Génesis 29:17 - Dios Iwene

¹⁷ Ja̧danö abönö pöo Leama jöbajalema otiwijotö. Jo̧kwaijayonö jöjawuju Raquelma jwiinö otiwijotö, jöbabi, jitebiyabi.

Génesis 29:17 ပူးပေါင်းရင်းမြစ်များ

Génesis 12:11

Tjichibakwa̧ ja'yubeda jwiena Abramma jö̧ba̧lijetö ilekwo Sarainö: —Sarai, ö'wiawakwawalö̧jönö a̧ja̧kwitjö. Cho̧'wo̧ tjo̧bekwö chö̧ja, ökwöma jwiinö kwotiwobetjö̧.

Génesis 12:14

Ja̧danö, Egiptonö tjichibena Egipto jojodö ömadöma Sarainö edinö, jwiinö otiwuju, jö̧ba̧lö, eda̧lijadötö.

Génesis 24:16

Ja̧danö, Rebecama jwiinö otiwijotö. Ina i̧sokwöbi ji̧abijökujutö. Jobujuma ojwese'do okwa jwibachibö ojwiyo wabijotö. Wabö kabatö yadakwödanö tjebachajijotö jichajobekwö.

Génesis 26:7

Ja̧danö, jobe Gerar jojodötjö ju'wedö ömadöma Isaacnö abebö a̧ja̧kwijadötö, Rebecanöma, ¿kwilekwoji̧? jö̧ba̧lö. Jejenö abebö atjebiökwe, chöjawuju, jö̧ba̧lö, atadijetö Isaacma. Jejenö atadijetö yebabinö, chilekwo, jö̧ba̧lö, jö̧ta̧litjö̧ma Rebecanö edinö, otiwuju, jö̧ba̧lö, tjo̧'wo̧ sulinö edö kwabö lotjena ötjönöma, Rebecanö tjemibobö.

Génesis 29:16

Ja̧danö, Labánma du̧ju̧taja i̧tji̧mu ya̧dönö juna̧lijetö. Abönö pöoma Lea mikwijotö. Lea jö̧ja̧wujuma Raquel mikwijotö.

Génesis 29:18

Ja̧danö, Jacobma Raquelnö jwiinö ösödobetjö̧ abebijetö Labánnö: —Labán, kwitjiju bajaliya luwuju Raquelnö, chilekwo baibanö chemobö atebakwö. Ja̧danö, jelemutjö dötölataja o̧biya baledibanö ökwö weköbi̧ chotidocha, otidö katatajena jobujunö chemobö, chilekwo baibanö— aebökwe:

Génesis 29:30

Ja̧danö, Jacobma Raquelkwö ji̧jetö, ilekwo baibanö. Jwiinö ile nibebijetö Raquelnö, Leanö ile niebi̧tjö̧ bajalekwönönö ile nibebijetö Raquelnöma. Ikenama ju'wi jelemutjö dötölataja o̧biya Labán wei̧ otidiabijetö Jacobma.

Génesis 30:22

Jemi ikenama, Diosma Raquelnö lȩlö̧jinö edö pjabatijetö. Jobuju ajeba̧li̧ma a̧ja̧kwö pjabatijetö metu'wo jö̧jinö.

Génesis 35:24

Ja̧danö, ilekwo Raqueltjö i̧tji̧mu̧ma bidö: Abönö pöe José, ikena luwo̧ Benjamin.

Génesis 39:6

Ja̧danö, Potifarma okobe jwiinö itea, iteda otikwa, ja̧danö, ju'wi jawa, ju'wi jawabi Josénöda ite'ada̧lobö webijetö. Ja̧danö, ja'yubebi omukwatijökötö iteda jawama, Josénöda webö. Kwakwawa ukwakwa̧da omukwatijetö. Ja̧danö, Joséma ujulubi juluwijetö, otiwi̧bi jwiinö otiwijetö.

Génesis 48:7

Ina yöbawijetö: —Chitji̧, kwojo'donö Raquelminenöma omukwatö kwi̧tji̧mu Efraínnö, Manasésnö 'da̧batö chujuna, ötjö chi̧tji̧mu̧, jö̧ba̧lö. Jobujuma ¡Ju'wedö ji̧tji̧munö 'yajebinowe! Damötjö, Mesopotamiatjö dȩwa̧jemi ja'ötjö jobujuma ö'wö bajibijatö, Canaán niji Efrata comunidad yö̧neawelö. Ö'wö bajibitjö̧ ¡chilekwowe! jö̧ba̧lö, jwiinö cho̧'wo tjo̧tekwijatö. Wobajunö jenada cho̧tjijatö, Efrata comunidad 'yakwawama ö'öbö— yöbawijetö Jacobma Josénö. Babe mölema ja̧ comunidadma Efrata, jö̧ba̧lö, ötjabokobe, Betél, jö̧ba̧lö ötjabobe.

Proverbios 31:30

—Chitji̧, baikwö yötawa: Isabenö, bakwuju isujunö edö, jwiinö otiwuju, jö̧ba̧lö kwomukwatena. Jobekwö kwomukwatijayonö jobuju otiwujuma jomajade okwanö otiwanö omukwatökena. Wamenöda i̧sekwujuena, okwanö i̧sekwökönö. Jobekwö wamenöda i̧sekwujuma jelobekwö kwomukwatobö öbibuju, okwanö jomukwati̧ma kwöwaisachibapji jö̧ba̧lö— yöjawinobe—. Ja̧danö, ju'wibi yötawa: Babema otiwuju jichejekwijayonö ba̧kwȩlö̧jatebö jobekwö jichejekwökakobe, puo jöwaekwenama. Isabenö yötawa, inesö ji̧ jawa baikwö kwomukwatobö jo̧be: Isabenö Jo̧nö yebabinö omukwatujunö, Isabenö bisuda inesö otiwuju, jö̧ba̧lö, kwomukwatobö jo̧be.

Mateo 2:18

Ramá nijitjö ökwöi̧ tja̧ja̧kwinobe, jwiinö jo̧'wo̧ tjo̧achö Raquel jubudekwi̧ma. Raquelma ji̧tji̧munö jubudekwobe, ja̧danö jo̧'wo̧ tjo̧achi̧tjö jo̧'wo̧ ösöwachibanö ju'wedö pjatjatobö jö̧tja̧lijayonö jöpöjödobe, ji̧tji̧mu deobetjö̧, jö̧ba̧lö laebobe.

1 Samuel 10:2

Chöjelö lakebaja̧ ikena, Benjamin niji̧ comunidad Selsatjö, kwa'do̧mine Raquel jowobiako pjeanö ömadö du̧ju̧tajanö kwöbadekwajakwo̧ja. Ja̧danö badekwajo̧ma, jobadöma baikwö yötjawakobe ökwönö, –Ida̧ökö tjöbadekwajabe kwisakwajawö̧ bu̧lödönöma, ja̧danö babema kwabe'doma bu̧lödönö omukwatökönö, ökwönö o̧'wo tjo̧achobe, chitji̧we, dakwö jo̧banö chöbadekwakwajö, –jö̧ba̧lö ökwönö yötjawakwedö.