Génesis 29:35 - Dios Iwene

³⁵ Jemi tupakwöma yemidanö metu'wo ji̧jotö Leama. Metu'wo ja̧ju jelo̧ jitji̧nö emijotö. Emajuma jö̧ba̧lijotö: —Babema Isabenö Jo̧ Diosnö ösödujusa— jö̧ba̧lijotö. Jejenö jö̧ba̧lö jemajökwenö midijotö Judá, jö̧ba̧lö. Jemi tupakwöma ji̧tji̧munöma 'yabebijökujutö.

Génesis 29:35 ပူးပေါင်းရင်းမြစ်များ

Génesis 30:9

Ja̧danö, Leama, tjo̧wi̧ tjemunö 'yatebokobe, jö̧ba̧lö, jömöayuju Zilpanö webijotö Jacobnö, jobujunö emobö Jacob jeluju ilekwo baibanö.

Génesis 35:26

Ja̧danö Lea jömöayuju Zilpa mikwujutjö i̧tji̧muma bidö: Abönö pöe Gad, ikena luwo̧ Aser. Jobadöma Jacob i̧tji̧mu, Padan-aram ö̧jelö 'yaebinawö̧ma. Benjamínnöda Padan-aramtjö 'yaebinökökwe.

Génesis 46:12

Jacob ikena itji̧ma Judá. Judá itji̧mu ömadöma bidö: Er, Onán, Sela, Fares, Zara. Er, Onán wobijadötö Canaántjö̧. Ja̧danö, Fares i̧tji̧mu ömadöma bidö: Hezrón, Hamul.

1 Crónicas 5:2

Abönö pöe jawa Judanö baledinobedanö ichejekwena, Judasasoda jelesotjö bajalekwönönö juluwaso baibinobetjö̧, ja̧danö israel jojodötjö inesö la'aka luwo̧ma, Judasaso jojodaobetjö̧. Jo̧kwaijayonö, Israel itji̧ abönö pöe jawama, Judanö baledinokobe, Josenöda baledinobe abönö pöe jawama.

Mateo 1:2

Abrahamma Isaac mikwo̧ abe'doinobe, ja̧danö Isaacma Jacob mikwo̧ abe'doinobe, ja̧danö Jacobma Judá mikwo̧bi, Judá ö̧ja̧wo̧döbi tjabe'doinobe.

Deuteronomio 33:7

—Ja̧danö Judasaso jojodönö yöta̧la baikwö: Chuluwo̧ Isabenö Jo̧, Judasaso jojodö ökwönö pjakatobö jwötjenama, kwa̧ja̧kwobö atebakwö, ja̧danö yemidanö ju'wedö tjömöledö israel jojodökwö batjibinö pjakatobö atebakwö. Ja̧danö tjöpöjojodökwö tjölakwabikwawenama, jobadönö pjakatobö atebakwö, jobadönö pjabatö ökwöbi kwölakwabikwawobö atebakwö.