Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Génesis 40:19 - Dios Iwene

19 Ja̧danö, wa̧pötakwa möle baibena kwuluwo̧ faraónma ökwönöma kwuu bulatö lotjobö weakobe. Ja̧danö, bulatajadö ökwönöma towinö di̧batö tjö̧nobö weakobe. Ikenama pji̧yu̧ ichibö tjukwakobe ökwö kwitebiyama— yöbawijetö Joséma pan otikwa jojonöma.

အခန်းကိုကြည့်ပါ။ ကော်ပီ




Génesis 40:19
17 ပူးပေါင်းရင်းမြစ်များ  

Ja̧danö, wa̧pötakwa möle baibena kwuluwo̧ faraónma ökwönö latjebobö weakobe, ajayi kwotidinadanö kwotidobö. Jo̧kwaobetjö̧, kwuluwo̧ faraón u̧kwa dȩja̧'do̧ owobö kwiyakobe, ajayi owa'do̧ kwiyinadanö.


Chuunö chujunawatö bajaleaposapa okwa nöinö pan, gayeta, torta a̧ji̧. Ikenama, ja̧patjö pji̧yu̧ ichibakwawibö tju̧kwobekwö. Jejenö chi̧'wi̧dinö chedatö—yöbawijetö.


Ikenama Joséma jo̧ba i̧'wi̧dikwaja̧ labebö lobö yöbawijetö: —Baikwö yötawa kwi̧'wi̧dikwaja̧ labebö lobö. Lu'dupiya wa̧pöpakwama wa̧pötakwa möle ji̧.


Ja̧danö, José yöawaja̧danö baledijetö wa̧pötakwa möle baibena. Ja̧ mölema faraón cumpleaños möleobetjö̧ fiesta nöinö junijadötö, faraón ömöayedö tjukwobö. Ja̧danö, ömöayo̧ owa'do̧ iyawa jojonöbi, ja̧danö ömöayo̧ pan otikwa jojonöbi ka̧lela tjöba̧jelö latjebobö webijetö. Labebö tjichejebobö webijetö, faraón ömöayedö fiesta tjukwobekwö.


Jo̧kwaijayonö pan otikwa jojonöma di̧batö tjö̧nobö webijetö faraónma, José yöawinadanö.


Chuluwo̧, jo̧ba labebö lobö yöawinadanö baledijatö. Ökwöma weköbijatö ötjönöma ajayi chotidinadanö chotidobö. Ja̧danö, pan otikwa jojonöma weköbijatö ulume'anö di̧batö tjönobö. Jo̧ba labebö lobö yöawinadanö baledijatö, chuluwo̧— dȩja̧'do̧ iyawa jojoma jö̧ba̧lijetö uluwo̧ faraónnö.


Jejenö ji̧tji̧munö mö nönö lotjioko, Aya itjiju Rizpama tuda'wo jawa sabana'wo emö, jobe yöne inawa nöawanö pjabebö jödinobe, jobe ji̧tji̧mu tjiteba'iju jiteada̧lobö. Ja̧danö ajayinö batjo̧ wa̧ji̧ emajitena möle jenanö jamatö, bajalianö ojwiyo o̧benanö baibanö tjöbeba̧löjönö jiteada̧linobe, möle pji̧yu̧ tjiteba'iju tjukwapji jö̧ba̧lö, ja̧danö yöte tebonö ju̧kwadö tjukwapji jö̧ba̧lö.


Jo̧kwajabetjö̧, jo̧ba i̧tji̧mu tupadanö jojodö ömadö jelemutjö̧ du̧ju̧tajanö kwiyobö dösöda, balekwa mikwa ökwödönö suli̧ waedina ömöledönö kwabö lodobö. Jobadönö kwiyitjö̧ma, jobadönö kwabö lobö mö dönakobe Saulmine itebo Guibeatjö, damötjö Isabenö Jo̧ omudawö ujuninökwe itebotjö, —jö̧ba̧lö atjebinobe. Atjebökwe, —Jau, akebaduwaja̧danö chiyocha, —jö̧ba̧lö atadinobe la'aka luwo̧ Davidma.


Ja̧danö, ju'wibi yötawa: Abe'donö obo̧ma, ja̧danö ojo'do weji̧ a̧ja̧kwö̧kö̧ma jwiinö sulabenö omukwato̧. Jo̧bama debö i̧'yobö jo̧be, ja̧danö wobajo̧nö yȩbadö pji̧yu̧ öbajalenö dodotjobö jo̧be, ja̧danö okobe jwiinö itebiyabi bo̧lö̧ tjukwökwe, sulabenö abe'donö obö, ojo'do weji̧ a̧ja̧kwökönö ö̧jobetjö̧.


Diosma ji̧kwa wene kwöwaisachibaduwobö ösödo̧. Jo̧kwaobetjö̧ ötjöma okobe jwiinö ji̧kwa wene yötawijatö, kwöwaisachibaduwobö Dios ösödi̧ma. Jejenö yötawinobetjö̧ yötawi̧ öpöjödinadö Dios lȩebi̧tjö ji̧bakwawa jwitji̧ma ötjö jawamaökö chömöledö. Idöda jawa— yöbawijetö Pabloma Jesúsnö ösödadönö te'ada̧lakwawa jojodönö.


Ja̧danö, Dios weina Moisés iwȩyudinatjö Dios lȩebi̧ma demo jö̧da̧linobe chömöledö, okobe jwiinö laebi̧danö ja̧dokobetjö̧. Jo̧kwaijayonö ökwödö Dios lȩebi̧tjö demo jö̧da̧linama, Cristonöda baibinobe. Dios lȩebi̧ma Cristonö baibinobe Dios iwene laebi̧danö. Baikwö laebobe Dios iwenema: Okobe deinö towinö la̧dönöma, Dios lȩebawö̧, jö̧ba̧lö laebobe.


Ikenama, jejenö yöba̧lajo̧, Josuema jobadö bakwamubedö la'aka luwedönö kwabö loinobe kwölöte'onö, ja̧danö jemi ikenama tjiteba'iju bakwamu jawa towibiyanö mö öninobe. Ja̧danö, jejenö önajawö̧, tjiteba'iju jobe tjö̧linobe, yi̧bena baibenanö kabatö.


Ja̧danö, Hai comunidad la'aka luwo̧nö kwabö lobö, iteba'o towinö öninobe Josuema, yö̧te baibenanö kabatö. Ja̧danö, yö̧te baibenama, Josuema weinobe, iteba'o towitjö emö, comunidad apjude ji̧nena ikwö lotjobö, ja̧danö ikwö lobajadö, wamenö inawiya tjödobö, mö japopo baibanö. Ja̧danö, babe mölebi, ja̧ mö japopoma, ina Haitjö bo̧be.


Ja̧danö Goliatma Davidnö jwöinobe, —Baikwö chö̧jobekwö ichi, ja̧danö ökwönö kwabö lobö, kwiteba'o pji̧yu̧ tjukwobö chiyocha, ja̧danö tebonö ju̧kwadö kwiteba'o tjukwobö kwabö lobö chiyocha, —jö̧ba̧lö.


Ja̧danö babema Isabenö Jo̧ma ökwönö kwabö lotobö iyakobe, ja̧danö ökwönö kwakibanö kwatocha, ja̧danö kwuu bulatö lotocha. Ja̧danö kwömöledö filisteo jojodö tjiteba'o pji̧yu̧ tjukwobö chiyocha, ja̧danö tebonö ju̧kwadö tjukwobö chiyocha, okobe deinö bö̧je jojodö Diosnö tjöwaisachibakobetjö̧, isabenö Diosma Israelnö ö̧jobe, jö̧ba̧lö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ