Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Génesis 29:2 - Dios Iwene

2 Mejenö 'ya̧nö, ojwese'do jo̧be, jö̧ba̧lö edijetö. Je'do ö'öböma o̧bȩja̧döbi, chi̧wo̧döbi ba̧jijadötö, te'ada̧lakwawa jojodö wa̧medukwa tja̧jwi̧mukwena. Ja̧ mölema baikwö balediaijetö: Je'do jo̧bekwö okobe deinö o̧bȩja̧dönö, chi̧wo̧dönö öbibö 'yi̧abijadötö ojwiyo tjowobö. Ja̧danö, je'do a'onö inawa nöawa muchebiabijadötö.

အခန်းကိုကြည့်ပါ။ ကော်ပီ




Génesis 29:2
12 ပူးပေါင်းရင်းမြစ်များ  

Ikenama domulatajabedö ka̧mȩyu̧dö tjoma'anö wanabijetö uluwo̧ Abraham ömöledönö iyakwa̧, jwiinö mikwawi̧ jawa. Wanö kabatö e'ewö 'yi̧jetö Mesopotamia nijibe, Nacor comunidad jobekwö.


Lekwe möle 'ya̧jo̧ ichibijetö Nacor comunidad ö'öbö, ojwese'do jena. Je'doma ya̧dö wabö ichajitje'do, yi̧bena. Ja̧danö, ichibö ojwese'do ö'öbönö ka̧mȩyu̧dönö tjuyujukijunö tjöbamatobö webijetö.


Bena ojwese'do ö'öbö chö̧ja, bemi jojodö tji̧tji̧mu ya̧dö ojwiyo wabö tjichena.


Ja̧danö, okobe deinö jobe ju̧kwadö tja̧jwi̧munö te'ada̧lakwawa jojodöma okobe deinö tjichibajena bakobe ja̧nö pjabatakwawö je'do a'onö inawa nöawa muchekwawama pjolatö lödiabijadötö. Pjolatö lödajadö ojwiyo wabö ojwiabijadötö tja̧jwi̧munö. Ja̧danö, owö katjatena inawama yemidanö muchebiabijadötö.


Ja̧danö a̧wi̧chi̧bi, ojwiyo o̧ti̧bi tjötjökakwedö, ja̧danö jawo̧ma labinö tubinö idejatökakobe jobadönö. Jau, ötjö jobadönö lȩlö̧inö edo̧ma otiwanö tji̧'yakwa̧ jwetebakwo̧sa, ja̧danö otiwanö ötibakwo̧sa, ojwese'dobe ichibö tjowakobetjö̧.


Jo̧kwaijayonö ötjö chiyobu owo̧ma yemidanöma ojwiyo owoböma o̧ti̧lö̧jökökwe, jo̧ba o̧'wo̧ luwo̧ okwanö ojwese'dodanö okwobetjö̧, ba̧kwȩlö̧jatebö ja̧kwawa okwe'dodanö— yöawinobe Jesúsma.


Jobema ojwese'do jo̧be, Jacob ojwese'do. Ja̧danö, Jesúsma, ödö i̧'yemi me'dawachibökwe je'do ö'öbö bamatö ö'wachinobe, jweinö ö̧jena.


Ja̧danö, Obeja Itji̧danö Jo̧ma otiwanö ite'ada̧lobetjö̧ inia tjötjinö baledököwö̧. Ja̧danö, jobadönö otiwanö öbibö 'yo̧ ojwese'do jo̧bekwö, ba̧kwȩlö̧jatebö ja̧kwawa okwe'dokwö. Ja̧danö, jobadöma belöma budekwabinö tjuju̧kwinajayonö, tjo̧wi̧, babema budekwaböködö. Otiwanö ju̧kwadö, Diosma pjaatinobetjö̧— damö la'aka luwedötjö bakwo̧ma jö̧a̧lijatö ötjönöma.


Ojwe se'dotjö ko̧ko̧kwadö lo̧tji̧ a̧ja̧kwaduwi, jobadöma Isabenö Jo̧ otiwanö pjaatina jawa lo̧tjobe, iteda ömöledö israel jojodö pjei̧ comunidadnö ju̧kwadö tjujuluwobö pjaatina jawama. Isabenö Jo̧ ömöledö israel jojodöma, ditebo comunidad apjudebe kwebachö, ökwödönö jwötjinobe,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ