Filipenses 2:20 - Dios Iwene

²⁰ Jo̧ba Timoteonöda wetobö jo̧be chömöledö, jelo̧ jo̧bajayo̧ wetakwo̧ deobetjö̧. Jau chömöledö, jo̧ba Timoteoda ötjödanö omukwato̧ma, ja̧danö ökwödönö chösödi̧danö jo̧babi ökwödönö ösödobe.

Filipenses 2:20 ပူးပေါင်းရင်းမြစ်များ

Proverbios 31:29

Ja̧danö, jilekwema jobujunö yöa̧lobe: —Chilekwo, isabenö ju'wedö ya̧döma jwiinö otiwanö omukwatö, waisanö otidö tju̧ju̧kwijayonö ökwöma jobadö otiwanö tjö̧ji̧tjö̧ o̧pekwönönö otiwanö omukwatö, waisanö otidö kwö̧jobe— jobekwö yöa̧lobe jobuju jilekwema jobujunöma. Jobekwö yöjawinobe Lemuel ojo'doma jo̧banöma. Ja̧danö, ju'wibi yöjawinobe:

Juan 10:13

Ja̧danö, o̧bȩja̧dönö ite'ada̧lobö midö weökwema jo̧ba a̧jwi̧mutjokobetjö̧ o̧'wo̧ tjo̧bö̧kö̧ jobadönöma. Jo̧kwaobetjö̧ tebo awili ichenama le'dedibö döbibajo̧, te'ada̧lökönö—yöawinobe—.

Juan 12:6

Jejenö jö̧a̧lijayonö Judasma usulasedönö pjaatoböma omukwatinokobe. Itedada emobö omukwatinobe, naukwabo̧obetjö̧. Jo̧bama ömöledö tju̧kwa balada te'ada̧lö jo̧obetjö̧, itedada ösödena baladama emiainobe, balada anawapjotjö.

Romanos 15:5

Chömöledö, Diosda ökwödönö dujuluwachibanö dö̧jobö pjabato̧ma, Diosda me'dawachibökönö dö̧jobö pjabato̧ma chömöledö. Ja̧danö, jo̧banö ateba ökwödönö chömöledö, ökwödö bakwainö kwomukwataduwobö pjaato jö̧ba̧lö, Cristo Jesús omukwati̧danö kwomukwataduwobö pjaato jö̧ba̧lö.

1 Corintios 16:10

Chömöledö, Timoteoma kwiteboduwibe ichibena, ja̧danö jobe ichibitjö̧ma, dösölö̧jinö kwösödaduwonö, yebabökönö ökwödökwö ö̧jo jö̧ba̧lö. Jau chömöledö, ötjö otidö chö̧ji̧danö, jo̧babi Duluwo̧ wei̧ otidö ö̧jobetjö̧, dösölö̧jinö kwösödaduwonö.

Filipenses 2:2

Jejenö jo̧be chömöledö, jo̧kwajabetjö̧ cho̧'wo̧ ösöwachibanö pjabataduwi chömöledö. Jau chömöledö, ökwödöma bakwainö omukwatö, ja̧danö bakwainö ösödabikwawö ja̧nö, ja̧danö kwo̧'wo̧ luwo̧duwitjö bakobe bakwöta jawada omukwatö kwö̧jaduwitjö̧ma, cho̧'wo̧ ösöwachibakobe.

Filipenses 2:22

jo̧kwaijayonö Timoteonö kwöwaisaduwökwe, bakwo̧ iteda abe'dokwö otidaji̧danö, Timoteoma bakobe ötjökwö otiwa jawa wene otidajibo̧ jö̧ba̧lö.

Colosenses 4:11

Ja̧danö, Jesús mikwo̧, ju'wi imi Justo mikwo̧ma ökwödönö deawobedanö dokwa jö̧ba̧lö aebobe. Jobadöda judío jojodötjö ötjökwö otidadöma, Dios La'aka Luwo̧ Ö̧jobe jawa, ja̧danö jobadöma chujuluwachibanö pjatjatajabe chömöledö.

1 Timoteo 1:2

Ja̧danö, böja kwialusöja chiwȩyuda ökwönö Timoteo. Ökwöma ötjöda chitji̧danöbo̧ja bakobe Jesúsnö ösödö dö̧jobetjö̧. Dabe'do Diosnöbi, Duluwo̧ Cristo Jesúsnöbi ateba, mikwa jwiinö otiwa jawa iyö ökwönö pjatjatobö, ja̧danö lȩlö̧jinö edö ökwönö pjatjatobö, ja̧danö kwo̧'wo̧ luwo̧nö wene jwiinö kwö̧jobö pjatjatobö.

1 Timoteo 4:6

Jau Timoteo, biya̧ ökwönö yöbawö chiwȩyudaja̧ma dömöledönö Jesúsnö ösödadönö yökawitjö̧ma otiwena, kwuluwo̧ Cristo Jesús ömöayo̧ otiwo̧ kwö̧jena. Ja̧danö, kwo̧'wo̧ luwo̧nö kwöda̧peacho jö̧ba̧lö, kabatökönö waisachö kwö̧jo, isabenö wene, otiwa jawa Jesús jawa wene, a̧ja̧kwö kwösödina wenema.

2 Timoteo 1:5

Timoteo, ökwönö omukwatö isabenö Dios yöawi̧ kwösödi̧ wene chomukwatiba. Jau, ajayinöma ökwö kwa'do̧ Loida mikwujuma, isabenö Dios yöawi̧ ösöduju jö̧jinobe, ja̧danö kwojo'do Eunicebi isabenö Dios yöawi̧ ösöduju jö̧jinobe. Ja̧danö chedemi ökwöbi jobadö tjösödi̧danö isabenö ösödo̧ja Timoteo.

2 Timoteo 3:10

Timoteo, ökwöma lekwe möle yötawi̧ kwa̧ja̧kwajabe, ja̧danö ja̧bö chö̧ji̧ kwedajabe, ja̧danö jwaikwöda chisakwi̧ kwedajabe, ja̧danö Dios yöawi̧ chösödi̧ kwedajabe, ja̧danö cho̧'wo̧ 'dibachibö chöbaledi̧ kwedajabe, ja̧danö ösödabikwawö chö̧ji̧ kwedajabe, ja̧danö me'dawachibökönö chö̧ji̧ kwedajabe.

1 Samuel 18:1

Jejenö Saulkwö yöa̧lakwawinobe Davidma, ja̧danö Saulma Davidnö 'da̧batö ujuninobe, iteda yö̧ne ömöayo̧ baibanö. Ja̧danö, ja̧ möle tupakwö, Saul weinokobe Davidnö, itebobe Belenbe ȩwa̧joböma. Ajayinö ȩwa̧jibö öji̧najayonö, ja̧ mölȩ tupakwö Saul ejutjöda yö̧ne ömöayo̧ ö̧jobö ösödinobe Saulma. Ja̧danö ju'wibi baledinobe ja̧ mölema. David Saulkwö yöa̧lakwawenama, Saul itji̧ Jonatanbi jobe ö̧jinobe, ja̧danö Davidnö öwaisachibenama, jwiinö Davidnö ösödinobe Jonatanma: —Isabenö bitema yö̧ne chömöledöso̧danöbo̧, —jö̧ba̧lö. Isabenö otiwanö ösödinobe Davidnö, iteda ösödakwawi̧danö.

1 Samuel 18:3

Ja̧danö, Jonatanma Davidkwö isabenö otiwanö ösödabikwawö tjö̧jakwa̧ wene yöbawö tjujuninobe, —Ba̧kwelöjatebö, yö̧ne dömöledö ja̧nö ösödabikwawö dö̧jakwedösa, —jö̧ba̧lö.