Génesis 12:15 - Dios Iwene

¹⁵ Ja̧danö, Egipto jojodö tjuluwo̧ma faraón ötjabinökwe. Jo̧ba faraón ömöayedöma Sarainö, jwiinö otiwuju, jö̧ba̧lö, edajadö faraón ö̧jobekwö ȩwa̧jijadötö, Sarai jotiwi̧ma jo̧banö yötjawobö. Jejenö yötjawiökwe jobujunö tjichejebobö webijetö faraónma, iteda ilekwo baibanö emobö. Jejenö weawö̧ faraón ömöayedö Sarai jö̧jobekwö 'ya̧jadöma jobujunö öbibö ȩwa̧jijadötö faraón ejube.

Génesis 12:15 ပူးပေါင်းရင်းမြစ်များ

Génesis 12:14

Ja̧danö, Egiptonö tjichibena Egipto jojodö ömadöma Sarainö edinö, jwiinö otiwuju, jö̧ba̧lö, eda̧lijadötö.

Génesis 20:2

Jobe ja̧nö, Abrahamma ju'wedönö ilekwo Saranö yöba̧lijetö, Bisuma chöjawuju, jö̧ba̧lö. Jejenö jö̧a̧liökwe Gerar la'aka luwo̧, Abimelec mikwo̧ma webijetö ömöayedönö Saranö jo̧ba ö̧jobekwö tjichejebobö, iteda ilekwo baibanö jö̧jakwujunöma.

Génesis 26:7

Ja̧danö, jobe Gerar jojodötjö ju'wedö ömadöma Isaacnö abebö a̧ja̧kwijadötö, Rebecanöma, ¿kwilekwoji̧? jö̧ba̧lö. Jejenö abebö atjebiökwe, chöjawuju, jö̧ba̧lö, atadijetö Isaacma. Jejenö atadijetö yebabinö, chilekwo, jö̧ba̧lö, jö̧ta̧litjö̧ma Rebecanö edinö, otiwuju, jö̧ba̧lö, tjo̧'wo̧ sulinö edö kwabö lotjena ötjönöma, Rebecanö tjemibobö.

Génesis 41:1

Ja̧danö, ja̧ baledina ikena dötölataja a̧yo la'aka luwo̧ faraónma 'wi̧dikwijetö, baikwö: I̧'wi̧dinöma jo̧bama ojwe ö'öbö, Nilo mikwödönö ö̧jobekwö.

1 Reyes 3:1

Jemi ikenama, Solomonma Egipto niji la'aka luwo̧ Faraonkwö bakobe pjabatakwawö tjö̧jakwa̧ wene yöbawö tjujuninobe. Ja̧danö, ja̧ pjabatakwawö tjö̧jakwa̧ wene yöbawö junö, Faraon itjijunö eminobe, ilekwo bajibanö, —Yö̧ne dömöledö dö̧jobetjö̧, bakobe pjabatakwawö dö̧jakwedösa, —jö̧ba̧lö. Jobujunö emajo̧, ilekwonö öibinobe, itebo comunidad Jerusalenbe, ju'wi imi David itebo comunidadbe. Ja̧danö, jobe tjö̧jinobe, Salomon iteda ö̧jakweju otiwejubi, Isabenö Jo̧ Dios ejubi, Jerusalen comunidad tjöekwemibi otidö kaatenanö baibanö.

2 Reyes 18:21

Chedemi Egipto la'aka luwo̧nö kwo̧'wo wa̧na̧lö kwö̧jena, -Chöjibobö pjaatakwo̧, -jö̧ba̧lö. Jo̧kwaijayonö baikwö yöta̧lakwö: Jobadönö tjo̧'wo wana̧ladönö pjabatökönö, suli̧ waedadö Egipto jojodöma, tokwöte juluwanö 'deawötedanö. Jau, bakwo̧ ja̧jaye tokwöte öwanawitjö̧ma, 'deawena, ja̧danö 'debawö, ömamunö söibena, jö̧tö? Jobekwö ichejekwo̧ Egipto la'aka luwo̧ Faraonma, jo̧banö tjo̧'wo wana̧ladönöma.

Éxodo 2:15

Ja̧danö, faraónma Moisés Egipto jojonö kwabö loina a̧ja̧kwö ömöayedönö webijetö Moisésnö kwabö lotjobö. Jo̧kwaijayonö Moisésma faraón ö̧jelöma döibajobetjö̧ badekwajijöködötö. Moisésma jelobe, Madián nijibe döbibajijetö, jobeda ö̧jobö. Ja̧danö Moisésma, jobe Madián niji ichibö ojwese'do sotjine'do ö'öbö bamatijetö.

Éxodo 2:5

Ja̧danö, faraón itjijuma jödötjö ojwe ibö 'yi̧jotö jömöayedö ya̧dökwö. Jobujuma ojwe jibonö jömöayedöma ojwe ö'öbönö kwebachijadötö. Faraón itjijuma isa'banö wi̧lȩyu̧ lo̧be edijotö, tjemu ojo'do jödajayu lo̧bema. Edö webijotö jömöayedötjö bakwujunö wi̧lȩyu̧ jemajobö.

Proverbios 29:12

Ja̧danö, ju'wibi yötawa, wanedö: Bakwo̧, inesö la'aka luwo̧ma, omöna yöba̧ladö jo̧banö yötjawi̧ a̧ja̧kwö ösödobe, otiwa jö̧ba̧lö. Jobekwö ösödobetjö̧ sulabenö webö ö̧jobe. Ja̧danö, sulabenö webö ö̧jobetjö̧ iteda yö̧ne ömöayedöbi sulabenö omukwatadö tjö̧jobe.

Proverbios 6:29

Chitji̧, jobekwö labi̧ jawa baledakobe ökwönöma jelo̧ ilekwo̧kwö bakwobe kwö̧jitjöma. Isabenö ökwönö lȩtjebakwo̧ja.

Hebreos 13:4

Ja̧danö chömöledö, ju'wibi yötawaduwakwö. Ökwödötjö kwilekwonö kwemobö, ja̧danö kwilekwenö kwemobö omukwatadönö yötawa. Yebabinö omukwatö kwemaduwo kwilekwonö, ja̧danö kwilekwenö. Ja̧danö, eminadönöbi yötawa. Yebabinö omukwatö kwuju̧kwaduwo kwilekwokwö, ja̧danö kwilekwekwö. Ja̧danö, okobe deinö yötawaduwakwö. Emökönöma kwalewaduwa, Diosma emökönö alewadönö lȩebakobetjö̧. Ja̧danö, Diosma jeluju jilekwenö alewujunö, jelo̧ ilekwonö alewo̧nö lȩebakwo̧.