Filipenses 2:27 - Dios Iwene

²⁷ Isabenö kwa̧ja̧kwinaduwadanö ö'wöchinobe chömöledö, ja̧danö ö'wö baibo jö̧a̧linobe, nöinö ö'wöchobetjö̧. Jo̧kwaijayonö Diosma jo̧banö lȩlö̧jinö edö pjaatinobe chömöledö, ja̧danö ötjönöbi lȩlö̧jinö edö Epafroditonö pjaatinobe chömöledö, ö'wö baibitjö̧ ajayinö cho̧'wo̧ tjo̧achi̧tjö bajalekwönönö cho̧'wo̧ tjo̧achapji jö̧ba̧lö.

Filipenses 2:27 ပူးပေါင်းရင်းမြစ်များ

2 Reyes 20:1

Ja̧ möle jenanö, la'aka luwo̧ Ezequiasma jwiinö 'dö̧achinobe, ö'wö baibo jö̧a̧lenanö. Ja̧danö, Dios yöawi̧ yöbawo̧ Isaiasma ichibö yöawinobe, —Baikwö yöawobe Isabenö Jo̧ma ökwönö, –Juluwanö ö'wö bakibakwo̧ja, bi̧ya kwö'wöchi̧tjö kwö̧bibajökakwo̧ja, jo̧kwajabetjö̧ ö'wö bakibaja̧ ikena jawa webö yökawo kwömöledönö, —jö̧ba̧lö yöawinobe Isaiasma.

Diosnö ösödo̧ Job mikwo̧ usula emawina jawa 5:19

—Jau Job, Diosnö kwa̧ja̧kwitjö̧ma, isabenö otiwanö kwö̧ji̧binö pjaatakwo̧ja. Jo̧banö ösödö kwa̧ja̧kwitjö̧ma, okobe jwiinö sulabenö baledi̧tjö̧ kwö̧jibinö pjaatakwo̧ Diosma, baikwö labebö lobö yötawa:

Isaías 27:8

Ökwödönö lȩebinama, baikwö yöta̧la: Döwaisachibo jö̧ba̧lö, ditebotjö labebö jelobe dö̧jobö weinobe, jawo̧ laebobekwötjö ichi̧ jwa̧lȩ'epjo labinö jwa̧lȩ'ewi̧danö, labinö pjuinobedanö ichejekwa, ditebotjö a'dewö loakobetjö̧.

Isaías 38:17

Isabenö jobekwö usula chemawinama, pjaatakwawa jawa baibanö balewö loköbijatö chuluwo̧. Ökwöda chö̧ji̧binö pjakatijatö chuluwo̧, ökwöda chusula lȩbebökönö, okobe jwiinö chusula söbebö loköbijatö chuluwo̧, jo̧kwajabetjö̧ ina 'yaba̧lö jo̧sa.

Isaías 43:2

Jau, wene kwöbaledaduwenama, pjatatakwo̧sa, baikwö wanedö yöta̧la: Ojwiyo da̧kwemi kwöbaledaduwena, ökwödökwö chö̧jakwo̧sa, ja̧danö ojwe da̧kwödö pekibaduwijayonö o̧kibaduwökakwedöja, ötjöda tjöbeba̧lö pjatatobetjö̧. Ja̧danö ökwöla nöinö ubola ö'wejenö kwöbaledaduwijayonö, kwubaduwökakwedöja, ökwöla neawanima suli̧ öwaedökakwawö̧ja.

1 Corintios 10:13

Ja̧danö chömöledö, nöinö baledobe otiwanö ja̧köbaduwojobö sulabenö ja̧köbaduwojobö jö̧ba̧lö. Ja̧danö, jejenö ökwödönö baledi̧ma, ju'wedö jojodönö baledi̧danö baledobe ökwödönöma. Ja̧danö, ökwödönö baledenama, Dios jö̧a̧linadanö ökwödönö pjaatakobe ja̧ baledi̧ma ökwödönö juluwapji jö̧ba̧lö chömöledö. Jau chömöledö, ja̧ jawa baledenama, ju'wibi Diosma ujulu iyobe ökwödönöma, kwo̧'wo̧ 'dibachibö waekwökönö kwöbaledaduwo jö̧ba̧lö.

2 Corintios 2:7

Babe yemidanö jo̧banö kwösödaduwo, sulabenö ja̧ina omukwatökönö, ja̧danö o̧'wo̧ tjo̧achaja̧ ösödachibanö pjakataduwonö, nöinö o̧'wo̧ tjo̧achapji jö̧ba̧lö.

Filipenses 2:26

Jo̧banö wetobö jö̧ta̧la chömöledö, nöinö ökwödönö edobö o̧'wo̧ tjo̧achobetjö̧. Jau chömöledö ökwödöma Epafrodito ö'wöchi̧ wene kwa̧ja̧kwinaduwobe, ja̧danö jejenö kwa̧ja̧kwaduwiökwe, Epafroditoma o̧'wo̧ tjo̧achobe, ja̧danö nöinö ökwödönö edobö ösödobe chömöledö, chömöledöma ötjönö tjo̧'wo̧ tjo̧achena jö̧ba̧lö.

Filipenses 2:28

Jo̧kwajabetjö̧ jo̧banö wetobö nöinö chösödajabe chömöledö, jo̧banö yemidanö kwedaduwenama, kwo̧'wo̧ ösöwachibanö kwö̧jaduwakobetjö̧, ja̧danö ötjö cho̧'wo̧ tjo̧achi̧ seachibakobetjö̧.

Filipenses 2:30

Jau chömöledö, jo̧ba Epafroditoma, Cristo jawa otidobetjö̧, ö'wö baibo jö̧a̧linobe. Jau chömöledö, ökwödö Filipos jojodöma ötjönö pjakataduwobö jö̧ka̧linaduwijayonö, jelobe kwö̧jaduwobetjö̧, jo̧banöda weköbinaduwobe, kwimiduwinö ötjönö pjaato jö̧ba̧lö. Ja̧danö, ja̧ weköbaduwi̧ otidobetjö̧ ö'wö baibo jö̧a̧linobe, jo̧kwajabetjö̧ jo̧banö otiwanö kwomukwataduwonö chömöledö.