Génesis 18:20 - Dios Iwene

²⁰ Ikenama Isabenö Jo̧ Diosma Abrahamnö jö̧ba̧lijetö: —Abraham, Sodoma comunidad jojodönö, Gomorra comunidad jojodönö ju'wedö labinö jwötjeba̧li̧ cha̧ja̧kwijatö, jwiinö sulabe ja̧bö ju̧kwadö, jö̧ba̧lö.

Génesis 18:20 ပူးပေါင်းရင်းမြစ်များ

Génesis 13:13

Ja̧danö, jemima jwiinö otiwijayonö Sodoma comunidadnö ju̧kwadöma jwiinö sulabeda omukwatö ju̧kwijadötö, Isabenö Jo̧ Dios jwiinö öpöjödi̧ jawa ja̧bö.

Génesis 19:13

Bemima söbebö lodakobe. Isabenö Jo̧ Diosma, Sodoma comunidadnö ju̧kwadö sulabenö ja̧bö tjuju̧kwobe, jö̧ba̧lö jwötjeba̧li̧ a̧ja̧kwajabetjö̧ söbebö lodobö weijatö ökwödönöma— yöbawijadötö ángelesdöma Lotnöma.

Génesis 19:4

Tjukwaja̧ ikena tjabakwa̧ abönö tjö̧bajena Sodoma comunidadnö ju̧kwadö ömadö okobe deinö, möayedöbi, damöbi Lot eju apetube ichajadöma sulabenö ja̧tjotö jö̧ba̧lö tjösawibijadötö.

Génesis 4:10

Ikenama Isabenö Jo̧ma abebö a̧ja̧kwijetö: —Caín ¿Tajawedö sulabenö ja̧köbaja̧da? Kwöjawo̧ ökwösobu ebawö nijinö 'dukwibajabe. 'Dukwibajobu chedemi jo̧ba jwöeba̧lobedanö nijitjö ökwöa ötjönöma, Lȩbebinö balekwa mikwa, jö̧ba̧lö̧— jö̧ba̧lijetö—.

Génesis 6:12

Jadanö, böjȩkwö edö, isabenö böjȩnö ju̧kwadöma sulabedöda babibinadö, jö̧ba̧lö, edijetö, okobe deinö sulabeda ja̧bö tjuju̧kwobetjö̧.

Isaías 3:9

Isabenö wene juna̧ladö Juda jojodöma, tjöba edöbi öwaetjöda öwawobe, wene tjujuna̧li̧ma. Jau, taba jwiinö, sulabenö ja̧bö tjö̧ji̧ i̧sebadö, inesö sulabedö Sodoma jojodö tji̧sȩbinadanö. Ayö, isabenö Dios lȩebakwawö̧ Juda jojodönö, jadanö jobadönö lȩebakwa̧ma baikwö yötawa, Idöda wene jwötjekwobetjö Dios lȩebakwa̧ tjemakwedö.

Isaías 5:7

Ja̧ wanedö yötawaja̧ma, baikwö labebö lotaduwakwö chömöledö: Isabenö Jo̧ okobe jwiinö juluwo̧ Dios öbatjo wanekwachi̧ma, Israel mikwina itji̧mu tupadanö jojodönö wanekwachobe, jadanö otiwanö ubasa'ba ujunina wanekwachi̧ma, Juda jojodönö wanekwachobe. Ja̧danö, otiwanö ökwödönö pjaatinobetjö̧, ökwödönö iteada̧linobe, —Chömöledö Juda jojodöma otiwanö weti̧ a̧ja̧kwö tjö̧jo jö̧ba̧ladö, —jö̧ba̧lö. Jo̧kwaijayonö, wei̧ a̧ja̧kwö kwö̧jaduwo jö̧ka̧laduwemi, jojodönö kwabö lobadöja, jadanö otiwanö jabö kwö̧jaduwobö ji̧jayonö, sulabenö ja̧köbaduwawö̧ tjubudekwi̧da ökwöobe.

Santiago 5:4

Ina yötawa jobadö, juna̧ladönöma. Ökwödöma yelösöda sulabenö omukwatö kwömöayedö batjoduwinö 'wibadönö midö kwiyinaduwokobe. A̧ja̧kwaduwitjö. Jobadöma Diosnö budekwabinö jwötjeba̧linobe ökwödönöma, Tjimidinokobe, sula, jö̧ba̧lö. Ja̧danö, jwötjeba̧li̧ a̧ja̧kwiökwe jwiinö juluwo̧, Duluwo̧ Diosma ökwödö midöködönöma lȩbebo̧.