Éxodo 25:20 - Dios Iwene

²⁰ Jobadöma idödada badekwakwanö tjö̧jinö, ja̧danö muchekwapikwö eda̧lö tjujukwinö tjotido. Ja̧danö, tjo̧wa̧ja̧piya kabeba̧lö ja̧nö muchekwapi̧ tjöbeba̧lö tjujukwinö tjotido.

Éxodo 25:20 ပူးပေါင်းရင်းမြစ်များ

Génesis 28:12

Jejenö abemi okwanö i̧'wi̧di̧nö edijetö Jacobma baikwö: Nöchawaka böjȩtjö̧ mölejebe dötewinö jo̧bekwö edijetö. Ja̧kanö Dios weajawö̧ ángelesdöma nöchöbi tjö̧nöchobekwö edijetö. Ja̧danö, yutubajöbi yututjajobekwö edijetö ja̧kanö.

1 Reyes 6:23

Ja̧danö, okwasȩko̧ okwa, olivo towi ötebiyatjö du̧ju̧taja angeledö querubines ötjabawö tjo'wo jawa otidinobe. Bakwo̧nökwena, cuatro metro ja'ö möbadönö batjibanö otidinobe.

1 Reyes 6:27

Querubines o̧'wo jawa otidajo̧, Dios ejutjö inesö okwasȩko̧ okwa ujuninobe, baikwö: Jȩko̧ma, jakwölakwö nueve metro jali̧nobe, ja̧danö o̧'wo jawama, bakwo̧nökwena cuatro metro ja'ö jakwölakwö jalinobe. Jo̧kwajabetjö bakwo̧ öwaja̧pa̧ debatö tjöekwemi junekwinö ji̧nobe, ja̧danö badeibö jelo̧ öwa̧ja̧pa̧ debatö bakwachobe tjöekwemi junekwinö ö̧jinobe, ja̧danö i̧sȩko̧ ja'ö, bakwo̧ öwa̧ja̧pa jelo̧ öwa̧ja̧pa debatö töa̧linö tjö̧jinobe.

1 Reyes 8:7

Ja̧danö, jejenö tjujunobema, jobadö querubines ötjabawö̧ tjö̧wa̧jaöpiyama, Dios iteapjobi, iteapjo e'ewakwawö̧'a ö̧sö̧'abi tjumuchebinobe ichejekwa.

1 Crónicas 28:18

Ja̧danö Dios öba a'otjö omewi̧ jawa juwawöte orotjö otikwöte otidakwa̧bi yöawinobe, dokwa nöinö orotjö otidakwojobö jö̧ba̧lö. Ja̧danö bajaleapo, Dios iteapjo wame tjö̧jakwedö, tjö̧wa̧ja̧piya debatadö querubines ötjabawö tjo̧'wo jawa otidakwa̧ wȩyukwa'ye iyinobe Salomonnö.

Éxodo 25:18

Ja̧danö, orotjö 'dobö jalinö sedatö tjotido du̧ju̧tajanö mu̧yȩka̧dönö, tjo̧wa̧ja̧pa̧ lö̧jinö ju̧kwadönö, querubines mikwadönö. Jobadönö tjujuno isapjo muchekwapi wamenö, Dios jojodö tjusuli̧ tjumuchebemi wanekwachapi wamenö. Ja̧pi wamenö wajwitjobekwö bakwo̧nö tjöwaisobekwö bakwo̧nö mu̧yȩka̧dö querubines mikwadönö tjujuno.

Éxodo 25:19

Ja̧danö, jobadö tjujunawö̧ma muchekwapinö dötewanö tjujuno.

Mateo 24:31

Ja̧danö asabikwawa jawa trompeta labinö ökwöakobe, ja̧danö chömöayedö ángelesdönö wetocha, böjȩ bakwameachibanö 'ya̧nö, omudawö chujuninawö̧nö ko̧ko̧dö tjichejebobö.

Juan 1:51

Ina yöawinobe okobe deinö: —Isabenö yötawaduwakwö. Ju'winö mölejȩ po̧ibobe kwedaduwakobe. Ja̧danö, Dios ömöayedö ángelesdönö kwedaduwakobe, mölejȩbetjö böjȩkwö jwibachadönöma. Ja̧danö, böjȩtjö mölejȩbekwö kabekwachajadönöbi kwedaduwakobe. Ja̧danö, jobadö ángelesdö böjȩkwö ichö, ötjönö mebibö jamatadönö kwedaduwakobe. Ötjönö, jojo baibanö jeminökwenö mebibö jamatadö ángelesdönö kwedaduwakobe— jejenö yöawinobe Jesúsma jo̧bakwö ichinadönöma.

1 Corintios 11:10

Jau chömöledö, Dios ömöayedö ángelesdöma ökwödönö edadö. Ja̧danö, jejenö tjedobetjö̧, ya̧dö tjuu tjumucheibobö jo̧be, chilekwe ömöayujusa jö̧ba̧lö.

1 Corintios 4:9

Jau chömöledö, ökwödö Jesús webawedöma la'aka luwedödanö dichejekwökö. Baikwö wanedö yötawa chömöledö: Böjȩ luwedö sulabenö ja̧badönö lȩbebö, jobadönö kwabö lotjobe. Ja̧danö, kwabö lotjakwa̧ abönö, okobe deinö tjöba a'otjö junadö, ju'wedö jobadönö otjo jö̧ba̧lö. Jobadöjayedödanö dichejekwobe ökwödöma chömöledö, Diosma ökwödönö ujuninobe ichejekwa, okobe deinö jojodöbi ángelesdöbi ökwödönö edö otjo jö̧ba̧lö.

Efesios 3:10

Ja̧danö, mölejȩnö ju̧kwadö juluwadö ángelesdöbi, ángelesdö tjuluwedöbi Jesúsnö ösödadönö edö jö̧tja̧lakobe, Aaa, judío jojodöma judío jojodöböködökwö babema bakwaso jojodödanö babibadö, jö̧ba̧lö. Ja̧danö, tjöwaisachibakwedö, Ayö, Diosma jwiinö waiso̧we, jö̧ba̧lö. Jobadöma jejenö edö tjöwaisachibobö ösödo̧, Diosma.

Colosenses 2:10

Cristoma okobe deinö luwedö inesö la'aka tjuluwo̧, ja̧danö weawa luwedö inesö la'aka tjuluwo̧ chömöledö. Ja̧danö jo̧banö dötewadö kwö̧jaduwobetjö̧, tjo̧wi̧ okobe jwiinö ja̧kwawa juna̧ladö bakibinaduwobe ida̧ökö chömöledö.

Hebreos 1:14

Jejenö weinokobe jobadö isapjobedönöma Dios ömöayedödatjobetjö̧. Jobadöma Dios ömöayedö ja̧nö, jojodönö pjatjatobö Dios weawö̧. Isabenö, ángelesdöma jojodönö pjatjatobö weawö̧, Dios mikwa jwiinö tjö̧jibinö pjaati̧tjö tjemakwedönöma. Isabenö chömöledö, ángelesdöma Dios ömöayedöda, jojodönö pjatjatobö weawö̧. Jo̧kwaobetjö̧ chömöledö, döwaisachibanö wajuwanö i̧sebobe, Dios Itji̧ma ángelesdönötjöbi o̧penönö jwiinö inesö jo̧, jö̧ba̧lö.

Hebreos 9:5

Japjo muchekwapi wamenö du̧ju̧taja otikwedö ángelesdödanö ichejekwadö tjö̧wajinobe, tjo̧wa̧ja̧pi̧ya juna̧ladö. Jobadöma Dios jwiinö dejatinö ö̧jemi 'da̧denö wa̧nö tjö̧wa̧ja̧pi̧ya jelo̧ o̧wo̧ja̧pa̧kwö badekwakwanö ja̧pjo muchekwapikwö eda̧lö tjö̧wajinobe. Japjo isapjo muchekwapi wamenöma pakaya itji̧ kwabö tjiyökwe ökwösobubi, chiwo kwabö tjiyökwe ökwösobubi lilinemi. Japjo muchekwapi wamema Dios jojodönö lȩlö̧jino edi̧ wanekwachinemi. Dios jojodönö lȩlö̧jino edi̧ wanekwachobetjö̧, japjo muchekwapi wamenöda tjökwösobuma liliinobe Diostjö jojodötjö ö'weje la'aka pjabato̧ma. Chömöledö, ja̧ jawa nöinö ji̧jayonö, babema ja'yubeda yötawa, okobe jwiinömaökö.

1 Pedro 1:12

Jejenö tjöwaisobö jö̧tja̧liökwe, Diosma jobadönö i̧sebinobe, tjiwȩyudi̧ma, damötjö ji̧nadö jawamaökö, ökwödö 'dö̧ibaji̧ möle ju̧kwadönö Dios pjaatakwa̧ weneda tjiwȩyudinobe jö̧ba̧lö. Jau chömöledö, ja̧ wenema, otiwa jawa wene Cristo dö̧jibinö pjaati̧ weneda, ja̧danö Dios iwene yöbawadöma ökwödönöbi ja̧ wene yötjawinobe chömöledö, a̧ja̧kwö kwösödaduwobö. Jau chömöledö, Diosma mölejȩbetjö iteda O̧'wo̧ Luwo̧nö weinobe, ja̧danö jo̧ba Dios O̧'wo̧ Luwo̧ ujulunö otiwa jawa wene yöbawadöma ja̧ wene ökwödönö yötjawinobe. Jau chömöledö, isabenö do̧'wo̧ ösöwanö Diosnö dösödobö jo̧be, isabenö otiwanö ökwödönö pjaatobetjö̧, ja̧danö isabenö otiwanö ökwödönö iyakwo̧obetjö̧. Jejenö isabenö otiwanö ökwödönö pjaatobetjö̧, ángelesdöbi edö, Ayö, Diosma dakwö iteda ömöledönö pjabato̧jö, jö̧ba̧lö tjöwaisobö jö̧ba̧ladö, ökwödönö pjaati̧ma yelösöda otiwanö pjaatobetjö̧.

1 Pedro 3:22

Ja̧danö, woawatjö tjebachajo̧, Cristoma mölejȩbe kaekwajinobe chömöledö, ja̧danö jobe Dios öwaisobekwöchobe inesö la'aka luwo̧ ö̧bena öbamatinobe. Ja̧danö chömöledö, okobe deinö ángelesdötjöbi, böjȩ luwedötjöbi, mölejȩbe luwedötjöbi la'aka tjuluwo̧ma jo̧bada, Cristoda. Ja̧danö chömöledö, babe usula kwemawaduwijayonö, kwo̧'wo̧ ösöwanö kwö̧jaduwena, baledajadö ökwödöbi Dioskwö dö̧jakwedösa jö̧ba̧lö.