Génesis 37:20 - Dios Iwene

²⁰ Kwabö lobö laju okwa jadonö. Jemi ikenama yödawo, ¡Ayö! Tebo luwo̧ okobe jwiinö ukwajabeta döjawo̧nöma, jö̧ba̧lö. Jejenöma jo̧ba i̧'wi̧dikwinama jweinöma baibökakobe— jö̧ba̧lijadötö José öpöedöma.

Génesis 37:20 ပူးပေါင်းရင်းမြစ်များ

Génesis 37:19

—Edi. 'Wi̧dikwakwawa jojo icha— jö̧ba̧lijadötö—.

Génesis 37:26

Ja̧danö, José öpöema, Judá mikwo̧ma, jobadö ismaelitas jojodönö edö jö̧ba̧lijetö: — A̧ja̧kwaduwitjö, döjawo̧nö kwabö loditjö̧ma, ikenama lodajökwenö tojö jojodö jo̧banö tjedokobö ¿dakwö mikwawobö ökwödönöma? Mikwawökö.

Génesis 37:32

Jemi ikenama José otiwado̧ ökamijido̧aja̧do̧ e'ewö ȩwa̧jijadötö tjabe'do ö̧jobekwö tjejube. Ichibö José ökamijido̧ i̧sebijadötö tjabe'donö. Ja̧danö jo̧banö jö̧ba̧lijadötö: —Dabe'do. Bido̧ kamijido̧da döbadekwajatö. Kwitji̧ José ökamijido̧ena. Otiwanö edi kwitji̧ ökamijido̧ojobö —

Génesis 37:33

jö̧tja̧lökwe Israelma kamijido̧ edö jö̧ba̧lijetö: —Bido̧ma chitji̧ ökamijido̧. ¡Ayö chitji̧we! Tebo luwo̧ma jo̧banö yö̧yö̧bö loajabe. Isabenö pjeikwena yö̧yö̧bö, lobö ukwajabe chitji̧nöma— budekwabinö jö̧ba̧lijetö

Génesis 45:3

Ja̧danö, Joséma yöbawijetö öpöedönö: —Ötjöma kwö̧ja̧wo̧duwi Josésa. Chabe'doma ina 'yaba̧lo̧ji̧?— jö̧a̧liawö̧ öpöedöma yetjaibobetjö̧ wi̧inö ju̧kwijadötö.

1 Reyes 13:24

Ja̧danö, jobetjö ȩwa̧jö, Juda nijibe ȩwa̧jemi ja'ötjö, didibama jo̧banö meibinobe, ja̧danö jo̧banö kwabö loinobe. Jo̧kwaijayonö, jo̧banö kwabö loijayonö, iteba'o ukwinokobe, ja̧danö bulunö meibinokobe didibama. Kwabö loajökwe, Dios yöawi̧ yöbawo̧ iteba'oma, mananö bi̧nobe, ja̧danö iteba'o ö'öbönö, didibabi, bulubi sule ja̧nöda ö'öbönö tjö̧jinobe.

2 Reyes 2:24

Jobekwö obö yötja̧liökwe, jalachibö jobadönö yöa̧linobe Eliseoma, —Isabenö Jo̧ lȩebakwawö̧ja, —jö̧ba̧lö. Jemi ikenama, tebotjö ojwe yawidö ya̧dö du̧ju̧tajama labebö, jobadö möayedönö metjibinobe, ja̧danö möayedötjö cuarenta y dosbedönö nöinö suli̧ tjöwaedinobe.

Proverbios 1:10

Chitji̧ ju'wibi yötawakwö ¡a̧ja̧kwitjö! Sulabenö omukwatadö, Dios weina öpöjödadöma ökwönö ötjibena, ökwödökwö ichi di̧'yo, jö̧ba̧lö. Jobekwö ötibonö chichökö ökwödökwöma, jö̧ba̧lö kwatatodönö.

Proverbios 1:16

Jobadöma kabatökönö ju'wedönö sulabenö tjöwaedoböda isakwadö. Sulabenö omukwatadö, ja̧danö jo̧kwada omukwatökönö jojonö kwabö lobadö. Jobadökwö pjabachibö kwi̧'yoko.

Proverbios 10:18

Ja̧danö, ju'wibi yötawa, wanedö: Bakwo̧ma jelo̧nö jwiinö öpöjödijayonö öpöjödi̧ i̧sebökönö omöna yöa̧lobe, Chösödökwe, jö̧ba̧lö. Isabenö, jobekwö yöba̧lo̧ma omönada yöba̧lo̧. Ja̧danö, ju'wibi yötawa, wanedö: Bakwo̧ma jojodönö omöna yöawobe ju'wedönöma. Sulabenö ja̧tja̧jabe, jö̧ba̧lö yöawobe sulabenö ja̧tjö̧köjayonö. Jobekwö omöna yöbawo̧ma isabenö jweinö omukwatö̧kö̧.

Proverbios 27:4

Ja̧danö, ju'wibi yötawa: Jwiinö dameakwo̧ma jojodönö lȩ lö̧jökönö edö labo̧. Yelösöda, jo̧ba dameakwo̧ma ödameakwi̧ tjöbeba̧lökönö jo̧, ödameakwi̧ma labinö ojwe usuwi̧danö usuwö dameakwö jwöeba̧lawö̧nö. Jao jo̧ba dameakwo̧ma jwiinö labo̧ijayonö, jo̧ba ölabi̧tjö bajalekwönönö labo̧ ö'wöyabikwawö jo̧ma. Yelösöda ö'wöyabikwawö jo̧ma jwiinö labo̧.

Proverbios 28:13

Ja̧danö, ju'wibi yötawa: Ökwödö jojodöma, sulabenö ja̧daja̧ma Diosnö yöbawö lodobö jo̧be. Bakwo̧, suli̧ ja̧aja̧ yöbawö loökötjö̧ma bö̧jȩnö ja̧nö otidawama sulabenö baledakwo̧. Jobekwö baledokobe suli̧ ja̧aja̧ yöbawö lobo̧nöma. Jo̧ba̧nö Diosma lȩ lö̧jinö edö pjaatakwo̧, sulabenö ja̧aja̧ yöbawö lobö, kabatibö öbalewachobetjö̧.

Proverbios 6:17

Ajayinö Isabenö Jo̧ jojodö sulabenö omukwatö ja̧tji̧ öpöjödi̧ma baikwö laebobe: Bakwo̧ma omukwatobe, a̧a̧a̧, ötjöma ju’wedönötjö̧ bajalekwönönö otiwo̧sa, jö̧ba̧lö. Jobekwö omukwato̧nöma jwiinö öpöjödobe Isabenö Jo̧ma. Jemi ikena Isabenö Jo̧ öpöjödi̧ma baikwö laebobe: Omöna yöba̧lo̧nö jwiinö öpöjödobe Isabenö Jo̧ma. Jemi ikena Isabenö Jo̧ öpöjödi̧ma baikwö laebobe: Sulabenö ja̧bö̧kö̧nö kwabö lobo̧nö jwiinö öpöjödobe Isabenö Jo̧ma.

Isaías 28:15

—Ökwödöma Egipto jojodökwö bakobe pjabatakwawö kwö̧jaduwakwa̧ wene yöbawö kwujuninaduwobetjö̧, omukwatadöja: –Ökwödöma Egipto luwedökwö bakobe pjabatakwawö dö̧jakwa̧ wene yöbawö dujuninobetjö̧, ö'wö badibökakwedösa, ja̧danö ö'wö babibajadö tjö̧jemi dichibökakwedösa, otiwanö wene jwiinö dö̧jakwedösa. Jau, inesö labinö kwakwaakwawopja ji̧danö̧ ichejekwadö Asiria ölakwabikwawadöma, yö̧ne israel niji ö'wejenö tjöbaledijayonö, ökwödönö mebibö tjujuluwökakwedö, –jö̧ba̧lö omukwatadöja. Jo̧kwaijayonö ja̧ yöbawö kwujuninaduwama, omöna yöba̧lakwawö yöbawö kwujuninaduwobe, ja̧danö kwo̧'wo kwöwana̧laduwi̧ma, ömöna yöa̧lakwawa jawada ösödö, tjökeba̧la̧duwobö kwisakwaduwobe. Jo̧kwajabetjö̧, baikwö yötawaduwakwö ökwödö Juda jojodönö:

Juan 3:12

Böjȩ jawabi yötawena kwomukwataduwokobe, Jau otiwanö yökawa, jö̧ba̧lö. Kwöpöjödaduwobe. Jo̧kwaobetjö̧ böjȩ jawa yötawi̧bi kwöpöjödaduwobema ¿dakwö kwösödaduwobö mölejȩ jawa yötawena?

Tito 3:3

Ökwödö Jesúsnö ösödadöma, ina Jesúsnö dösödakwa̧ abönö böjȩ jojodö ja̧bö tjö̧ji̧danö ja̧bö dö̧jijatö Tito. Ja̧danö, wajwibadö ja̧nö, Dios wei̧ a̧ja̧kwökönö ja̧nö, omöna yöa̧lakwawa ösödö ja̧nö dö̧jijatö ajayinöma. Jejenö dö̧jenama, sulabe jawa dösödinama ökwödönö juluwinobedanö ichejekwa. Jau Tito, okobe jwiinö sulabe jawa dösödinama ökwödönö juluwinobedanö ichejekwa. Ja̧danö, ökwödönö juluwinobetjö̧, otiwanö ja̧bö dö̧joböma jwidinobe. Ja̧danö, jwaikwöda sulabenö dösödi̧ jawada ja̧bö dö̧jijatö. Ja̧danö, jejenö ja̧nö, kabatökönö sulabenö ja̧bö, ö'wiabinö edö dö̧jijatö. Ja̧danö, ju'wedönö öpöjödadö, ja̧danö ju'wedö tjöpöjödawö̧ dö̧jijatö ajayima.

1 Samuel 24:20

Ja̧danö ju'wibi yöta̧lakwö David, Ötjöma chöwaisa, isabenö israel la'aka luwo̧ bakibakwo̧ja, isabenö okobe deinö israel jojodö tjuluwo̧ ö̧jakwo̧ma ökwöda jö̧ba̧lö.

1 Samuel 26:2

Yötjawökwe, Saulma a̧la̧ibö, ömöayedö ölakwabikwawa jojodö tres milbedö omudawö ujunajawö̧nö öbibö, jojodö deobe Zif nijibe i̧'yinobe, Davidnö isakwobö.