Génesis 31:14 - Dios Iwene

¹⁴ Ikenama Raquel, Lea jö̧ba̧lijadötö Jacobnö: —Jao kwatjö̧ma Dios wei̧danö a̧ja̧kwö kwitebobe dȩwa̧jo. Bena dö̧joböma sula. ¿Dakwö demobö dabe'do ökwödönö iyibakwa̧ma? Tjo̧wi̧ jwia.

Génesis 31:14 ပူးပေါင်းရင်းမြစ်များ

Génesis 2:24

Jejenö baledinobetjö̧ bakwo̧ma abe'dotjöbi ojo'dotjöbi 'da̧bachibö labebajo̧ ilekwokwöda ö̧jo jö̧ba̧lö. Ja̧danö, jobadö du̧ju̧tajama iso̧kwö ilekwokwö bakwo̧da babibadö.

Génesis 29:24

Labán ömöayuju, Zilpa mikwujunöma webijetö Lea jömöayuju baibanö.

Génesis 29:29

Ja̧danö, ömöayujunöbi, Bilha mikwujunö webijetö Labánma, Raquel jömöayuju baibanö.

Génesis 31:13

Jacob, ötjöma Diossa, ökwönö Beteltjö öwawachinasa, inawa junibö jawanö o̧te sobu tobebö ötjönö ösödö kwujuninelö. Jobetjö kwiwene yöbawö kwujunijatö ötjönöma, Pjakatitjö̧ma ökwönö ötabena, Chuluwo̧ Dios, jö̧ba̧lö. Jacob ökwönö weta: Babema tjo̧wi̧, belö labebö kwojo'do ökwönö jeminobekwö tjebachaji— weijatö ángelma ötjönöma chi̧'wi̧dinö, Dios wei̧.

Génesis 31:15

Jo̧bama ökwödönö jelobetjö ichinadödanö edobe, pjabatökönö. Ökwödönö mido iyinobe ökwönöma, kwilekwonö kwemina mikwama. Ja̧danö, ja̧ mikwa kwimidi̧danö lekwe o̧biya otidiaköbinobe dabe'do wei̧ma, jo̧bama balada luwo̧ baibanö ö̧jonö. Jo̧kwaijayonö balada emajo̧ okobe jwiinö ida̧ökö iyö loinbe, ökwödönö iyökönö. .