Génesis 29:20 - Dios Iwene

²⁰ Jokwaobetjö̧ Jacobma Labán wei̧ otidiabijetö jelemutjö dötölataja o̧biya baledibanö. Lekwijayonö juluwanö baledobe ichejekwijetö Jacobnöma, jwiinö ösödobetjö̧ Raquelnö.

Génesis 29:20 ပူးပေါင်းရင်းမြစ်များ

Génesis 24:67

Jemi ikena, Isaacma Rebecanö tebatijetö ojo'do jeju okwa, ilekwo baibanö emobö. Ja̧danö, Isaacma jwiinö ile nibebijetö Rebecanö. Jejenö Rebecanö jwiinö ile niebobetjö̧ ojo'do wojina omukwatö o̧'wo̧ tjo̧achi̧ma ja'yubeda 'dö̧ibajijetö, nöinöma o̧'wo̧ tjo̧achökönö.

Génesis 29:19

—Jau otiwa, bena otidö kwö̧jo. Chitjijunö ökwönö wetoböma chedemi otiwa. Jelo̧nö wetemitjö bajalekwönönö otiwa ökwönö weti̧ma— jö̧ba̧lijetö Labánma Jacobnöma.

Génesis 29:27

Ja̧danö, yötawakwö: Babeda tjilekwonö emawa fiesta kwanö möle, jelemutjö̧ dötölataja mölebiyama kwö̧jo. Ja̧ pjiesta möle kaatena chitjiju Raquelnö wetochakwö. Jemi ikenama ju'wi jelemutjö dötölataja o̧biya ötjö weti̧ kwotido, Raquelnö kwemi̧ mikwama— jö̧ba̧lijetö.

Génesis 29:30

Ja̧danö, Jacobma Raquelkwö ji̧jetö, ilekwo baibanö. Jwiinö ile nibebijetö Raquelnö, Leanö ile niebi̧tjö̧ bajalekwönönö ile nibebijetö Raquelnöma. Ikenama ju'wi jelemutjö dötölataja o̧biya Labán wei̧ otidiabijetö Jacobma.

Génesis 30:26

Ja̧danö, ötjö chi̧lȩkwa̧munö, chi̧tji̧munö webitjö chȩwa̧jo, jobadönö chotidawatjö cheminobetjö̧. Kwöwaisa ökwö weköbi̧ma lekwe o̧biya otiwanö otidiachijatö— abebijetö.

Génesis 31:15

Jo̧bama ökwödönö jelobetjö ichinadödanö edobe, pjabatökönö. Ökwödönö mido iyinobe ökwönöma, kwilekwonö kwemina mikwama. Ja̧danö, ja̧ mikwa kwimidi̧danö lekwe o̧biya otidiaköbinobe dabe'do wei̧ma, jo̧bama balada luwo̧ baibanö ö̧jonö. Jo̧kwaijayonö balada emajo̧ okobe jwiinö ida̧ökö iyö loinbe, ökwödönö iyökönö. .

Génesis 34:19

Ikenama Shequem Dinanö jwiinö ösödobetjö̧ Jacob i̧tji̧mu̧ ömadö atjebi̧ a̧ja̧kwobö jö̧ba̧lijetö te'ada̧lökönö. Ja̧danö abe'do Hamorma ba̧kwȩlö̧jatebö ja̧biabijetö itji̧ Shequem aebi̧ma. Ju'wedö ömöledö atjebi̧ ja̧emitjö̧ o̧penönö ja̧bijetö Hamorma itji̧ Shequem aebi̧ma, ba̧kwȩlö̧jatebö.

1 Corintios 13:7

Ja̧danö, usula emawenama, o̧'wo̧ 'dibachibö ji̧. Ja̧danö, jwaikwöda Dios yöawi̧ ösödö ji̧, jweinö yöbawo̧ jö̧ba̧lö. Ja̧danö, jwaikwöda Diosnö o̧'wo̧ wana̧lö ji̧, isabenö jö̧a̧li̧danö baledakobe jö̧ba̧lö. Ja̧danö, okobe jwiinö baledonö, me'dawachibökönö ji̧, jojodönö ösödabikwawö ja̧kwawama.

2 Corintios 5:14

Jau chömöledö, ju'wedö ökwödönö tjomukwati̧ma mikwawokobe ökwödönö, tjösödi̧danö ja̧bö dö̧jo jö̧ba̧lö, Cristo ösödi̧da mikwawi̧ma. Jau chömöledö, döwaisa, Cristoma böjȩ jojodönö ösödö, okobe deinö pjaatotö jö̧ba̧lö midawö woinobe jö̧ba̧lö, ¿jö̧tö? Jau chömöledö, dö̧jibinö pjabato̧ Cristoma böjȩ jojodönö pjaatobö ösödo̧, ja̧danö ja̧ ösödi̧ma ja̧bö dö̧jakwa̧ jweebobe chömöledö, jojodönö yödawo jö̧ba̧lö. Jau chömöledö, jo̧banö döwaisobe, okobe deinö pjaatotö jö̧ba̧lö midawö woinobe jö̧ba̧lö, jo̧kwajabetjö̧ Cristo ju'wedönöbi pjaatobö ösödi̧ döwaisobetjö̧ kabatibökönö jojodönö yödawobe. Ja̧danö, ju'wibi chömöledö, okobe deinö jo̧banö ösödadöma, ökwödöbi jo̧bakwö wodinobe, ¿jö̧tö?

Efesios 5:2

Cristoma ökwödönö ile niebobetjö̧ dumusidi̧ midawö ö'wöchijetö, dö̧jibinö pjabatö. Jejenö pjabatö, Diosnö söinö nöekwi̧ jawa juwö tjiyinadanö Cristoma midawö iyijetö Diosnöma. Ja̧danö chömöledö, Cristo ökwödönö ile niebi̧danö ökwödöbi kwömöledöduwinö ile nibebö ja̧duwi.

1 Samuel 18:23

Weawö̧, yötja̧linobe, ja̧danö yötja̧lökwe, Davidma atadinobe, —Isabenö otiwökena, bakwo̧ mikwawö̧kö̧ma inesö la'aka luwo̧ o̧jo̧li baibobö. Inesö la'aka luwo̧ o̧jo̧li ja̧kwawama isabenö otiwa, nöinö mikwawi̧ ji̧ jawa, jo̧kwaijayonö ötjöma chitea jwibo̧sa, ja̧danö mikwawö̧kö̧sa, —jö̧ba̧lö.