Génesis 22:20 - Dios Iwene

²⁰ Ju'wi möle Abrahamma ju'wedö jo̧banö yötjawi̧ a̧ja̧kwijetö, biya̧ yötjawi̧ma: —Abraham, kwöjawo̧ Nacorma ilekwo Milcatjöma jelemutjö wa̧medukwa i̧tji̧munö ujuna̧lobe.

Génesis 22:20 ပူးပေါင်းရင်းမြစ်များ

Génesis 11:26

Ja̧danö, Taréma setenta a̧yo bemitjö̧ tupakwö 'yabebijetö i̧tji̧munö Abram, Nahor, Harán mikwadönö.

Génesis 11:27

Baikwö laebi̧ma Taré i̧tji̧mubi ö̧'dö̧döbi tjö̧jina jawa. Ja̧danö, Taréma i̧tji̧munö Abram, Nahor, Harán mikwadönö 'yabebijetö. Ja̧danö, Taré itji̧ Haránma itji̧nö Lot mikwo̧nö 'yabebijetö.

Génesis 11:29

Taré i̧tji̧mu Abrambi Nahorbi tjilekwokwenanö emijadötö. Abram ilekwoma Sarai mikwijotö. Ja̧danö, Nahor ilekwo Milcá mikwijotö. Milcáma Haránmine itjiju Isca mikwuju jöpöo.

Génesis 15:1

Jemi ikenama Isabenö Jo̧ Diosma Abramnö i̧sebijetö, i̧'wi̧didanö. Ja̧danö, Abramma Isabenö Jo̧ Dios yöawobe a̧ja̧kwijetö, baikwö yöawi̧ma: —Abram yekabi. Ötjöma ökwönö tjöbeba̧lo̧sa, sulabe baledokobö. Ja̧danö Abram, ötjöma ökwönö jwiinö mikwawinö chiyakwo̧sa— yöbawijetö.

Génesis 22:21

Abönö pöema Us mikwo̧, öjawo̧ma Buz mikwo̧, Buz öjawo̧ma Kemuel mikwo̧, Aram abe'do.

Génesis 24:10

Ikenama domulatajabedö ka̧mȩyu̧dö tjoma'anö wanabijetö uluwo̧ Abraham ömöledönö iyakwa̧, jwiinö mikwawi̧ jawa. Wanö kabatö e'ewö 'yi̧jetö Mesopotamia nijibe, Nacor comunidad jobekwö.

Génesis 24:15

Ja̧danö, Abraham ömöayo̧ma ina Diosnö aebonö bakwuju, Betuel itjiju Rebeca mikwuju ichibijotö ojwiyo waawayu jöböbe'onö junawö. Betuelma Milcatjö, Nacor itji̧. Nacorma Abraham öjawo̧.

Génesis 24:24

—Chabe'doma Betuel mikwo̧. Jo̧ba ojo'doma Milca mikwuju. Abe'doma Nacor mikwo̧.

Génesis 31:53

—Ökwödö yöbawö dujuni̧ma da'dödö tjösödinökwe Dios, ötjö cha'dömine Nahor, kwa'dömine Abrahambi tjösödinökwe Diosma ökwödönö edö öwaisakwo̧ diwene yöbawö dujuninadanö dö̧jojobö— yöba̧lijetö Labánma. Jejenö yö̧a̧lökwe ösödijetö Jacobma, Jao jejenö yöbawö chujuna. Ja̧danö, yöbawö chujuni̧ yöta̧la̧ja̧tjö wainö ja̧titjö̧ma Dios, chabe'do Isaac yebabinö omukwatökwe Diosma lȩebakwo̧sa yöba̧lijetö Jacob.

Proverbios 25:25

Ja̧danö, ju'wibi yötawa: Jelobe ödötjö otiwanö baledina yötjawi̧ a̧ja̧kwö jwiinö dösödobe. Wanedö yötawa: Jwiinö ojwiyo o̧ti̧ lö̧a̧jabena ojwiyo tiyuwobu tjowi̧danö dösödobe ödötjö otiwanö baledina yötjawi̧ a̧ja̧kwö.