ba̧lö. Abebö a̧ja̧kwawö̧, o̧'wo̧ tjo̧achö tjöjamatinobe,

Jueces 18:24

Atjebökwe, Micaiasma atadinobe, —Kwöwaisaduwa waekwaja̧ma. Ökwödöma chotidinawö̧ chösödawö̧ diosbedönöbi kwemaduwajabe, ja̧danö chömöledöso̧ tjö̧'da̧de pjabato̧nöbi kwemaduwajabe. Jejenö kwemaduwi̧tjö̧ jwibo̧ chö̧jibajabe, dakwö –Taji waekwa, –jö̧ba̧lö yöka̧laduwobö? Kwöwaisaduwa sulabenö kwemaduwaja̧ma, —jö̧ba̧lö.

1 Samuel 1:8

Ja̧danö, jejenö jubudekwiökwe, jilekwe Elcanama Ananö pjabatö yöba̧liainobe, —Ana, tajawedö kwökönö kwubudekwa, tajawedö kwo̧'wo tjo̧acha? Kwi̧tji̧mu deijayonö, ötjöma detokobe, ötjönö kwujuna̧lobe, ökwönö ile nibebo̧nö. Ötjö ökwönö ile nibebo̧nö kwujuna̧lobetjö̧, bakwuju jitji̧mu domulatajabedönö juna̧luju jo̧'wo ösöwi̧tjö bajalekwönönö kwo̧'wo ösöwanö kwö̧jobö jo̧be, kwo̧'wo tjo̧achoko, —jö̧ba̧lö yöba̧liainobe Elcanama ilekwo Ana mikwujunö.