Éxodo 30:17 - Dios Iwene

¹⁷ Ina webijetö Isabenö Jo̧ma Moisésnö:

Éxodo 30:17 ပူးပေါင်းရင်းမြစ်များ

1 Reyes 7:23

Ja̧danö ju'wibi otidinobe Hiramma. Bronce tubinö tobebö, isobu baibanö tobebajo̧, jwiinö jalapa̧ otidinobe, ja̧danö otidaja̧pa̧ma, Jwaibalawa, jö̧ba̧lö tjimidinobe. Ja̧ nöa̧pa̧ma, ö̧sȩko̧inö otidinobe, ösö'bötjö jakwölakwösö'böbe cuatro metro ja'ö ja̧la̧pa̧, ja̧danö möakwö dos metro ja'ö möa̧pa̧, ja̧danö söpödöma trece metro ja'ö ödöa̧pa̧ nöa̧pa̧ otidinobe.

1 Reyes 7:38

Ja̧danö, dȩja̧piya wanawaökiya otidajo̧, ju'wibi domulataja jawa ö̧piya otidinobe, bakwakakwena bakwa̧pa̧. Bakwapa̧kwena, jakwölakwö un metro ochenta jenanö ja̧linobe, jadanö su̧'menö okwenama, ochocientos ochenta litro okwapa̧ ji̧nobe.

Éxodo 30:16

Jobadö tjiyi̧ma idöda, Israel jojodö sulabenö ja̧tji̧ imidakobe, ötjökwö wene jwiinö tjö̧jobö. Ikenama, jobadö tjiyi̧ emö kwiyo ötjötjö jojodötjö dö'da̧denö pjabatadönö, ötjö cheju otikwabi, ja̧danö cheju te'ada̧lakwawa jawabi tjimidakobetjö̧. Ja̧danö, Israel jojodöma jejenö tjiyobetjö̧ ba̧kwȩlö̧jatebö tjomukwatakobe ötjö chöbajale a'onö, Isabenö Jo̧kwö wene jwiinö dö̧ja, jö̧ba̧lö.

Éxodo 30:18

—Dichawa'do broncetjö otikwa'do tjotidobö weköbo. Ja̧danö, la'aka pjaeba̧la'o isa'obi broncetjö tjotido. Ja'doma cheju a̧petunö tjujuno, cheju teachakwawawemitjö̧ juwö iyawapjotjö 'da̧denö. Ja̧danö, ja'donö ojwiyo totjebo.

Éxodo 38:1

Ja̧danö, Bezaleelma Isabenö Jo̧nö iyawawö̧nö juwö iyawapjo otidijetö acacia towi ötebi̧ya̧tjö. Japjoma wayobekwöbi jakwölakwöbi bakwainö dos metros y veinticinco centímetros, ja̧danö, möakwöchobema un metro y veinticinco centímetros.

Éxodo 38:8

Ja̧danö, ya̧dötjö ju'wedö, Isabenö Jo̧ eju teachakwawemi ja̧nö pjabatadöma iyijadötö idöda tjitea tjöba ediakwawöte, broncetjö otikwötema. Ja̧ broncetjö otidijetö Bezaleelma dichawa'do, ja̧danö, ja'do la'aka pjaeba̧la'o isa'obi.