Génesis 37:35 - Dios Iwene

³⁵ Okobe deinö i̧tji̧muma ömadöbi, ya̧döbi tjabe'donö dösölö̧jinö yöba̧lijadötö o̧'wo söawobö pjabatö. Jejenö pjabatö yötja̧lijayonö o̧'wo söawinokokobe. Ja̧danö jö̧ba̧lijetö: —Isabenö debö chi̧'yenanö kabatö chitji̧kwö yemidanö chö̧jobö ina cho̧'wo̧ tjo̧tekwakwo̧sa— jö̧ba̧lijetö. Ja̧danö, lekwe möle budekwabijetö, itji̧ Josénö omukwata̧lö.

Génesis 37:35 ပူးပေါင်းရင်းမြစ်များ

Génesis 31:43

Ikenama Labánma jö̧ba̧lijetö Jacobnö: —Okobe deinö bena ökwökwö ju̧kwadöma ötjöda chi̧tji̧mu, ja̧danö ötjöda chö̧'dö̧dö. Ja̧danöbidö o̧bȩjadö, chi̧wo̧dö ötjöda cha̧jwi̧mu. Ja̧danö, okobe jwiinö bena kwujuna̧li̧ma ötjöda chitea. Jejenö ji̧jayonö ¿dakwö chedobö? Yemidanö chuju̧na̧loböma jwia.

Génesis 42:31

Jo̧kwaijayonö jo̧banö jö̧da̧lijatö, Omönama yöbalöködösa. Abönö isakwöma dichajokobe. Jweinö yöda̧la.

Génesis 42:38

Jo̧kwaijayonö Jacobma jö̧ba̧lijetö: —Ötjö chitji̧ma i̧'yokobe ökwödökwöma. Öpöebi deobe. Woinobe. Raquel ji̧jtji̧mutjöma bakwo̧da, Benjamínda ö̧jiba. Wetokobe jo̧banöma. Kwi̧'yajaduwobe sulabe baleditjö̧ma, jwiinö cho̧'wo̧ tjo̧tekwena. Isabenö ötjöma jwiinö pöesa. Chitji̧ Benjamínö sulabe baleditjö̧ma cho̧'wo tjo̧tekwinö debö chi̧'yakwo̧sa— jö̧ba̧lijetö Ja̧cobma itji̧mu̧nöma.

Génesis 45:28

Ikenama jö̧ba̧lijetö: —Otiwa. Chitji̧ Joséma ina 'yaba̧lo̧. Jo̧banö edö chi̧'yocha wotakwa̧ abönö— jö̧ba̧lijetö Israelma.

Génesis 48:11

Ikenama Jacobma jö̧ba̧lijetö Josénö: —Chitji̧, ajayinöma, isabenö yemidanöma chitji̧ Josénö 'yaba̧lo̧nö chedökakobe, jö̧ba̧lö, chomukwatijatö. Jo̧kwaijayonö babema Diosma pjaatajabetjö̧ sule ökwönödamaö̧kö̧ kwi̧tji̧mu̧nöbi chedobe— jö̧ba̧lijetö Jacobma itji̧ Josénöma.

2 Samuel 12:17

Jejenö nijinö ö̧biawö̧, David ömöayedötjö luwedöma, yöne ja̧nö, ujuluwachibanö pjatjatotö jö̧ba̧lö a̧la̧ibobö atjebinobe, jo̧kwaijayonö a̧la̧ibinokobe, ja̧danö jobadökwö kwakwawa ukwinokobe. Jwaikwöda ö̧töchö, nijinö ba̧nö aeba̧linobe Diosnö, itji̧ ö̧bibajobö.

2 Samuel 12:23

Jo̧kwaijayonö, babema tjemuma ö'wö baibajabe ida̧ökö, tajawedö bemi tupakwö ö̧töchö ja̧nö jo̧banö atebobö? Sule ina 'ya̧alayida jo̧banö ö̧töchö atebobö ji̧nobe. Isabenö ötjö ö'wö batibenama, jo̧ba ö̧jobe chi̧'yakwo̧sa, jo̧kwaijayonö la'akatjöda bö̧jekwö tjeachökakwo̧ chitji̧ma, —jö̧ba̧lö atadinobe Davidma.

2 Samuel 19:1

Ja̧danö, David jejenö Absalonnö ubudekwiawö̧, Joabnö yötjawinobe, —Absalon debö i̧'yiökwe, la'aka luwo̧ Davidma o̧'wo tjo̧achö ubudekwobe, —jö̧ba̧lö.

1 Crónicas 7:22

Jobekwö itji̧munö kwabö lotjiökwe, tjabe'do Efrainma lekwe möle budekwö ö̧jinobe, ja̧danö ubudekwiawö̧, ömöledöma o̧'wo tjo̧achi̧ seachibanö pjatjatotö jö̧ba̧lö, jo̧banö edö tji̧'yinobe.

Diosnö ösödo̧ Job mikwo̧ usula emawina jawa 2:11

Job ömöledötjö ju'wedö tjö̧jinobe, Teman niji jojo Elifaz mikwo̧bi, Suah niji jojo Bildad mikwo̧bi, Namat niji jojo Zofar mikwo̧bi. Jobadöma tja̧ja̧kwinobe, inesö suli̧ Jobnö baledina jawama, ja̧danö a̧ja̧kwajadö, tjömöledöso̧ o̧'wo ösöwachibanö pjatjatobö tjomukwatinobe. Ja̧danö, tjitebokwena nijitjö ichö, jobadö wamedukwama bakobe Job ö̧jobekwö tjichinobe, Job ujuluwachibanö pjatjatobö.