Éxodo 35:23 - Dios Iwene

²³ Ja̧danö, dölawa oyubiya ö̧'dö̧wi̧, ö̧'dö̧yuwi̧, duwi̧ oyubiama juna̧ladöma e'ewö 'yi̧jadötö ja̧ oyubiya iyö. Ja̧danö, jwiinö otiwi̧ jawa oyubiya lino mikwi̧tjö̧ dölawa oyu juna̧ladöbi e'ewö 'yi̧jadötö ja̧ oyubiya iyö. Ja̧danö, i̧sȩdi̧ju̧ juna̧ladöbi e'ewö 'yi̧jadötö ja̧ i̧sȩdi̧ju̧ iyö, o̧bȩja̧dö ömadö tji̧sȩdi̧ju̧ duwi̧ o̧di̧ju baibanö tjubu̧datina jawa i̧sȩdi̧ju̧ma. Ja̧danö, jwai̧ balawa okwanö kwöba̧lö lö̧jadö tji̧sȩdi̧ju̧ juna̧ladöbi e'ewö 'yi̧jadötö ja̧ i̧sȩdi̧ju̧ma iyö.

Éxodo 35:23 ပူးပေါင်းရင်းမြစ်များ

1 Crónicas 29:8

Ju'wibi, inawiya nöinö mikwawawa juna̧ladöma, tjiteatjö Isabenö Jo̧ eju lödawȩko̧ teada̧lakwawa luwo̧ Jehielnö tjiyinobe, ja̧tjö Isabenö Jo̧ eju Salomon otiwanö otidakobetjö̧.

Éxodo 35:22

Ja̧danö, okobe deinö ömadötjö, ya̧dötjö, tjomajadenö tjösödinö meajawö̧ma, Isabenö Jo̧nö diyobö dösöda, jö̧ba̧lö, omukwatadöma idöda orotjö otikwa jawa, sasiyu, lawosopja, kamijidonö yutebö tjönawa o̧ko̧bi̧ya, tjötjö'asa̧ko̧bi, ju'wi jawabi ju'wi jawabi orotjö otikwa jawa e'ewijadötö Isabenö Jo̧nö iyö.

Éxodo 35:24

Ja̧danö, plata, bronce juna̧ladö ja̧ma e'ewijadötö Isabenö Jo̧nö kabebö iyö. Ja̧danö, ju'wedöma acacia towisötebiya juna̧ladöma ja̧ ötebiya iyö e'ewijadötö, Isabenö Jo̧ ejubi, eju okwa junawa jawabi tjotidakwa̧ma.

Éxodo 39:1

Bezaleel, Aholiab, ju'wedö 'dö̧bijadötö jwiinö otiwi̧ jawa 'duawakwa̧, Diostjö jojodötjö tjö'da̧denö la'aka pjabato̧ 'duawakwa̧ o̧di̧ju̧ma. Ja̧ o̧di̧ju̧ma Isabenö Jo̧ eju okwa teachakwo̧ 'dubawö o̧di̧ju̧, Isabenö Jo̧ weina otidö. Ja̧ 'duawakwa̧di̧ju̧ma i̧sa̧do̧tjö 'dö̧bijadötö, ö̧'dö̧wi̧ opjiyakwö, duwayuwi̧ o̧pjiyakwö, duwi̧ opjiyakwö luledö tjiti̧laja̧di̧ju̧tjö. Ja̧danö, Aarón 'duawakwa̧di̧ju̧ma Isabenö Jo̧ Moisésnö 'dö̧tjobö weinadanö 'dö̧bijadötö.