Génesis 37:28 - Dios Iwene

²⁸ Ikenama ismaelitas jojodö tjöbaledena José öpöedöma Josénö lajutjö töbebö ismaelitas jojodö tjö̧jobekwö tötöbö mikwanö jö̧ba̧lö iyijadötö Josénöma, veinte plata jawa ö̧pi̧biya jö̧ba̧lö. Ikenama ismaelitas jojodöma e'ewijadötö Josénöma jobadökwö Egipto nijibe.

Génesis 37:28 ပူးပေါင်းရင်းမြစ်များ

Génesis 25:2

Jobujuma ji̧tji̧munö ömadönö 'yabebijotö, bidö: Zimram, Jocsán, Medán, Madián, Isbac, Súa mikwadönö.

Génesis 37:25

Ikenama kwanö bi̧jadötö. Kwanö ba̧jö edijadötö ismaelitas jojodö, tea iyabidö tjichobe, Galaad nijitjö. Jobadöma, nöinö mikwawi̧ söinö omewi̧ jawa e'ewö tja̧jwi̧mu ka̧mȩyu̧dö tjoma'a wamenö wa̧nö 'yi̧jadötö Egipto nijibe.

Génesis 37:36

Ja̧danö, jejenö baledonö ismaelitas jojodöma, Josénö e'ewajadöma, Egiptobe ichibijadötö. Ichibö Josénö mikwanö jö̧ba̧lö iyijadötö Potifar mikwo̧nö. Jo̧ba, Potifarma Egipto jojodö tjuluwo̧ ipjea luwo̧. Jo̧bama guardia jojodö tjuluwo̧, Egipto inesö la'aka luwo̧nö te'ada̧ladö guardia jojodöma.

Génesis 39:1

Ja̧danö, Josénö tjiyajawö̧ ismaelitas jojodöma Josénö e'ewö 'yi̧jadötö Egiptobe. Jobe ichibajadö Josénö mikwanö jö̧ba̧lö iyijadötö Egipto jojonö, Potifar mikwo̧nö, jo̧ba wei̧da otidö ö̧jobö. Potifarma Egipto jojodö tjuluwo̧ ipjea luwo̧. Jo̧bama guardia tjuluwo̧, Egipto jojodö tjuluwo̧nö te'ada̧ladö guardiama.

Génesis 40:15

Yökawonö, chitebotjö naukwibö baikwö ichejebö iyö lotjinökwesa. Ja̧danö, yökawo, Sulabema yelösöda ja̧tököjayonö tjödinobe ka̧lela okwa chö̧boböma—yöbawijetö Joséma, faraón owa'do̧ iyawa jojonöma.

Génesis 50:15

Ja̧danö, öpöedöma tjabe'do woiniawö̧ yebabijadötö, Babema dö̧ja̧wo̧ Joséma balekwa mikwa weakobe ökwödönö, jo̧banö ökwödö sulabenö ja̧dinobema, jö̧ba̧lö.

Éxodo 2:16

Ö̧bobekwö ichijadötö jelemutjö du̧ju̧taja ya̧dö, bakwo̧ Reuel mikwo̧ i̧tji̧muma. Jo̧bama Madián jojodö tjuluwo̧, Diostjö jojodötjö tjö'da̧de pjabato̧. I̧tji̧muma tjabe'do a̧jwi̧mu o̧bȩja̧dönö öbibö ichijadötö je'dotjö ojwiyo wabö, tjowena sa̧tjawobö o̧bȩja̧dö tjowobö.

Éxodo 21:16

Ja̧danö, ju'wi wanedö yötawa: Bakwo̧ma jojonö do̧batibö töbebö jelo̧nö midö iyitjö̧ma jo̧ba iyo̧nöma kwabö lotjobö jo̧be. Ja̧danö, ina midö iyökönöbi jo̧ba do̧atajökwenö ina do̧batibö töbebajo̧kwö kwöbadekwajaduwitjö̧ma töbebajo̧nö kwabö loköbaduwobö jo̧be.

Isaías 60:6

Jwiinö nöinö tjichejebobetjö̧, kameyodö tea e'ewadöma, kwiteboduwi niji su̧'be baibanö tjö̧ba̧jekwachakwedö, Madian nijitjöbi, Efa nijitjöbi ichajadö kameyodöma. Ja̧danö Saba nijitjö orobi, omewi̧nö 'dö̧ekwi̧ jawabi tjichejebakwedö. Okobe deinö Isabenö Jo̧nö ösödö, —Israel jojodö tjösödökwe Isabenö Jo̧ma jwiinö otiwo̧, —jö̧ba̧lö jobekwö tjichibakwedö.

Mateo 26:15

—Jesúsnö iyö lotitjö̧ma, ¿dokwa nöinö kwimidaduwakwa̧da?— jö̧ba̧lö. Aebawö̧, jo̧banö tjimidinobe treinta plata ö̧pi̧biya.

Mateo 27:9

Jejenö baledi̧ma Dios yöawi̧ yöbawo̧ Jeremías damötjö yöawinadanö badekwachinobe. Baikwö laebobe Dios iwene: Israel jojodöma jo̧banö omukwatö tjujuninobe, bitema treinta plata ö̧pi̧biya mikwawo̧ jö̧ba̧lö,

Hechos 7:9

Ja̧danö, jobadö da'dödöminema, Jacob i̧tji̧muma, tjöjawo̧ Josénö tjo̧'wo̧ sulinö edijadötö. Tjo̧'wo̧ sulinö edö jo̧banö mikwanö jö̧ba̧lö iyijadötö ju'wedönö Egiptobe tje'ewobö, jobe Egipto la'aka luwo̧nö tjiyobö. Jo̧kwaijayonö Diosma Josékwö pjabatö ji̧jetö.

Jueces 8:22

Jemi ikenama, israel jojodöma Gedeonnö atjebinobe, —Ökwöda inesö la'aka duluwo̧ kwö̧jobö dösöda, ja̧danö woköbaja̧ ikena kwitji̧da duluwo̧ ö̧jo̧bö, ja̧danö jo̧ba ikena kwö̧'nö duluwo̧ ö̧jobö. Jau Gedeon, ökwöma madianitas jojodötjö dö̧jibinö pjakatajobetjö̧, duluwo̧ kwö̧jobö dösöda, —jö̧ba̧lö atjebinobe.

Jueces 8:24

Israel jojodö tjujuluwajawö̧ma madianitas jojodöbi, ju'wedöbi ismaelitas jojodö tjö̧jinobe, ja̧danö ju'wedö ismaelitas jojodö tjö̧nidanö, orotjö otikwa sasiyu tjö̧ninobe. Ja̧danö, israel jojodö jobadönö tjujuluwenama, okobe jwiinö tjiteaja̧ma tjeminobe, tjitea baibanö. Ja̧danö, Gedeonma jojodönö aebinobe, —Ökwödönö ateba, okobe deinö kwemaduwaja̧ orotjö otikwa sasiyu ötjönö kwiyaduwobö, sasiyuda —jö̧ba̧lö.