Éxodo 34:28 - Dios Iwene

²⁸ Ja̧danö, Moisésma jobe mö'ösa'o wa̧pekwa'o ji̧jetö Isabenö Jo̧kwö cuarenta mölȩ, cuarenta yö̧te baledibanö. Jo̧be ja̧nö kwanöbi kwijökötö, ja̧danö, owöbi owijökötö. Ja̧danö, inabiyanö 'dȩbö wȩyudijetö Isabenö Jo̧ wei̧ma, iteda yöbawö junö iwene, dötölataja weawa jawama.

Éxodo 34:28 ပူးပေါင်းရင်းမြစ်များ

1 Reyes 19:8

Weökwe, a̧la̧ibö ukwinobe, ja̧danö owinobe. Kwajo̧, ujuluwachibinobe, ja̧danö ja̧ ukwaja̧ jwiinö ujuluwachibanö pjaatobetjö̧, ja̧da kwajo̧ cuarenta mölebi, cuarenta yötebi baledibanö kweachinobe, Sinai mösa'o, Dios itea'o mösa'o ötjaba'obe ichibenanö kabatö.

Éxodo 24:18

Jwöökwe ja'wo ojwiyo'wo okwa tebachibijetö Moisésma, mö'ösa'o wa̧pekwa'o la̧'wo okwa. Jobema cuarenta möle, cuarenta yö̧te ji̧jetö Moisésma.

Éxodo 31:18

Ikenama yöbawö kabatibö Isabenö Jo̧ma Moisésnö iyijetö inabiya döbölataja jawa öbiya, iteda wei̧ wȩyukwa öbiyama. Ja̧danö, Isabenö Jo̧ma, iteda ujulunö wȩyudijetö ja̧biyanö.

Éxodo 32:16

Ja̧ öbiyama Diosda 'dobö otidinabiya, ja̧danö Diosda wȩyudijetö iteda wei̧ma ja̧ öbiyanö.

Éxodo 34:1

Isabenö Jo̧ma Moisésnö webijetö: —Moisés, inabiya döbölatajanö nöawatjö 'do'dobö kwotido, ajayinö chotidinawadanö, ökwö nijakwö ikwö 'daköbina jawa öbiyadanöma. Kwotidaja̧ ikenama ötjönö kwiyo, ja öbiyanö 'dȩbö chiwȩyudocha, ajayinö chiwȩyudinadanö.

Éxodo 34:10

Ikenama Isabenö Jo̧ma yöba̧lijetö Moisésnö: —Moisés ¡a̧ja̧kwitjö! Israel jojodönö yemidanö ötjöda chiwene yöbawö chujuna. Ja̧danö, jobadö okobe deinö tjeda̧lonö chujuluma chi̧sebocha böjȩ okobe jwiinö ediatjinökö jawa, ja̧danö, okobe deinö bakwasokwena jojodöma ediatjinökö jawa. Ja̧danö, okobe deinö jojodö, ökwökwö ju̧kwadöma tjedakobe ötjö, Isabenö Jo̧ chujulu chi̧sebi̧ma. Okobe deinö jojodö, kwömöledöbi ju'wedöbi tjedakobe ötjö Isabenö Jo̧ chujulu chi̧sebi̧ma. Isabenö ökwödö Israel jojodönö pjabatö juluwi̧ jawa chi̧sebakwo̧sa— yöba̧lijetö Isabenö Jo̧ma Moisésnöma.

Mateo 4:2

Jobe ja̧nö, cuarenta mölebi, yö̧tebi ö̧tö̧chö kwakwawa kwökönö ö̧jinobe Jesúsma, ja̧danö jejenö ö̧tö̧chö ö̧jobetjö̧ jwiinö a̧wi̧chi̧lö̧jinobe Jesúsnö.

Lucas 4:2

Ja̧danö, jobe cuarenta möle baledibanö Awetjama Jesúsnö edö ja̧inobe, Jesús sulabenö ja̧ojobö otiwanö ja̧ojobö jö̧ba̧lö. Jobe ja̧nö cuarenta möle baledibanö Jesúsma ja'yubebi kwakwawa ukwinokobe, ja̧danö cuarenta möle kwökönö baledajo̧, jwiinö a̧wi̧chi̧ lö̧jinobe Jesúsnö.

2 Corintios 3:7

Jau chömöledö, ja̧ Dios yöbawö ujunina wene 'yayi̧ wenema, ja̧kwawa iyobetjö̧ isabenö Moisés iwȩyudinatjö bajalekwönönö otiwobe. Baikwö labebö lobö yötawa: Kwöwaisaduwa chömöledö, damötjö Diosma inabiya iteda wei̧ wȩyukwaba Moisésnö iyinobe, ¿jö̧tö? Ja̧danö, ja̧ wȩyukwaba iyinenama, Dios ujulu salöinö dejatinö i̧sebinobe Diosma, ¿jö̧tö? Ja̧danö, wȩyukwaba inabiya iyenama, Diosma iteda ujulu salöinö dejatinö i̧sebinobetjö̧, inabiya iyajökwe Moisés öbama salöinö dejatinobe, Israel jojodö Moisés öba tjedökenanö, yelösöda nöinö salöiawö̧, ¿jö̧tö? Jau chömöledö, ja̧ salöi̧ tjo̧'omanö dejatökönö tiibinajayonö, Moisés öba tjeda̧loböma jwiinobe, yelösöda salöiawö̧. Chömöledö, ja̧ Dios wei̧ma ja̧kwawama iyinokobe, laebi̧danö ja̧bö tjö̧jokobetjö̧ woawa weneda laebobe, ¿jö̧tö? Isabenö ja̧ wene mikwawinobe chömöledö, Diosda iyinobetjö̧, ja̧danö mikwawobetjö̧, Dios ujulu salöinö dejatinobe. Jo̧kwaijayonö ja̧tjö bajalekwönönö mikwawobe 'yayi̧ wenema chömöledö.

Deuteronomio 10:10

Tupakwö yöawinobe Moisesma, israel jojodönö: —Ja̧danö chömöledö, ja̧ möle mösa'onö yemidanö chö̧jenama, ajayinö chö̧jenadanö yemidanö cuarenta mölebi, yötebi jobe Isabenö Jo̧kwö chö̧jijatö. Ja̧danö, jobe ja̧nö, yemidanö Isabenö Jo̧nö atebijatö, ökwödönö lȩlöinö edobö, ja̧danö yemidanö atebi̧ a̧ja̧kwinobe Isabenö Jo̧ma, –Israel jojodönö söbebö lotökakwo̧sa, –jö̧ba̧lö.

Deuteronomio 10:5

Ja̧danö, jejenö iyitjö̧, jalachibö mösa'obetjö yutuchajijatö, ja̧danö yutubajo̧, isapjo chotidinapjo okwa chanijatö, Isabenö Jo̧ ötjönö weinadanö, ja̧danö ina ja̧pjo okwa a̧jo̧be, babebi, —jö̧ba̧lö yöawinobe Moisesma, israel jojodönö.

Deuteronomio 4:13

Jejenö ökwödönö yöawenama, iteda ökwödönö wei̧ jawa yöawinobe: Bi̧ya weti̧ a̧ja̧kwö kwö̧jaduwitjö̧ma, isabenö ökwödönö pjatatakwo̧sa jö̧ba̧lö. Jau chömöledö, ja̧ möle iteda wei̧ domulataja jawa weawama ökwödönö yöawinobe, ja̧danö ju'wibi inaba döbalatajanö i̧wȩyudinobe.

Deuteronomio 9:18

—Jemi ikenama ajayinö Isabenö Jo̧ öba a'o chöbamatinadanö, yemidanö chöba nijakwö Isabenö Jo̧ öba a'o bamatö chö̧bijatö. Kwakwawa kwökönö, ja̧danö ojwiyo owökönö, jobe cuarenta mölebi, cuarenta yö̧tebi chö̧bijatö, Diosnö abeba̧lö. Jau chömöledö, ökwödöma isabenö nöinö sulabenö ja̧köbinaduwobe. Isabenö Jo̧ inesö öpöjödi̧ jawa sulabenö ja̧bö, ökwödönö ödameakwobö ja̧köbinaduwobe, ja̧danö jejenö ja̧köbinaduwi̧tjö̧,

Deuteronomio 9:25

—Jau chömöledö, sulabenö ja̧köbaduwiökwe, Isabenö Jo̧ ökwödönö söbebö loobö jö̧a̧linobe, jo̧kwajabetjö̧ cuarenta mölebi yö̧tebi jo̧ba öba a'o ba̧nö ateba̧lijatö ökwödönö. Ja̧ ateba̧lina jawa baikwö yötawaduwakwö chömöledö:

Deuteronomio 9:9

Jau chömöledö, jobe Sinai mösa'otjö Isabenö Jo̧ma ökwödönö weinobe domulataja jawa ja̧bö kwö̧jaduwobö wei̧ma, ja̧danö webajo̧, inaba döbalatajanö i̧wȩyudinobe, jö̧tö? Ja̧danö ötjöma mösa'o chönöchijatö, Dios iyakwa̧ wȩyukwaba chemobö, ja̧danö nöchajo̧, jobe mösa'onö Dioskwö chö̧jijatö, cuarenta möle baledibanö kwakwawabi kwökönö, ojwiyobi owökönö, jobe mösa'onö Dioskwö chö̧jijatö, jö̧tö?