Génesis 35:23 - Dios Iwene

²³ Ilekwo Leatjö i̧tji̧mu̧ma, bidö: Abönö pöe Reuben, ikena luwo̧ Simeón, ikena luwo̧ Leví, ikena luwo̧ Judá, ikena luwo̧ Isacar, ikena luwo̧ Zebulun.

Génesis 35:23 ပူးပေါင်းရင်းမြစ်များ

Génesis 29:16

Ja̧danö, Labánma du̧ju̧taja i̧tji̧mu ya̧dönö juna̧lijetö. Abönö pöoma Lea mikwijotö. Lea jö̧ja̧wujuma Raquel mikwijotö.

Génesis 29:31

Isabenö Jo̧ Diosma Leanö edö, jilekwe ösödokoko, jö̧ba̧lö, jobujunöma metu'wo jö̧jinö pjabatijetö. Jo̧kwaijayonö Raquelma metu'wo jö̧joböma waekwijetö.

Génesis 33:2

Ja̧danö, ömöayedönö tji̧tji̧mukwö webijetö abönö tjöjamatobö. Jobadö tjö̧kömanö Leanö ji̧tji̧mukwö jöjamatobö webijetö. Ja̧danö Raquelnö ö̧kömabe jöjamatobö webijetö jitji̧ Josékwö.

Génesis 49:3

Ajayinö yöbawijetö itji̧ abönö pöe Rubénnö, jo̧banö baledakwa̧. Baikwö yöbawijetö: —Rubén, ökwöma abönö 'yatebinökweja, möayo̧chö̧jayi̧. Jao tjemunö 'yatebobö juluwo̧chena ökwönö 'yatebijatö. Ja̧danö, abönö pöeköbobetjö̧ okobe deinö chi̧tji̧mutjö̧ o̧penönö inesö jo̧ja.

1 Crónicas 12:25

Simeonsaso jojodötjö siete mil cienbedö ölakwabikwawadö juluwadö David ömöayedö batjibinobe.

1 Crónicas 27:16

Baikwö laebobe israel jojodötjö bakwasokwena jojodö tjuluwedö tjimibiya wȩyukwa'yema: Tjömöledösaso La'aka luwo̧ Rubensaso Zicri itji̧ Eliezer, Simeonsaso Maaca itji̧ Sefatias

Éxodo 1:1

Ajayinöma Israel mikwo̧ma, ju'wi imi Jacob Egiptobe 'yi̧jetö i̧tji̧mukwö, ja̧danö i̧tji̧mu tji̧lȩkwa̧mukwö tji̧tji̧mukwö.

Hechos 7:8

Ina yöbawijetö: —Ikenama Diosma webijetö Abrahamnöma, jo̧banöbi ömöledönöbi okobe deinö ömadönöma tjötade bajale jawa o̧di̧ju 'wibebö lotjobö. Ja̧ 'wibebö loawama Dios webijetö jobadönöma, tjomukwatobö Dios jobadönö yöbawö ujunina wene, iteda isabenö iyakwa̧ wenema. Ja̧danö, Abrahamma itji̧ Isaacnö ojo'do jemaja̧ tupakwö jelemutjö wa̧pötakwa möle baledibajena itji̧ ötade bajalesado̧ 'wibebö lobijetö. Ja̧danö, Isaacbi itji̧ Jacobnö, ötade bajalesado̧ 'wibebö lobijetö. Ja̧danö, Jacobbi i̧tji̧mu tjötade bajale jawa o̧di̧juma 'wibebö lobijetö, okobe deinö, a̧li̧nösamutjö du̧ju̧tajanö i̧tji̧munöma. Jobadö a̧li̧nösamutjö du̧ju̧tajanö jojodö, Jacob i̧tji̧muma, israel jojodötjö ajayinö ji̧nadö—yöbawijetö Estebanma—.

Deuteronomio 27:11

Ja̧danö, ja̧ möle Ebal mösa'o jawa weenama, ju'wibi weinobe Moisesma, baikwö:

Deuteronomio 33:6

—Baikwö yöta̧la Rubensaso jojodönö, Rubensaso jojodö o̧bukwedöda tjö̧jijayonö, debö 'yökönö, 'yatja̧lobö chösöda.

Josué 13:15

Baikwö laebobe Moises bakwasokwena jojodönö iyina jawa: Rubensaso jojodötjö okobe deinö bakwasokwena tjitebo niji baibanö iyinobe, baikwö:

Josué 15:1

Ja̧danö ju'wedö judasasotjö, tja'dödötjö bakwasokwena tupadanö jojodö tjitebo baibanö 'da̧batö wetjinobe, judasaso niji baibanö. Ja̧ nijima, a̧likwö Edom niji ö'öbö ichibinobe, ja̧danö a̧likwö bajalema jojodö deobe Zin ötjabobe ichibinobe juda nijima.

Josué 19:1

Ja̧danö, yemidanö Dios öba a'otjö inawiya jabö tjedenama, Simeonsaso jojodö tjitebo baibanö 'da̧batö wetjobö badekwachinobe. Ja̧danö, Dios —Chiyocha, —jö̧ba̧lö yöbawö ujunina badekwachinö, Simeon i̧tji̧mu tupadanö jojodö bakwasokwena tjitebo baibanö 'da̧batö wetjinobe, baikwö: Simeon nijima, juda niji okwa ö'wejenö ji̧nobe. Juda nijima jwiinö jalobetjö̧, ja'ö 'da̧batö junö Simeonsaso jojodö tjitebo baibanö wetjinobe.

Josué 19:10

Ja̧danö, wapötakwanö baibanö yemidanö inawiya jabö tjedenama, Zabulon jojodö tjitebo baibanö 'da̧batö wetjobö badekwachinobe. Ja̧danö, Dios chiyocha jö̧ba̧lö yöbawö ujunina badekwachinö, Zabulon i̧tji̧mu tupadanö jojodö bakwasokwena tjitebo baibanö 'da̧batö wetjinobe, baikwö: Zabulon niji a̧likwöchobe bakwachobema, Sarid comunidadtjö jamatobe.

Josué 19:17

Ja̧danö, ö'wejemu jawa baibanö yemidanö inawiya jabö tjedenama, Isacarsaso jojodö tjitebo baibanö 'da̧batö wetjobö badekwachinobe. Ja̧danö, Dios chiyocha jö̧ba̧lö yöbawö ujunina badekwachinö, Isacar i̧tji̧mu tupadanö jojodö bakwasokwena tjitebo baibanö 'da̧batö wetjinobe, baikwö:

Apocalipsis 7:7

Ja̧danö, Simeonmine ömöledötjö tupadanö jojodöma, doce mil seyu dobö wȩyudakwawedöma. Ja̧danö, Levímine ömöledötjö tupadanö jojodöma, doce mil seyu dobö wȩyudakwawedöma. Ja̧danö, Isacarmine ömöledö tupadanö jojodöma, doce mil seyu dobö wȩyudakwawedöma.

Jueces 5:14

Efrainsaso jojodö tjitebo, damötjö̧ amalecita jojodö tjö̧jinelö otiwanö tjichinobe, ökwödö Benjaminsaso jojodö kwökömanöduwi tjichinobe. Maquir itji̧mu tupadanö jojodötjö ölakwabikwawa jojodö tjuluwedö tjichinobe, ja̧danö Zabulonsasotjö inesö ölakwabikwawa jawa la'aka luwedö tjichinobe, otiwanö.

Jueces 5:15

Isacarsaso jojodötjö luwedöma Deborakwö tjichinobe, ja̧danö tjuluwo̧ Baracnö kabatibökönö, jwaikwöda jo̧bakwö ö'öbakwawö wabekobe yututjajinobe, tjöpöjojodönö tjölakwabikwawobö. Jo̧kwaijayonö Rubensaso jojodöma lekwe ichökönö tjö̧jinobe, tjichojobö tjichokojobö jö̧ba̧lö omukwatö.

Jueces 5:18

Jo̧kwaijayonö jobadö tjichököjayonö, Zabulonsaso jojodöbi, Neftalisaso jojodöbi otiwanö tjölakwabikwawinobe, debö tji̧'yo jö̧tja̧lijayonö, yayonö jwaikwöda tjölakwabikwawinobe.