Filipenses 1:22 - Dios Iwene

²² Ina böjȩnö chö̧jitjö̧ma, ina yadakwö otiwanö chotidakobe chömöledö, jo̧kwaijayonö ja̧kwawatjöbi, woawatjöbi diya̧tjö chomudawakwajö jö̧ba̧löma wajwita chömöledö, dötölataja jawa chomukwatobetjö̧.

Filipenses 1:22 ပူးပေါင်းရင်းမြစ်များ

Génesis 21:26

Jejenö yöa̧lökwe: —Wajwita tidöda jejenö sulabenö 'döbebinadöma. Ötjöma ja̧ baledinama babeda cha̧ja̧kwa. Ja̧ baledenama yökawinokobe— atadijetö Abimelecma.

Génesis 39:8

Jejenö jö̧ja̧lijayonö Joséma jö̧ba̧lijetö: —Chichökö, sula. Ökwöma chuluwo̧ ilekwoja. Ja̧danö, chuluwo̧ itea weibinökwesa ötjöma. Jo̧bama omukwatökönö ötjönö webö ujunijatö chite'ada̧lobö okobe jwiinö jo̧ba iteama.

Éxodo 32:1

Moisésma mö'ösa'onö lekwe yutubajökönö ö̧jiawö̧ Israel jojodöma Aarón ö̧jobekwö 'ya̧wibö abebijadötö: —Moisés, ökwödönö Egiptotjö labebö öbibajinama dea. Taji waekwinajö wajwida. Jo̧kwaobetjö̧ do̧'wo̧ jawa juluwanö kwotido dökömanö öbibö 'yo̧nö— abebijadötö Israel jojodöma Aarónnö.

Hechos 3:17

Ina yöbawijetö: —Ja̧danö chömöledö, chöwaisa. Ökwödöbi kwuluwo̧duwibi Jesúsnö wajwibö sulabenö weköbaduwijatö Jesúsnö bȩtjobö.

Romanos 1:13

Kwöwaisachibaduwobö yötawaduwakwö chömöledö, lekwe möleda jobe chichoböma chomukwa̧lajabe, ökwödönö edö Romanö ju̧kwadönöma. Ökwödönöbi pjatatobö jö̧ta̧la Jesúsnö kwösödaduwobö, ju'wedö judío jojodöböködönö pjatatinadanö. Ökwödönö pjatatotö jö̧ba̧lö jobe chi̧'yo jö̧ta̧lemi waekwobe ichejekwa chömöledö. Diosma ina weökö ökwödönö jobe Romanö ju̧kwadönö edö chichoböma chömöledö.

Romanos 11:2

Diosma iteda ömöledönöma kaatibinokobe, damötjö 'da̧batö ujuninawö̧nöma. ¿Ina Elías ö̧jina wene kwomukwataduwiji̧, Elías Diosnö yöawina wenema? Baikwö laebobe Dios iwene, Elías Diosnö yöawinama:

2 Corintios 10:3

Chömöledö, isabenö böjȩ jojodösa ökwödöma, jo̧kwaijayonö ökwödö ölakwabikwawö dö̧ji̧ma, böjȩ jawa demotö jö̧ba̧löma ölakwabikwawöma jö̧ködösa.

Gálatas 2:20

Jau chömöledö, Cristokwö bakobe towisa'onö la̧nö wotinajayonö, 'yaba̧lo̧ chö̧jobe. Jo̧kwaijayonö, babe chö̧ji̧ma, ötjöma ida̧ökö wotinobetjö̧ babe chö̧ji̧ma ötjö chö̧ji̧maökö chömöledö, Cristo ö̧ji̧da. Ja̧danö, babe chiteba'onö chö̧ji̧ma, Dios itji̧nö ösödö, ötjönö ile nibebö midawö wobinanö ösödö chö̧jobe.

Filipenses 1:23

Dötölataja jawa chomukwatobetjö̧, chomukwati̧ biya̧ chömöledö, baikwö yötawa: Inesö chösödi̧ma ö'wö babibö, mölejȩbe Cristokwö chö̧jobö chömöledö, ja̧da inesö otiwi̧ma.

Filipenses 1:24

Jo̧kwaijayonö ökwödönö tupakwö pjatato jö̧ba̧lö, ina böjȩnö chö̧jobö otiwena jö̧ba̧lö chomukwatobe.

Colosenses 2:1

Yötawaduwakwö chömöledö, ökwödö Colose jojodöbi, Laodiceanö ju̧kwadö Jesúsnö ösödadöbi, ja̧danö ju'wedöbi ötjönö wajwiköbaduwobe edöma, jo̧kwaijayonö ina ökwödönö chedököjayonö, isabenö nöinö chotidobe, ökwödönö pjabatö.

1 Pedro 4:2

tupakwö diteba'onö dö̧jakwa̧ma jojodö ösödö ja̧tji̧danö ja̧bökönö, Diosda ösödi̧danö ja̧bö dö̧jakobetjö̧.