Génesis 34:19 - Dios Iwene

¹⁹ Ikenama Shequem Dinanö jwiinö ösödobetjö̧ Jacob i̧tji̧mu̧ ömadö atjebi̧ a̧ja̧kwobö jö̧ba̧lijetö te'ada̧lökönö. Ja̧danö abe'do Hamorma ba̧kwȩlö̧jatebö ja̧biabijetö itji̧ Shequem aebi̧ma. Ju'wedö ömöledö atjebi̧ ja̧emitjö̧ o̧penönö ja̧bijetö Hamorma itji̧ Shequem aebi̧ma, ba̧kwȩlö̧jatebö.

Génesis 34:19 ပူးပေါင်းရင်းမြစ်များ

Génesis 29:20

Jokwaobetjö̧ Jacobma Labán wei̧ otidiabijetö jelemutjö dötölataja o̧biya baledibanö. Lekwijayonö juluwanö baledobe ichejekwijetö Jacobnöma, jwiinö ösödobetjö̧ Raquelnö.

Génesis 34:18

Ja̧ yötja̧li a̧ja̧kwö, Shequem, iteda abe'do Hamor, Jao kwatjö̧ma weköbaduwi̧ma da̧ja̧kwa, jö̧ba̧lö, ösödijadötö.

Génesis 34:20

Ikenama Shequemma abe'dokwö comunidad la'aka luwedö teachakwawemi tjö̧bobekwö 'ya̧nö yöbawijadötö jobadönöma, Jacob, Jacob i̧tji̧mu atjebinama.

Génesis 41:20

Ikenama jobadö sulabedö 'dalökadö pa̧ka̧yö̧ma tjukwibobekwö otiwadö ödöbaedönöma.

2 Reyes 5:1

Bakwo̧ Naaman mikwo̧, siria jojodötjö ölakwabikwawadö tjuluwo̧ ö̧jinobe. Jo̧ba Naamanma, isabenö juluwo̧ ö̧jinobe, ja̧danö Isabenö Jo̧ma iyinobe, Naaman weonö, Siria jojodö tjujuluwobö. Jo̧kwajabetjö̧ Naaman uluwo̧ Siria inesö la'aka luwo̧bi, ju'wedö jojodöbi otiwanö tjomukwatökwe ö̧jinobe Naamanma. Isabenö juluwo̧ ö̧jinobe Naamanma, jo̧kwaijayonö ju'wibi, inesö labi̧ tjö'wöchi̧ lepratjö 'dö̧achinobe Naamanma.

1 Crónicas 4:9

Ja̧danö Juda itji̧mu tupadanö jojodötjö bakwo̧ma Jabes mikwo̧, ja̧danö okobe deinö ju'wedö yöne ömöledötjö bajalekwönönö otiwanö tjomukwatökwe ö̧jinobe Jabesma. Jabes ojo'do jo̧banö jemenama, nöinö inia tjöjinobe, jo̧kwajabetjö̧ jemajökwenö Jabes jö̧ba̧lö jimidinobe, inia tjöawa, jö̧ba̧lö.

Isaías 5:13

Jobekwö sulabenö ja̧köbaduwiökwe, baikwö lȩbebö yöbawo̧ Diosma: —Wajwibadötjobetjö, chömöledö israel jojodöma tjitebotjö latjebakwawö̧, ju'wedö tjitebonö tjö̧jakobetjö̧. Ja̧danö jobadötjö otiwanö tjomukwatawö̧ma, a̧wi̧chi̧ lö̧jawö̧ tjö̧jakwedö, ja̧danö jokwadabedöma ojwiyo o̧ti̧tjö debö tji̧'yakwedö.

Isaías 62:4

Ja̧danö ajayinö ökwönö, —Le'dedö loinoko, —jö̧ba̧lö ötjabinajayonö, ja̧danö kwitebo niji —Söbebö loawemi, —jö̧ba̧lö ötjabinajayonö, ja̧ möle 'yayi kwimi ötjabikwujuja, ja̧danö kwitebo nijima 'yayi imi ötjabikobe. Jau, ja̧ möle, —Jwiinö chösödoko, —jö̧ba̧lö ötjabikwujuja, ja̧danö kwitebo niji, —Jilekwenö emaju, —jö̧ba̧lö ötjabikobe. Jau Jerusalen, jobekwö ötjabikwujuja, Isabenö Jo̧ma jwiinö ökwönö ösödobetjö̧, ja̧danö kwitebo nijima Dios ilekwodanö ichejekwakobe, jwiinö otiwanö pjaatobetjö.

Hechos 13:50

Jo̧kwaijayonö Antioquíanö ju̧kwadö judío jojodötjö la'aka luwedöma ina öpöjödijadötö Pablonö, Bernabénö. Tjo̧'wo̧ sulinö edö yöba̧lijadötö jobenö ju̧kwadö ya̧dö la'aka luwedötjö ju'wedönöma Pablonö, Bernabénö tjölabobö. Jobadö ya̧döma judío jojodöböködö Diosnö ösödadöma. Ja̧danö, ömadö la'aka luwedötjö ju'wedönöbi yöba̧lijadötö, Pablonö, Bernabénö tjölabobö. Jejenö yötja̧liawö̧ jobadöma jwiinö labijadötö. Ikenama ju'wedönöbi yöba̧lijadötö, Pablonö, Bernabénö tjölabobö. A'dewö lododönö, jö̧ba̧lö, labinö yöba̧lijadötö. Jejenö yötja̧liawö̧ jobadöma Pablonö Bernabénö jobetjö a'dewö lobijadötö.

Hechos 17:12

Jejenö edö tjöwaisachobetjö̧ ba̧jekwadö, Jesúsma dö̧jibinö pjabato̧, jö̧ba̧lö, ösödö do̧batö emijadötö Jesúsnöma. Ja̧danö, judío jojodöböködöbi ya̧dö la'aka luwedöma ba̧jekwadö ösödijadötö Jesúsnöma, Jesúsma dö̧jibinö pjabato̧, jö̧ba̧lö. Ja̧danö, ömadöbi judío jojodöböködöma Jesúsnö ösödijadötö.

1 Samuel 22:14

Aebökwe, Ahimelecma atadinobe, —Chuluwo̧, dakwö jo̧ba Davidnö kwöpöjojo jö̧ba̧lö chomukwatobö? Jo̧bama okobe deinö kwömöayedötjö, ju'wedötjö bajalekwönönö jwaikwöda weköbi̧ a̧ja̧kwö jo̧, ja̧danö ju'wibi ökwö kwo̧jo̧li, ja̧danö ju'wibi kwömöayedö ökwönö tjöbeba̧ladö tjuluwo̧, ja̧danö ju'wibi ökwöda kwejunö ju̧kwadö otiwanö omukwatö tjösödökwe Davidma.