Génesis 31:48 - Dios Iwene48 Ja̧danö jö̧ba̧lijetö Labánma: —Bemi inawiya ko̧ko̧dö lödawemima i̧sebobe babe diwene yöbawö dujuni̧ma. Ba̧kwȩlö̧jatebö domukwatobö bemi lödö di̧sebobe— jö̧ba̧lijetö Labánma. Jo̧kwaobetjö̧ jobema, Galaad, mikwijetö, domukwato, jö̧ba̧lö. အခန်းကိုကြည့်ပါ။ |
—Jau chömöledö, okobe jwiinö Sijon iteboinemi comunidadtenia dujuluwijatö, Arnon ojwe ö'öbö jȩmi comunidad Aroertjöbi, ju'wi Arnon ojwe wabeko ö'wejenö ji̧ comunidadtjöbi, u'dakwö Galaad niji baibanö, okobe jwiinö dujuluwijatö. Ja̧danö, ju'wi comunidadkwena jwiinö mönö tjöekwinajayonö, yayonö bakwöta comunidadbi dujulutjö ji̧binokobe, okobe jwiinö dujuluwijatö, duluwo̧ Isabenö Jo̧ Dios ja̧ okobe jwiinö dujuluwobö iyobetjö̧.
Ja̧danö Rubensaso jojodönöbi, Gadsaso jojodönöbi Galaad niji ja'ö a̧li̧kwöchobe niji chiyijatö, a̧li̧kwöchobe Arnon ojwebe ichibanö, ja̧danö jakwölakwö Jaboc ojwebe ichibanö. Jobadönö chiyina niji a̧li̧kwöchobe bakwachobema, Arnon ojwe ja'ö, ja̧danö jakwölakwö bakwachobema Jaboc ojwe ja'ö. Ja̧ Jaboc ojwema, amonitas jojodö tjitebo bakwachobe jo̧be.
Jau dömöledö, sule i̧sȩkwa baibotö jö̧ba̧lö dotidijatö, jöte edö, ökwödöbi, ditji̧mu tupadanö jojodöbi tjomukwatobö, –Isabenö bidöbi bakwainö Diosnö ösödadö, ju'wedö tjiyi̧danö, bidöbi Isabenö Jo̧ öba a'otjö jwiinö ubinö iyawabi, trigoso̧pja iyawabi, Dioskwö ösökwö ja̧kwawa iyawabi bakwainö iyadö, –jö̧ba̧lö. Tupakwö kwitjimuduwi ditji̧munö, –Isabenö Jo̧nö kwösödaduwobö jwibadöja, –jö̧ba̧lö yötja̧lapji jö̧ba̧lö, jöte dotidijatö.
Jau dömöledö, domukwatijatö, ju'winö ökwödönöbi, ditji̧mu tupadanö jojodönöbi jejenö yötja̧litjö̧ma, dotidinöte i̧sȩbö datadena, –Isabenö Jo̧nö dösödöbö jo̧be. Ökwödödanö bakwaibedösa, edaduwi da'dödö tjotidinötema, bakwainö Isabenö Jo̧nö iyawötedanö tjotidinöte, isabenö ökwödödanö bakwainö Isabenö Jo̧nö dösödobö jo̧be, –jö̧ba̧lö datadena. Jau dömöledö, jötetjö iyawa kwabö juwö diyoböma la'akatjöda dotidijökötö, sule bakwainö Dios ömöledö dö̧ji̧ wene di̧sȩbo jö̧ba̧lö dotidijatö.
Jejenö a̧la̧pedö junö, Josuema jojodönö yöawinobe, —Chömöledö, biwa inawama, okobe jwiinö yöbawö dujunaja̧ma a̧ja̧kwajabe ichejekwa, Isabenö Jo̧ yöawaja̧ wenebi, datadaja̧ wenebi. Jo̧kwajabetjö̧ baikwö wanedö yötawa, ökwödöma otiwanö da̧ja̧kwakwedösa jö̧ba̧lö yöka̧laduwajayonö, sulabenö kwuluwo̧duwi Dios wei̧ kakatibaduwitjö̧ma, biwa inabama i̧sȩkwadanö ja̧kobe, –Bidö israel jojodöma yöbawö tjujunina kabatibö, wainö sulabenö ja̧badö, —jö̧ba̧lö.