Filipenses 4:21 - Dios Iwene

²¹ Okobe deinö ökwödö Dios ömöledö Cristo Jesúsnö dötewadönö bakwo̧nökwena detawobedanö dokwa ateba, ja̧danö ötjökwö ju̧kwadöbi Jesúsnö ösödadöma detjawobedanö dokwa jö̧ba̧lö atjebobe ökwödö Filipos jojodönö.

Filipenses 4:21 ပူးပေါင်းရင်းမြစ်များ

Mateo 5:47

Ja̧danö chömöledö, sule kwömöledöduwinöda debawö dokwa akebaduwitjö̧ma, ¿ju'wedö ja̧tji̧tjö bajalekwönönö ja̧köbaduwenaji̧? Diosnö öpöjödadöbi jejenö ja̧badö chömöledö. Ökwödönö weti̧ma sule kwömöledönöda kwösödaduwo jö̧ba̧löma wetökö chömöledö. Kwöpöjojodönöbi kwösödaduwobö wetaduwakwö.

1 Corintios 1:2

ökwödö Dios ömöledö Corintionö ko̧ko̧kwö ba̧jadönö. Ökwödönö Diosma jwöinobe, ja̧danö omudawö ujuninobe, iteda ömöledö bakibaduwobö. Jau chömöledö, ökwödöbi, okobe deinö ju'wedö Duluwo̧ Jesucristonö ösödadöbi, Duluwo̧ma bakwo̧da, Jesucristoda. Ja̧danö, Cristo Jesúskwö bakobe dötewinö ja̧nö, Dios ömöledöbedösa chömöledö.

Gálatas 1:2

Ötjöma ju'wedö ötjökwö ju̧kwadö dömöledö Jesúsnö ösödadökwö ja̧nö chiwȩyuda böja kwialusöja ökwödö Gálatas nijitjö ko̧ko̧kwö kwöba̧jaduwitenia Jesúsnö ösödadönö.

Gálatas 2:3

Ja̧danö, jobadöma yötawi̧danö bakweminö tjomukwatinobe chömöledö. Ja̧danö, bakweminö tjomukwatobetjö̧ ötjökwö kwebachina Titonö wetjinokobe, ötade bajalesado̧ 'wibekwö looböma. Titoma 'wibekwö̧kö̧ griego jojo ö̧jijayonö, jo̧banö wetjinokobe 'wibekwö loo jö̧ba̧löma.

Efesios 1:1

Ötjö, Pablo, böja kwialusöjanö yöbawö chiwȩyuda. Ötjöma Cristo Jesús webawo̧sa, Diosma jejenö omukwatö ösödinobetjö̧. Ökwödönö chiwȩyuda, Éfesonö ju̧kwadönö, Dios ömöledö babibinadönö, Cristo Jesúsnö kwo̧'wo̧duwi wana̧lö ja̧dönö.

Filipenses 1:1

Ötjö Pablobi, Timoteobi Cristo Jesús ömöayedösa, ja̧danö Timoteokwö ja̧nö böja kwialusöja wetaduwakwö, okobe deinö ökwödö Filipos comunidadtjö Dios ömöledö Cristo Jesúskwö dötewadönö, ja̧danö ökwödötjö Jesúsnö ösödadönö te'ada̧lakwawa luwedönöbi, pjaatakwawa luwedönöbi.

Filipenses 4:7

Jejenö akebaduwitjö̧ma, Diosma kwo̧'wo̧ luwo̧duwi ösöwachibanö pjaatakwo̧ chömöledö. Wanedö yötawa: Cristo Jesúskwö dötewanö kwö̧jaduwobetjö̧, Diosma kwomajadeduwibi, kwomukwataduwi̧bi tjöbeba̧lö ite'ada̧lakobe kwo̧'wo̧ tjo̧kekwaduwapji jö̧ba̧lö. Jejenö Dios iyi̧jaye tjo̧'wo̧ luwo̧ ösöwachibi̧ma jojodö wajwitjobe, dakwö jejenö tjo̧'wo̧ luwo̧ ösöwawö̧jö jö̧ba̧lö, Diostjöda ichobetjö̧.