Génesis 31:46 - Dios Iwene

⁴⁶ Ikenama webijetö ömöledönö inawiya emibö pjasebö tjödobö. Ikenama pjasebö tjödajemi söpökwawinö ba̧jö kwijadötö Labán, Jacob, idöda tjömöledökwö.

Génesis 31:46 ပူးပေါင်းရင်းမြစ်များ

Génesis 31:23

Ja̧ yötjawi̧ a̧ja̧kwö Labánma ömöledökwö Jacob ökömanö lubijetö. Lubajadöma jelemutjö̧ dötölaja möle baibajena Jacob ö̧jelö ödöokobe ichibijadötö, Galaad niji mö'ösa'iju jena.

Génesis 31:32

Jo̧kwijayonö kwo̧'wo̧ kwöwa̧na̧lawö̧nöma chönaukwijökötö. Yöta̧lo a̧ja̧kwi: Ötjökwö ȩwa̧jadötjö bakwo̧ o̧'wo̧ jawa naukwinanö kwöbadekwajitjö̧ma jo̧banö kwabö lotjobö wetena. Jo̧kwaobetjö̧ chömöayedöbi, kwömöayedöbi tjeda̧lonö isakwi dutu̧da'wiju okwa, kwitea dönaukwinojobö. Kwöbadekwajitjö̧ma kwo̧'wo̧ kwöwana̧lawö̧nö kwemo— jö̧ba̧lijetö Jacobma. Jo̧bama wajwibijetö Raquel jabe'do o̧'wo̧ öwa̧na̧lawö̧nö jö̧naukwinama. Wajwiobetjö̧ jejenö jö̧ba̧lijetö, Ötjökwö ȩwa̧jadötjö bakwo̧ o̧'wo̧ jawa naukwinanö kwöbadekwajitjö̧ma jo̧banö kwabö lotjobö wetena, jö̧ba̧lö.

Génesis 31:37

Okobe jwiinö kwisakwemi ¿kwöbadekwaji̧ kwo̧'wo̧ kwö̧wa̧na̧lawö̧nöma? Kwöbadekwajawö̧nö bena juni, chömöayedö, kwömöayedö tjedo, jobadöda yötjawo ti jweinö yöa̧lojobö— labinö jwöbeba̧lijetö Jacobma Labánnöma.

Génesis 31:45

Jejenö jö̧ba̧lö Jacobma inawa nöawa emö a̧lapedö junijetö.

Génesis 31:47

Ja̧danö jemima Labán midijetö, iteda iwenenö, Jegar Sahaduta, jö̧ba̧lö. Jo̧kwaijayonö Jacob jemima wainö midijetö, iteda iwenenö, Galaad, jö̧ba̧lö.

Génesis 31:54

Ikenama Jacobma iteda a̧jwi̧mu̧tjö̧ bakwo̧nö kwabö juwö iyijetö Diosnö ösödö. Kwaajökwe ömöledönö tjukwobö, Ichaduwi kwukwaduwo, jö̧ba̧lö, jwöbijetö. Kwanö kabatö abijadötö jobe, mö'ösa'iju ba̧ba̧lawena.

2 Samuel 18:17

Ja̧danö, Absalon iteba'o laju nöaju okwa lotjinobe, ja̧danö lobajadö, wamenö nöinö inawiya ko̧ko̧dö tjo̧tjinobe, iteba'o wamenö mö japopo baibanö. Ja̧danö, okobe deinö israel jojodö Absalon ömöayedöbajadöma, döbibajö tjejukwena tjȩwa̧jinobe.

Josué 7:26

Ikenama, tjöwame nöinö inawiya ko̧ko̧dö muchebö tjo̧tjinobe jobadönö mö japopo baibanö. Ja̧danö ja̧ tjödina inawiyama ina jobe ja̧ wabekonö bo̧be, wajuwanö jojodö tjedobö. Ja̧danö, ja̧ wabekotjö nöinö wene baledinobetjö̧, Wene Wabeko jö̧ba̧lö ötjabobe jobema. Ikenama, Isabenö Jo̧ weaja̧danö sulabenö ja̧binanö kwabö lotjiökwe, Isabenö Jo̧ma israel jojodönö ödameakwi̧ma kaatibinobe.