Génesis 35:26 - Dios Iwene

²⁶ Ja̧danö Lea jömöayuju Zilpa mikwujutjö i̧tji̧muma bidö: Abönö pöe Gad, ikena luwo̧ Aser. Jobadöma Jacob i̧tji̧mu, Padan-aram ö̧jelö 'yaebinawö̧ma. Benjamínnöda Padan-aramtjö 'yaebinökökwe.

Génesis 35:26 ပူးပေါင်းရင်းမြစ်များ

Génesis 25:20

Isaacma cuarenta a̧yo bo̧ Betuel itjijunö, Rebeca mikwujunö, emijetö ilekwo baibanö. Betuel, arameo jojoma, Padan-aramnö ji̧jetö. Rebecama Labán öjawuju.

Génesis 28:2

Babeda 'ya̧wi Padan-aram nijibe. Jobe ichibö kwojo'do jabe'do, Betuel ejube kwi'yo. Jobetjö, kwojo'do jöpöe Labán i̧tji̧mu ya̧dötjö kwilekwonö akebo— webijetö.

Génesis 29:24

Labán ömöayuju, Zilpa mikwujunöma webijetö Lea jömöayuju baibanö.

Génesis 31:18

Ja̧danö okobe deinö iteda a̧jwi̧munö, Padan-aramtjö̧ iteda abönö tji̧'yobö a'dewijetö. Ja̧danö, okobe jwiinö Padan-aramtjö̧ emina iteabi e'ewobö anabijetö Jacobma. Jejenö Jacobma, i̧lȩkwa̧mukwö, i̧tji̧mu̧kwö, ömöayedökwö, iteda iteakwö ȩwa̧jijetö itebobe, Canaán mikwobe, abe'do Isaac ö̧jobekwö ȩwa̧jobö.

Génesis 35:18

Jo̧kwaijayonö Raquelma ö'wö bajiboböma lekwokobetjö ökömakwö jo̧'wonö emö jitji̧nö midijotö Benjoni, jö̧ba̧lö. Benjoni jö̧ba̧löma, ötjö chitji̧ cho̧'wo emawö chemajökwe, jö̧ba̧lö wanekwachobe. Jo̧kwaijayonö Jacobma jo̧banö midijetö, Benjamin, jö̧ba̧lö, waisamunö ja̧nö chitji̧, jö̧ba̧lö wanekwachö.

Génesis 37:2

Baikwö laeba Jacob, Jacob i̧tji̧mu jobe Canaán nijinö tjö̧jinama: Jacob itji̧ José, diecisiete a̧yo bo̧ma abe'do a̧jwi̧mu o̧bȩja̧dönö, chi̧wo̧dönö te'ada̧lö otidijetö öpöedökwö, jobadönö pjabatö. Jobadö öpöedöma abe'do ömöayedö, tjilekwamu batjibanö eminadö Bilhá, Zilpa tji̧tji̧mu. Ja̧danö ju'wikwenama Joséma öpöedö sulabenö ja̧tja̧ja̧ yöbawijetö abe'donö.

Josué 13:24

Ja̧danö, Rubensaso jojodönö iyi̧danö, Gadsaso jojodönöbi iyinobe, Gadsaso jojodötjö bakwasokwena jojodönö niji iyinobe, tjitebo baibanö.

Josué 19:24

Ja̧danö, bakwamu jawa baibanö yemidanö inawiya jabö tjedenama, Asersaso jojodö tjitebo baibanö 'da̧batö wetjobö badekwachinobe. Ja̧danö, Dios chiyocha jö̧ba̧lö yöbawö ujunina badekwachinö, Aser i̧tji̧mu tupadanö jojodö bakwasokwena tjitebo baibanö 'da̧batö wetjinobe, baikwö: