Éxodo 9:25 - Dios Iwene

²⁵ Okobe jwiinö Egiptonö tjoduwijetö inawi̧ya̧ tiyuwi̧ ö̧wi̧ya̧ma. Mejebe ju̧kwadönöma jojodönöbi tja̧jwi̧mu̧nöbi labinö tjoduwijetö. Ja̧danö, okobe jwiinö mejenö pokwi̧nö tjoduwijetö woawinö, ja̧danö towibiyabi solachakwawinö labinö tjoduwijetö.

Éxodo 9:25 ပူးပေါင်းရင်းမြစ်များ

Éxodo 9:19

Jo̧kwaobetjö̧ faraón, okobe deinö jojodönö weköbo tja̧jwi̧mu̧nö öbibö tetjatobö o̧do okwa, ja̧danö okobe jwiinö apetube tjujunina jawa tjiteabi tetjatobö. Tiyuwi̧ ö̧wi̧ya̧ma tjoduwena okobe deinö tja̧jwi̧mu̧nö apetube ju̧kwadönö wotjinö, ja̧danö okobe jwiinö apetube tjujunina jawa söbebö loinö labinö tjoduwakobe. Jejenö yökawo faraónnö, Moisés— Jejenö webijetö Isabenö Jo̧ma Moisésnöma. Jejenö weökwe yöbawijetö, Isabenö Jo̧ weaja̧danö.

Éxodo 9:24

Inawi̧ya̧ tiyuwi̧ ö̧wi̧ya̧ labinö tjoduwonö böbabi kwabawijetö, ja̧danö böbama nei̧bi kwabawijetö, kabatökönö. La'akatjöda baledaijö̧kö̧ jejenö tjoduwi̧ma Egipto nijinö ajayinö tjö̧jinemitjö̧ babe baibanö.

Éxodo 9:6

Ja̧danö ju'wi dewachö Isabenö Jo̧ weo jö̧a̧laja̧danö baledijetö. Egipto jojodö tja̧jwi̧mu̧ma ba̧jȩkwadö wobawijadötö. Jo̧kwaijayonö Israel jojodö tja̧jwi̧mu̧tjö̧ bakwo̧bi wobijökötö.

Josué 10:11

Ja̧danö ju'wibi baledinobe. Israel jojodö tjöba a'otjö dötjibajonö, Bet-horonbe 'ya̧kwawamabenö mösa'otjö yutjutjajonö, Isabenö Jo̧ma mölejebetjö tiyuwaso inawiyadanö pjei̧ öwiyanö ikwawö loinobe jobadönö, ja̧tjö ba̧jekwadö debö tji̧'yenanö. Isabenö ba̧jekwadö amorreo jojodöma Isabenö Jo̧ ikwaja̧tjö debö tji̧'yinobe ja̧ möle, israel jojodö kwabö lotjajawö̧tjö bajalekwönönö ba̧jȩkwadö pjei̧ öwiyatjö debö tji̧'yinobe.