Génesis 22:14 - Dios Iwene

¹⁴ Jo̧kwaobetjö̧ Abrahamma jemima midijetö, Isabenö Jo̧ Diosma iyo̧, jö̧ba̧lö. Babe mölebi jejenö yötja̧lobe, Isabenö Jo̧ Diosma mö'ösa'otjö iyakwo̧, jö̧ba̧lö.

Génesis 22:14 ပူးပေါင်းရင်းမြစ်များ

Génesis 22:13

Ikenama Abrahamma jemi tupakwö edemi obejama sȩakanö i'yekanö akwachibajo̧ ji̧jetö. Jo̧ba ö̧jobekwö 'ya̧nö jebatö do̧batö ichejebijetö juwö iyawemi otidajobekwö. Jobetjö obejanöda 'wibebö lobö juwö iyijetö, Diosnö ösödö. Abrahamma itji̧ Isaac imidawo jö̧a̧laja̧ma balekwo̧nö juwö iyijetö Diosnö.

Génesis 22:15

Ikenama Isabenö Jo̧ Dios weajökwe ángelma yemidanö jwöbijetö Abrahamnöma mölejebetjö.

Génesis 22:8

Jejenö abebö a̧ja̧kwökwe: —Chitji̧, Diosda iyakobe juwö diyakwo̧nöma— atadijetö Abrahamma itji̧ Isaacnö. Ikenama bakobe 'yi̧jadötö.

Génesis 28:19

Jemima Luz, jö̧ba̧lö, öbabijadötö jojodöma. Jo̧kwaijayonö Jacobma imi balekwa midijetö, Betel, jö̧ba̧lö.

Génesis 32:30

Ikenama Jacobma, bemima Dioskwö bakobe ja̧nö jo̧banö chedijayonö debö chi̧'yökötö, jö̧ba̧lö jobema Peniel, jö̧ba̧lö midijetö.

1 Reyes 17:8

Ja̧danö, ojwe kököachibenama, Isabenö Jo̧ma iteda yöawi̧ yöawinobe Eliasnö,

Éxodo 17:15

Ikenama Moisésma juwö iyawemi otidijetö. Jemima midijetö, Isabenö Jo̧ma döpjojodönö dujuluwobö pjabato̧, jö̧ba̧lö.

Juan 1:14

Ja̧danö, Dios Iwene Jo̧, jö̧ba̧lö, ötjabökwema jojo baibanö jeminökwe. Ja̧danö, jojo baibanö jeminökwema böjȩnö ökwödökwö ö̧jinobe. Ökwödöma jo̧banö edö, Jwiinö otiwo̧, jö̧ba̧lö, dösödijatö. Yelösöda, jo̧bama Dios Itji̧, iteakwo̧daobetjö̧ jwiinö otiwo̧. Ja̧danö, jo̧bama jwiinö lȩlö̧jino edöda pjabato̧. Ja̧danö, jweinöda yöba̧lo̧.

Deuteronomio 32:36

Jau chömöledö, Isabenö Jo̧ma iteda ömöledö israel jojodönö isabenö lȩebakobe, tjujulu jwitjenanö baibanö. Jemi ikenama, israel jojodötjö ju'wedö tjömöayedöbi, tjömöayedöböködöbi sule o̧bukwedöda tjö̧jibenama, jobadö iteda ömöayedö israel jojodönö lȩlöinö edakobe Isabenö Jo̧ma.

1 Timoteo 3:16

Dösödi̧ wenema isabenö otiwa jawa wene Timoteo, jojodö ajayinö wajwitjina wene, Dios i̧sebina wenema. Ja̧danö bakwo̧bi, Aaa, sulabe wene, isa̧ökö wene, jö̧a̧loböma jwia. Ja̧ Cristo Jesús jawa wenema biya̧: Jo̧bama jojo baibanö öwawinobe. Jo̧banö i̧sebinobe Dios O̧'wo̧ Luwo̧ma, sulabe jwibo̧ jö̧ba̧lö. Jo̧banö tjedinobe ángelesdöma. Jo̧banö tja̧ja̧kwinobe böjȩ bakwameachibanö ju̧kwadö jojodöma. Jo̧banö tjösödinobe böjȩ bakwameachibanö ju̧kwadö jojodöma. Jo̧bama mölejȩbe kaekwajinobe.

Jueces 6:24

Jemi ikenama, Gedeonma jobetjö Isabenö Jo̧nö iyawemi jobetjö otidinobe, ja̧danö otidajo̧, iyawemi imi imidinobe, —Isabenö Jo̧ma dösölö̧jinö edo̧, —jö̧ba̧lö. Ja̧ iyawemi Gedeon otidinemima, ina jobe Abiezersaso jojodö tjitebo Ofra comunidadnö bo̧be.

1 Samuel 29:10

Jo̧kwajabetjö̧, itekwai yȩayi a̧la̧ibö, ju'wedö chömöayedö ökwökwö ichinadökwö kwȩwa̧jo, dewachibena kwȩwa̧jaduwo, —jö̧ba̧lö weinobe Aquisma.

1 Samuel 7:12

Ikenama Samuelma inawa nöawa emö, Mizpa comunidadbi Sen comunidadbi 'da̧de ödinobe, ja̧danö lödajo̧ jawa Ebenezer jö̧ba̧lö imidinobe, —Ba̧kwelöjatebö pjabataiadanö babebi pjaatajabe Isabenö Jo̧ma, —jö̧ba̧lö.