Gálatas 5:17 - Dios Iwene

¹⁷ Jau chömöledö, ökwödö böjȩ jojodö dösödi̧ma, Dios O̧'wo̧ Luwo̧ma ösödi̧maökö, ja̧danö Dios O̧'wo̧ Luwo̧ ösödi̧ma, böjȩ jojodö dösödi̧maökö. Jo̧kwajabetjö̧, ökwödö Jesúsnö ösödadönö baikwö yötawa chömöledö: Ajayinö dösödina jawa ina dösödobetjö̧, domajadenö ölakwabikwawobedanö ji̧, ja̧ jawa do̧'wo̧ luwo̧nö ja̧nö Dios O̧'wo̧ Luwo̧ öpöjödobetjö̧. Jau chömöledö, ajayinö dösödi̧kwö Dios O̧'wo̧ Luwo̧ ölakwabikwawobedanö ichejekwa, sulabenö dösödi̧ jawa ja̧dapji jö̧ba̧lö.

Gálatas 5:17 ပူးပေါင်းရင်းမြစ်များ

Génesis 6:3

Ikenama Isabenö Jo̧ma jö̧ba̧lijetö: —Bidö jojodönö ötjö Cho̧'wo̧ Luwo̧ma ba̧kwȩlö̧jatebö itea'da̧lokobe woba jojodödatjobetjö̧. Tjo̧wi̧, babema lekwe tjö̧joböma wetökakobe, sule cientoveinte a̧yo jenanö tjö̧jobö wetocha— jö̧ba̧lijetö Isabenö Jo̧ma.

Isaías 6:5

Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.

Mateo 12:30

Tupakwö yöawinobe Jesúsma: —Okobe deinö ötjö chömöledöböködöma, isabenö chöpöjojodö tjö̧jobe, ja̧danö okobe deinö ötjökwö otidöködöma, isabenö otiwanö chotidapji jö̧ba̧lö tjöbeba̧lö otidadö.

Mateo 16:17

Jejenö yöa̧lökwe Jesúsma Pedronö yöa̧linobe: —Isabenö kwo̧'wo̧ ösöwanö jo̧ja ökwö Jonás itji̧ Simón, Diosda ja̧ ökwönö öba̧ja̧dinobetjö̧. Jau chömöledöso̧, jojodödama ja̧ tjöba̧ja̧dinokobe ökwönö. Diosda ja̧ öba̧ja̧dinobe ökwönöma.

Mateo 16:23

Yöa̧lökwe, Jesúsma jalachibö Pedronö yöa̧linobe: —¡'Da̧bachibö da̧ji Pedro!, sulabenö Awetja yöa̧li̧da yöka̧lobetjö̧, ja̧danö jweinö Dios ösödi̧danö chi̧'yapji jö̧ba̧lö tjökeba̧lobetjö̧. Jau Pedro, biya̧ kwomukwati̧ma Diostjö ichökö ji̧, jojodö tjo̧mukwatida— jö̧ba̧lö yöa̧linobe.

Mateo 26:41

Abökönö te'ada̧lö Diosnö akebaduwo, sulabenö ja̧köbaduwojobö jö̧ba̧lö balediawö̧, sulabenö ja̧köbaduwapji jö̧ba̧lö. Kwo̧'wo̧ luwo̧duwitjö isabenö otiwanö ja̧köbaduwobö ösödadöja chömöledö, jo̧kwaijayonö kwiteba'oduwitjö juluwöködöja— jö̧ba̧lö.

Mateo 5:6

Jwaikwöda sulabe jwii̧ Dios ösödi̧ jawa isakwadöma, isabenö tjo̧'wo̧ ösöwanö tjö̧jakwedö, Dios öba a'otjö sulabe jwibadö tjö̧jakobetjö̧.

Lucas 22:33

Jejenö yöawiökwe, Pedroma atadinobe: —Chuluwo̧, ötjöma la'akatjöda ökwönö kabatibö̧kö̧sa. Ökwönö ka̧lena tjöditjö̧böbi, kwabö lotjitjö̧böbi yayonö wotenanö kabatö ökwökwö chi̧'yobö omukwato̧sa, la'akatjöda katatibökakwo̧sa— jö̧ba̧lö atadinobe Pedroma.

Lucas 22:46

Ja̧danö, jejenö abibajadönö edö, Jesúsma jobadönö yöa̧linobe: —¿Tajawedö kwabekwaduwa? A̧laibö Diosnö abebaduwi, sulabenö ja̧köbaduwojobö jö̧ba̧lö ökwödönö baledenama, kwujuluwaduwachibanö pjaatobö, sulabenö ja̧köbaduwapji jö̧ba̧lö— yöa̧linobe Jesúsma.

Juan 3:6

Böjȩ jojodö tjemawö̧ma böjȩ jojodöda ¿jö̧tö? Jejenömaökö Dios O̧'wo̧ Luwo̧tjö emawö̧ma. Dios O̧'wo̧ Luwo̧tjö emawö̧ma Dios O̧'wo̧ Luwo̧ jojodö.

Romanos 8:13

Jau chömöledö, suli̧ ömöayedödanö ju̧kwadöma, wotjakwedö chömöledö. Jo̧kwaijayonö, Dios O̧'wo̧ Luwo̧ ömöayedödanö ju̧kwadöma, wotjökakwedö. Jobadöma, Dios O̧'wo̧ Luwo̧ pjaatobetjö̧, sulabe tjösödi̧ma kabatibadö. Ja̧danö sulabe tjösödi̧ kabatibö, sulabenö tjösödi̧ma kwabö lotjobedanö jo̧be, sulabe tjösödi̧ jawa katjatibobetjö̧. Ja̧danö, jobadöma ba̧kwȩlöjateböda tjuju̧kwakwedö.

Gálatas 3:21

Jejenö ji̧tjö̧ma, Dios weina Moisés iwȩyudinama, Dios yöbawö ujunina wenetjö ¿wainö laebiji̧? Wainö laebokobe chömöledö, baikwö yötawa: Biya̧tjö tjö̧jibakwedö jojodöma jö̧ba̧lö Diosma iteda wei̧ weinatjö̧ma, isabenö ja̧ wei̧tjö jojodö sulabe jwibadö batjibo jö̧tja̧linena chömöledö.