Génesis 31:38 - Dios Iwene

³⁸ Ina jwöbeba̧lijetö Labánnö: —Labán, lekwe, veinte a̧yo̧ otidiachijatö ökwö weköbi̧ma. Ja̧danö, kwa̧jwi̧mu o̧bȩja̧döbi, chi̧wo̧döbi, ötjö chite'ada̧lonö otiwanö tji̧tji̧munöma wobekwökönö 'yatjebijatö . Isabenö tjöba̧jekwachinobe kwa̧jwi̧muma ötjö chite'ada̧lonö. Ju'wibi yöta̧la, kwa̧jwi̧munö chite'ada̧lobema la'akatjöda chukwijökötö kwa̧jwi̧mu ömadötjö bakwo̧nöbi.

Génesis 31:38 ပူးပေါင်းရင်းမြစ်များ

Génesis 30:27

Jejenö aebökwe: —Jacob, ötjönö otiwanö kweditjö̧ma benada ötjökwö ja̧wi. Ötjöma baledakwa̧ tjöwaisachibobö alewiatjidanö alewö chöwaisachibijatö ötjökwö kwö̧jobetjö̧ Isabenö Jo̧ Diosma ötjönö dösölö̧jinö pjaatajabe, otiwanö chö̧jobö. Jo̧kwaobetjö̧ Isabenö Jo̧ Dios ötjönö pjaatakobetjö̧, benada kwö̧jo.

Génesis 30:29

Jejenö jö̧a̧lökwe: —Chöjaba, kwöwaisa ötjönöma. Otiwanö, lekwe o̧biya chotidajabe ökwö weköbi̧ma. Kwa̧jwi̧muma yelösöda tjöba̧jekwachinobe ötjö chite'ada̧lenama.

Génesis 30:30

Ajayinö chichinanöma kwa̧jwi̧muma du̧ju̧tajanöda tjö̧jinobe. Ikenama otiwanö chite'ada̧lobetjö̧ nöinö yebawö tjöba̧jekwachinobe. Isabenö Jo̧ Diosma ötjökwö ösödinö pjabatö ö̧jobetjö̧ ökwönö otiwanö ösödinö pjaatajinobe. Jokwaijayonö babema ötjöda chotidawa chotidobö chösöda, ökwö weköbi̧maö̧kö̧. Babeda ötjö chi̧lȩkwa̧munö, chi̧tji̧munö otiwanö chite'ada̧lobö jö̧ta̧la, otiwanö tjujuna̧lobö— jö̧ba̧lijetö Jacobma Labánnöma.

Génesis 31:10

—Ja̧danö, belö o̧bȩja̧dö, chi̧wo̧dö tji̧tji̧kwobe ja̧wo̧ baledena chi̧'wi̧dinö chedijatö chi̧wo̧dönö, ömadönö ya̧dönö i̧tji̧kwö tjö̧jobekwö. Ja̧danö, okobe deinö jobadö chi̧wo̧dö ömadöma, wȩyu̧wadönöda chedijatö, chi̧'wi̧dinö.

Génesis 31:37

Okobe jwiinö kwisakwemi ¿kwöbadekwaji̧ kwo̧'wo̧ kwö̧wa̧na̧lawö̧nöma? Kwöbadekwajawö̧nö bena juni, chömöayedö, kwömöayedö tjedo, jobadöda yötjawo ti jweinö yöa̧lojobö— labinö jwöbeba̧lijetö Jacobma Labánnöma.

Génesis 31:39

Ja̧danö, kwöwaisa, tebonö jo̧ ichö kwa̧jwi̧mutjö bakwo̧nö 'yö̧bö loitjö̧ma jo̧ba 'yö̧bö loajökwenö kwö̧jobekwö e'ewö chi̧sebobö jo̧be, Ötjö jawamaö̧kö̧, jö̧ba̧lö. Jejenö baledena balekwonö kwujunobö jo̧be. Jo̧kwaijayonö ökwöma weköbijatö ötjö cha̧jwi̧mutjöda balekwonö chujunobö jejenö baledena. Jo̧kwaobetjö̧ kwajwinö 'yö̧bö̧ loajökwenö e'ewöma i̧sebiachijökötö balekwonö kwujunobö. Ötjö cha̧jwi̧mutjöda balekwonö juniachijatö.

Éxodo 23:26

Ja̧danö, ötjönöda kwösödaduwitjö̧ma pjatatakwo̧sa ya̧dö metu'wadönöma, tjemunö 'debawö lotjokobö. Ja̧danö, okobe deinö Israel jojodö ya̧döma tjemunö tjemakwedö, bakwujubi tjemunö debö̧kö̧ju tjö̧jinö. Ja̧danö, lekwe mölȩ kwö̧jaduwobö pjatatakwo̧sa.

Deuteronomio 28:4

—Kwitji̧muduwi tjö̧ba̧jekwachinö pjaatakwawö̧ja, ja̧danö kwöbatjoduwi otiwanö wa̧ji̧nö pjaatakwawö̧ja, ja̧danö kwajwimuduwi tjö̧ba̧jekwachinö pjaatakwawö̧ja, kwajwimu pakayadöbi, obejadöbi tjö̧ba̧jekwachinö.