Filipenses 2:25 - Dios Iwene

²⁵ Ja̧danö, Timoteonö wetakwa̧ abönö chöjawo̧ Epafroditonö wetobö jo̧be chömöledö, belö Romatjö kwiteboduwibe ȩwa̧jo jö̧ba̧lö. Jo̧ba Epafroditoma bakobe ötjökwö otidajabe chömöledö, ja̧danö ötjökwö bakobe otiwa jawa wene tjöbeba̧lö usula emawajabe. Jau chömöledö, ötjönö pjaato jö̧ba̧lö weköbinaduwökwema, ötjönö pjabatö ö̧jinobe.

Filipenses 2:25 ပူးပေါင်းရင်းမြစ်များ

Proverbios 25:13

Ja̧danö, ju'wibi yötawa: Bakwo̧ luwo̧ma iteda ömöayo̧nö yötawaja̧ yöawobö weobe ju'wedönö. Ja̧danö, weajökwema uluwo̧ yöawaja̧danö otiwanö jweinöda yöawitjö̧ma uluwo̧ma o̧'wo ösöwanö ö̧jobe, yötawaja̧ma otiwanö tja̧ja̧kwajabe, jö̧ba̧lö. Wanedö yötawa: Batjo tju̧junaja̧ ikena ojwiyo o̧bi̧ma niji tju̧junajemi otiwanö tiyuwachi̧danö jo̧ba uluwo̧ma o̧'wo ösöwanö ö̧jobe ömöayo̧ otiwanö yöawobetjö̧.

Juan 13:16

Isabenö yötawa. Ömöayedöma tjuluwo̧nötjö o̧penönö mikwawöködö ¿jö̧tö? Ja̧danö, weinökwema jo̧banö webo̧nötjö o̧penönö mikwawö̧kö̧, ¿jö̧tö?— jejenö yöawinobe Jesúsma, wanedö yöbawö.

Juan 17:18

Ökwöma, ötjönö böjȩkwö weköbinadanö, jobadönö wetobe böjȩnö yöbawö kwetjachobö.

Romanos 16:3

Chömöledö Aquilanöbi, ilekwo Priscanöbi dokwa ateba. Jobadöma ötjökwö otidadö Cristo Jesús weina jawama.

Romanos 16:9

Ja̧danö, Urbano, ötjökwö Cristo jawa otido̧nöbi dokwa ateba, ja̧danö chösödökwe Estaquisnöbi dokwa ateba.

1 Corintios 3:9

Jau chömöledö, ötjöbi, Apolosbi bakobe Dios wei̧ otidö batjo otikwa jojodödanö ichejekwadösa. Ja̧danö, ökwödö Corintio jojodöma Dios öbatjodanö ichejekwadöja chömöledö. Ja̧danö ju'wi wanedö yötawa chömöledö: Ökwödöma Dios ejudanö ichejekwadöja.

2 Corintios 2:13

Jo̧kwaijayonö, döjawo̧ Tito deitjö̧, nöinö cho̧'wo̧ tjo̧achijatö, Titoma daijö, Corintio jojodönö dakwö yöawakwa̧jö jö̧ba̧lö. Jau chömöledö, Titoma kwiteboduwitjö ȩwa̧jo̧, jo̧babi ötjökwö Troasbe ichibakwo̧ jö̧ba̧lö chomukwatijayonö, deinobe. Jo̧kwajabetjö̧ jobetjö labebö, Macedoniabe chi̧'yijatö jo̧banö isakwö, ökwödönö yöawakwa̧ cha̧ja̧kwakobetjö̧.

Filipenses 2:26

Jo̧banö wetobö jö̧ta̧la chömöledö, nöinö ökwödönö edobö o̧'wo̧ tjo̧achobetjö̧. Jau chömöledö ökwödöma Epafrodito ö'wöchi̧ wene kwa̧ja̧kwinaduwobe, ja̧danö jejenö kwa̧ja̧kwaduwiökwe, Epafroditoma o̧'wo̧ tjo̧achobe, ja̧danö nöinö ökwödönö edobö ösödobe chömöledö, chömöledöma ötjönö tjo̧'wo̧ tjo̧achena jö̧ba̧lö.

Filipenses 4:18

Jau chömöledö, otiwanö balada kwiyinaduwobetjö̧, otiwanö chujuna̧lobe. Wanedö yötawa: Su̧'bȩ babibö welachibanö chujuna̧lobe ichejekwa. Epafroditoma ökwödö kwiyaduwaja̧ balada ichejebinobetjö̧, okobe jwiinö chujuna̧lobe babema. Ja̧danö, kwiyinaduwama, Diosnö iyawadanö ichejekwinobe chömöledö. Wanedö yötawa: Söinö 'dö̧ekwi̧ iyawadanö ichejekwinobe, ja̧danö ja̧ 'dö̧batö ösödinobe Diosma chömöledö.

Filipenses 4:3

Ja̧danö, ökwönö weta chömöledöso̧, ökwöma otiwanö ötjökwö otido̧ja, jo̧kwajabetjö̧ jobadö ötjönö pjabatinadönö ya̧dönö pjakato, bakwainö omukwatö tjö̧jo jö̧ba̧lö. Jau chömöledöso̧, jobadö ya̧döma ötjökwöbi, Clemente mikwo̧kwöbi, ju'wedö ötjökwö otiwa jawa wene yöbawö otidinadökwöbi tjotidinobe. Ja̧danö, jobadö ötjökwö otidinadönö baikwö yötawa: Dios ujuna̧la'ye, ja̧kwawa juna̧ladö tjimibiya wȩyukwa'yenö Diosma jobadö tjimibiyabi wȩyudö ödinobe, Bidöma ja̧kwawa juna̧ladö, jö̧ba̧lö.

Colosenses 4:11

Ja̧danö, Jesús mikwo̧, ju'wi imi Justo mikwo̧ma ökwödönö deawobedanö dokwa jö̧ba̧lö aebobe. Jobadöda judío jojodötjö ötjökwö otidadöma, Dios La'aka Luwo̧ Ö̧jobe jawa, ja̧danö jobadöma chujuluwachibanö pjatjatajabe chömöledö.

1 Tesalonicenses 3:2

Timoteonö wedijatö ökwödönö edö i̧'yobö. Jo̧ba Timoteoma do̧'wo̧ luwo̧nö döjawo̧, ja̧danö Dioskwö otidö Cristo jawa otiwa jawa wene yöbawö jo̧ jo̧bama. Jo̧banö wedijatö kwo̧'wo̧ luwo̧duwi kwujuluwachibaduwanö tupakwö pjaatobö, ja̧danö Jesúsnö ösödö kwö̧jaduwi̧ pjaatobö,

Filemón 1:24

Ja̧danö, ötjökwö otidadö Marcos mikwo̧bi, Aristarco mikwo̧bi, Demas mikwo̧bi, Lucas mikwo̧bi detjawobedanö dokwa atjebobe ökwödönö.

Hebreos 3:1

Isabenö, Jesúsma jwaikwöda i̧'yinobe Dios wei̧ a̧ja̧kwö. Jo̧kwaobetjö̧ chö̧ja̧wo̧dö, ökwödönö, Dios mölejȩbe kwö̧jaduwobö 'da̧batö ujuninawö̧nöma yötawaduwakwö. Dios Itji̧ Jesúsnö omukwata̧lö kwö̧jaduwo. Omukwataduwi. Jo̧ba Jesús yödawökweda, Bitema dö̧jibinö pjabato̧, jö̧ba̧lö. Chömöledö, Jesús, Dios yöawi̧ yöawobö weinökwema Diostjö jojodötjö ö'weje la'aka pjabato̧ baibanö jo̧. Jo̧banö omukwata̧lö kwö̧jaduwo chömöledö.