Génesis 31:55 - Dios Iwene

⁵⁵ Ju'wi dewachö Labánma ö'dö̧dönö i̧tji̧munö, tjo̧wi̧ chȩwa̧ja, jö̧ba̧lö du̧batijetö. Du̧batajo̧ma ȩwa̧jijetö.

Génesis 31:55 ပူးပေါင်းရင်းမြစ်များ

Génesis 18:33

Ikenama Abrahamkwö yöba̧lakwawö kabatö Isabenö Jo̧ Diosma 'yijetö Sodomabe. Ja̧danö, Abrahamma ejube ȩwa̧jijetö.

Génesis 24:60

Ji̧'yakwa̧ abönö jömöledöma jö̧ba̧lijadötö Rebecanö: —Chömöledösuju, Diosnö adeba ökwönö ösödinö pjaatobö, ökwötjö tupadanö jojodöma nöinö ba̧ja̧dakwökenanö tjöba̧jekwachobö. Ja̧danö adebanö ökwönötjö̧ tupadanö jojodönö pjaatobö tjöpöjojodönö tjujuluwobö— jö̧ba̧lijadötö tjömöledösuju Rebecanö.

Génesis 28:1

Ikenama, Isaacma jwöbijetö Jacobnö ichobö. Ichajo̧nö, Dios pjaatakwo̧, jö̧ba̧lö, baikwö webijetö: —Jacob, a̧ja̧kwitjö. Kwilekwonö bemi Canaán ya̧dötjö akeboko.

Génesis 30:25

Ja̧danö, Raquel Josénö jemina tupakwö Jacobma abebijetö Labánnö: —Webitjö chitebobe chȩwa̧jo— abebijetö—.

Génesis 31:28

Yöbawökönö kwewajobetjö̧ chö̧'dö̧dönöbi, chi̧tji̧munöbi, Otiwanö da̧jaduwi, jö̧ba̧lö, yöta̧lijökötö. Ja̧danö jobadönö du̧batöbi du̧tatijökötö. Omukwatö̧kö̧danö 'döbibajö kwȩwa̧jinobe.

Génesis 31:43

Ikenama Labánma jö̧ba̧lijetö Jacobnö: —Okobe deinö bena ökwökwö ju̧kwadöma ötjöda chi̧tji̧mu, ja̧danö ötjöda chö̧'dö̧dö. Ja̧danöbidö o̧bȩjadö, chi̧wo̧dö ötjöda cha̧jwi̧mu. Ja̧danö, okobe jwiinö bena kwujuna̧li̧ma ötjöda chitea. Jejenö ji̧jayonö ¿dakwö chedobö? Yemidanö chuju̧na̧loböma jwia.

Génesis 33:4

Esaúma Jacob ichobe edö te'ada̧lökönö ichobekwö ö'öbakwawijetö. Jacobnö 'ya̧wibö wo̧batö 'du̧batijetö ibekasa'wonö, öjawo̧nö ösödö. Jobadöma tjo̧'wo̧ jwiinö ösödö budekwabijadötö.

2 Samuel 19:39

Ikenama okobe deinö jojodöbi, la'aka luwo̧ Davidbi Jordan mikwödö petjibinobe. Ja̧danö pebibajo̧, Davidma Barzilaynö du̧atinobe, yöne chömöledöso̧ja jö̧ba̧lö, ja̧danö Diosnö aebinobe Barzilaynö pjaatobö. Ikenama Barzilayma itebobe ȩwa̧jinobe.

Proverbios 16:7

Ja̧danö, ju'wibi yötawa: Isabenö Jo̧ma jwiinö ösödobe otiwanö omukwatö jo̧nö, bite ö̧ji̧ma chösöda jö̧ba̧lö. Jobekwö ö̧jobetjö̧ Isabenö Jo̧ma jo̧banö pjaatobe, ite öpöjojodöbi jo̧bakwö wene jwiinö tjö̧jobö.

Deuteronomio 23:5

Jo̧kwaijayonö kwuluwo̧duwi Isabenö Jo̧ Diosma Balaamnö a̧ja̧kwinokobe, ja̧danö ökwödönö suli̧ öwaedo jö̧a̧li̧nama, ökwödönö pjaatakwawa jawa baibanö balewö loinobe. Jau chömöledö, kwuluwo̧duwi Isabenö Jo̧ Diosma ökwödö israel jojodönö ile niebinobe, ja̧danö ökwödönö ile nibebö, Balaam ökwödönö suli̧ öwaedo jö̧a̧linama, ökwödönö pjaatakwawa jawa baibanö balewö loinobe.

Deuteronomio 32:36

Jau chömöledö, Isabenö Jo̧ma iteda ömöledö israel jojodönö isabenö lȩebakobe, tjujulu jwitjenanö baibanö. Jemi ikenama, israel jojodötjö ju'wedö tjömöayedöbi, tjömöayedöböködöbi sule o̧bukwedöda tjö̧jibenama, jobadö iteda ömöayedö israel jojodönö lȩlöinö edakobe Isabenö Jo̧ma.