Gálatas 3:6 - Dios Iwene

⁶ Jau chömöledö, Abrahamnö baledinadanö jo̧be, baikwö laebobe Dios iwene Abrahamnöma: Abrahamma Dios yöawi̧ ösödinobe, jweinö yöbawo̧ jö̧ba̧lö, ja̧danö jejenö ösödiökwe, Diosma jo̧banö yöawinobe sulabe jwibo̧ jö̧ba̧lö, laebobe Dios iwenema.

Gálatas 3:6 ပူးပေါင်းရင်းမြစ်များ

Génesis 15:6

Ja̧danö, Abramma Dios yöawi̧ ösödijetö, Diosma jweinö yöbawo̧, jö̧ba̧lö. Jejenö ösödiökwe Diosma jo̧banö jö̧ba̧lijetö, Chedemi bitema suli̧ jwibo̧, jö̧ba̧lö.

Gálatas 3:9

Jau chömöledö, Abrahamma Dios yöawi̧ ösödiökwe, Diosma jo̧banö pjaatinobe, ja̧danö ju'wedö okobe deinö jo̧ba ösödinadanö ösödadönöbi pjabato̧ Diosma.

Santiago 2:23

Ja̧danö, Abrahamma jejenö Diosnö o̧'wo̧ wana̧lö ö̧ji̧bi, ja̧danö, Dios wei̧ a̧ja̧kwöbi ö̧jobema Dios ajayinö yöawina badekwachinö ö̧jinobe. Ja̧ ajayinö yöawinama baikwö laebobe Dios iwenetjö: Abrahamma Dios yöawi̧ ösödinobe, Diosma jweinö yöbawo̧, jö̧ba̧lö. Jejenö ösödiökwe Diosma jo̧banö jö̧a̧linobe, Chedemi bitema suli̧ jwibo̧, jö̧ba̧lö. Jejenö laebobe. Ja̧danö, ju'wi jawabi laebobe, Dios Abrahamnö yöawina, baikwö: Abrahamma ötjö chömöledöso̧. Jejenö laebobe Dios iwenetjö, Abraham ö̧jina iwȩyudinama— jejenö yöbawö chatadena ötjönö yöba̧lo̧nö, Ju'wedöma Jesúsnö tjo̧'wo̧ wana̧löda ja̧dö, i̧sekwökönö, yöba̧lo̧nöma.